捉鹿唔識脫角 － 白雪公主之魔幻復仇記 (影評)

SonSon

同期一先一後有兩部以白雪公主為題材電影，當然以呢套最為吸引啦。顛覆童話原著故事架構+有魔戒三部曲影子，加上吸血新世紀+雷神+普羅米修斯主角組合，牌面上已甚新鮮，所以就算遲咗Ｄ都無減SonSon入場意慾。



先講演員，查理絲花朗(Charlize Theron)相信係全片亮點，雖然英文戲名係｛Snow White and the Huntsman｝，但反成為全片重心，睇宣傳海報排中間位置已知一二，比白雪公主更為美艷，加上演技最為突出，每次出場均令人期待。



很多人都認為姬絲汀史超域(Kristen Stewart)同白雪公主美貌扯唔上關係，甚至與皇后比亦比下去，演技仍停留Twilight階段，幸好個人認為姬絲著上盔甲騎著戰馬，返而有點英姿颯颯感覺，算挽回少少分數。



至於基斯咸士禾夫(Chris Hemsworth)既獵人角色只係做好本份，由揸槌變揸斧頭吧。


當然一套好既電影，就算選角幾好，但故事平淡仍算敗筆。顛覆童話故事個人認為最成功係｛史力加｝，至於呢套就比人感覺好似左抄右抄咁。白雪公主設定變咗｛愛麗絲夢遊仙境｝＋｛聖女貞德｝；獵人一角好似原著冇乜點提，可以當新角色處理；黑心皇后一定係咁，所意新意不太。最失望係皇子及一眾小矮人，前者普通人一名，亳不起眼（見海報連樣無份已知）；後者設定直情同哈比人一樣生活係森林中，失望。


故事更平淡乏味，中間悶場頗多，感情戲薄弱（公主、獵人和王子之間的關係含糊），情節交待不清（白雪公主為何可順服黑森林怪物及治療小矮人心靈？），大型特技場面欠奉（絕對唔可以同魔戒相提並論），結局一段未能掀起高潮（所謂戰爭場面唔知係唔係資金欠奉而將貨就價？），甚至有點草草收場（之前皇后好似天下無敵，原來可一刀刺死，重要係即死）。





其實，個人認為將白雪公主反拍變成一部特技＋夢幻形式片種可能更加吸引，好過依家成人會認為精彩欠捧，緊張不足，小童亦會於兩小時內座立不安呢。

多謝收看
圖文：SonSon

digiman

A very good review !
Agreed Charliz Theron is performing quite outstandingly than Kristen Stewart !

emuho888

近期D所謂大片都

Dionysusma

nice review

adamkong

兩套白雪公主都差唔多 平平無其

stanleykc13

好彩冇比錢入場睇唧

scott0208

套o野悶到想死

SonSon

兩套白雪公主都差唔多 平平無其
adamkong 發表於 13/6/2012 15:45

老細居然有先見之鳴，驚悶唔陪我去睇。

SonSon

好彩冇比錢入場睇唧
stanleykc13 發表於 13/6/2012 19:17

希望愈大，失望愈大。據聞之前打算拍三部曲，唔知會唔會有下文呢。

dragonyam

魔鏡魔鏡知實衰硬，估唔到呢套都咁樣...{:9_418:}