草食男の桃花期..J J 小評 (含內容)

lkljason · 發表於 2012-6-26 11:57

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 lkljason 於 2012-6-26 12:03 編輯

未睇前都估計套戲會好似電車男咁既內容，我捧場原因有二個，第一睇下d fantasy既野 (宅男追靚女)，第二梗係睇靚女啦，不過認真d講套戲既靚女其實只得長澤一個，其他……….. 不過不失啦！

呢套戲同電車男比較，我覺得多一點真實，因為男主角雖然由始至終都係心儀美雪 (即係長澤呀) ，但其實主角既目的同動機只得一個，唔使我畫公仔畫出係乜啦！不過純情男同賤男真係一線之差，一路睇都覺得無乜野，到美雪個friend鍾意左男主角，仲同人地搞埋野，但事後對人既態度馬上立即變臉，人地想話做返好朋友都要拒絕，我一路睇就眼火爆，而美雪個friend同主角搞完兼被拒絕後又性格大變，由宅女變成食家，呢個轉變太快我都接受唔到，我知道呢套電影由漫畫改篇，之前做過深夜劇口碑唔錯所以拍埋電影，就係可能因電影片長關系，有d劇情局住要縮短，但都唔好咁突然丫！而美雪係咪一開始已經鍾意男主角呢點我睇完都唔太肯定…..。同埋我想知草食男唔係食齋既咩？

套戲係就係幾fantasy，但同我預計有d偏差，而男主角個樣實在太鬼鼠，加上對佢既行為極之反感，最終仲要奪得美人歸直頭覺得天無眼，長澤套戲真係幾靚，但係咁樣益個男主角就真係……………點解男主角唔係我呀！XDDDDDDDD

[YoutubeHD]Mioty964f0g[/YoutubeHD]