愛情片數套....J J 小評 (含內容)

lkljason · 發表於 2012-6-26 12:59

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 lkljason 於 2012-6-26 19:13 編輯

近期睇左幾套愛情片，有新有舊，但我覺得最好睇既係中國既代表，事前真係估佢唔到！

忘了, 忘不了 The Notebook

可能預期過高，睇完感覺係就係有d Touch位，不過過程唔算令我好深刻，初段我仲覺得有d悶添，鄉下仔鐘意左有錢女呢d劇情我地香港既粵語長片都用唔小，首先家人阻撓，再黎多招有緣無份，最後搭多招相逢恨晚，拿~~~最後就係關鍵勒！你想Good ending定Bad ending就係靠最後呢招，不過話時話呢套其實我都唔係好識分佢係Good定Bad Ending。你地話呢……. ？

情約一天One Day

同一個禮拜內睇完前者再睇呢套既愛情片，劇情難免令我有d混淆左，不過上面所講果幾招其實堅真係愛情片既完素，首先係男女主角身份對調，男主角花花公子一名，畢業典禮後同女主角有d feel，但點知臨埋牙前都係話不如大家做好朋友囉，咁朋友關系就由呢度開始，當中男有男既生活，女有女既忙碌，然後大家每年偶然約出黎，點下頭問候一下，然之後就成年無再見面，但當男主角失意既時候就會好想見個女主角，等女主角聽下佢盡訴心中情，最後尋尋覓覓兜兜轉轉原來最了解同最愛其實一直O係身邊，只係自己錯過左，但結尾個Ending就係我想講又係最後果招，結局好與壞，在乎結尾點安排，個安排當然係我是唔鐘意果隻啦……….>.<…..嗚…..嗚！

愛LOVE

呢套戲其實就係 ”真的戀愛了” (Love Actually)既大陸版，其實我都唔肯定佢係台灣定大陸戲，因為內裡既演員台灣大陸都有，anyway好戲就理鬼得佢邊度既戲丫。

其實之前預期真係無，諗住都係拍比d大陸同胞，劇情老土婆媽既戲，點知無期望果然無失望，仲要有驚喜覺得好睇添。三pair組合帶出三個愛情故事，但當中d人物又互相有關聯，雖然唔算話好精彩，但睇完會感覺舒舒服服，愛情片應該係咁至岩嘛，sweet d唔好咩！