【藍光後期制作點與滴分享會】討論 (P5 #44 加相)

teddyng637

睇 BLU-RAY 就睇得多, 原來 BLU-RAY 嘅前期及後期制作要咁多程序, 先可推出市面, 又或者數碼收復技術唔係想像中咁簡單, 每個程序都要人手每格收復........等!所以今次嘅 Event 真係穫益良多, 真係好多謝76搞D咁好嘅活動!

kingking1970

很正的活動，未能出席。師兄能否分享多點內容嗎?

- 發送自我的 iPhone 大板凳應用

masks

總之做幕後人係好唔簡單,可以有這麼大的自由度同有HEART一間幕後公司現在真係好小有

Collection

今次藍光後期制作點與滴分享會真係好正, 正如Ken總所講...經B&O帶領下參觀,
真係大開眼界, 每間房內對DVD, Blu-ray嘅制作絕對認真, 渣Fit人Michael每每細心聆
聽我地發問, 答案專業唔在講, 更加用一啲比喻令我地容易明白!

復修舊港片一環, 真係好精彩, Michael將未復修同復修播比我地睇下分別, 當中見
d員工每格慢鏡播, 逐點逐點畫面執好, 又把畫面顏色, 光度再做靚, 當中個份熱愛
電影, 希望將最好嘅產品交出比發行......真係感受到<誠意>兩字

動作片中的拳, 腳, 刀, 劍聲, 背後竟然係一位專業員工, 一個人十隻手指配上, 配音
室設備又係大開眼界, 4吋厚吸音綿由全個天花到四周圍都貼滿, 做到咁好嘅隔音,
原來又係為咗制作最好嘅影碟!

影碟中的規格畫面, 例如選擇音效, 章節.......等, 原來係經過佢地不斷...不斷...再不斷...
不斷...不斷...再再不斷測試, 我地平日選擇音效, 章節好快就過, 但...原來背後係咁細心

Michael更站在消費者立場, 用我地嘅角度出發制作, 每日又上76了解我地對影音要求,
另外最重要今次金陵十三釵最新96K, 真係要多謝嘉耀製作嘅老板, 比咁大自由度
Michael試新野, 唔係我地就冇得欣賞金陵十三釵96K了

再者嘉耀在本地製作質素上除了得到本地用家認同外, 亦獲得海外及荷李活片商的認可
及成為指定的亞州區製作中心, 當中包括20世紀霍士及英國廣播公司BBC等等........

以本地製作電影為例, <導火線>  <門徒>......等等
本地演唱會有 <蔡琴不了情演唱會> <陳奕迅－Get a Life 2006>.......等等
紀錄片更有BBC 的”Planet Earth” 韓國版, 香港版及台灣版等等.........
你地話勁唔勁!!!

Ken704

回復 13# masks

我諗佢地每晚都唔知幾點收工！

Ken704

回復 8# fungl

你係唔係想見工？有空缺話你知

jt24

回復  fungl

你係唔係想見工？有空缺話你知
Ken704 發表於 2012-6-15 08:25

Ken哥，你成晚都講錯人哋公司名，依家都係錯.............哈哈哈.........係嘉耀呀！

jt24

噚晚嘅event可以講係76首個介紹幕後製作嘅活動，令到我哋大開眼界，不但可以睇到藍光碟、DVD等軟件嘅製作過程，仲可以通過發問加深了解各種以前唔知嘢，括修復舊片、stereo變5.1等等............今次真係多謝Michael大哥全程講解，仲有嘉耀公司老板同各位員工畀機會我哋參觀，最後梗要多謝76各位版主啦！

edlsang

回復 16# Ken704


    都話問吓請吾請車水啦.......

Ken704

Ken哥，你成晚都講錯人哋公司名，依家都係錯.............哈哈哈.........係嘉耀呀！ ...
jt24 發表於 2012-6-15 08:55

我講左"聲耀"呀麻! {:9_434:}  我睇下你地有冇留心聽書{:9_407:}