懷念哥哥特集 之 一 "ReIMAGINE LESLIE CHEUNG 藍光+雙CD"

阿定

早前，環球係會展搞左個 ReImagine Leslie Cheung 音樂會，作為哥哥迷的我，又不是哥哥開Show，無去睇係必然的，不過早排路過信和，CD鋪門播著呢隻專輯的精華片段，又覺得唔錯啊，兩舊水左右，有藍光碟，有CD跟隨，價錢不算太貴，就帶回家慢慢欣賞好了



封底可以見到音樂會有25首歌，CD有18首歌



開盒後會見到 CD(左) 同 BD(右)



仲有一本音樂會當日各歌手的相集



睇完相，應該唔駛介紹都知曲目係哥哥環球年代的歌為主吧，唔知咩叫環球年代的，簡單d講即係哥哥復出後的歌，亦即係哥哥後期的作品，由各環球歌手來唱哥哥的作品，老實講，作為哥哥迷，你叫邊個來唱都唔會好聽的，所以今次歌曲係重新編曲過的，每首歌都可以話係跟番歌手的風格來重新編曲的，講得直少少，部份歌好唔好聽，真係可以好主觀，例如Prudence唱的左右手，你喜歡Prudence的話，一定好鐘意，但如果只係一個哥哥Fans，你可能會有所失望都唔奇，簡單點講，獨立去聽，唔同哥哥比較的話，大部份都係高水準之作來的，由其幾位老牌歌手，林子祥式的陪你倒數，作為第一首歌，真係好好聽，作為哥哥Fans，任何情況下我都唔可能認為有人唱得比哥哥好的，但林子祥唱，真係好有味道，有重新認識一首歌的感覺，而呢種感覺，幾位實力派歌手都做得好好，不過話明係環球總動員，總會有少數資歷較淺或離開舞台一些日子的歌手你會聽到媽媽聲的

總的來說，成隻碟唔錯的，比唔到高分係因為我太過哥哥Fans而已，正如一開始我所講，無哥哥的哥哥Show，我無可能比得高分，但價錢相宜，有BD，有CD，加上幾位實力派歌手的新演譯手法，10分我都比到7.5分的，個別唱得比較差的，就當係演唱會必有的介紹新人位吧，實在不應把他們的分數計算在內才算公平呢，而且入行十幾年都無可能唱到哥哥八成啦，入行幾年唱到哥哥一兩成，其實也好合理啦！

最後畫面方面，由於成個show以唱歌為主，所以拍得好清的，絕對係1080P製作，大家無需擔心，而音效方面，做得亦非常出色，雜聲接近零，係最後大合唱有d亂而己，問題不大！

ryanytwong

詳盡的報告

jack331

好詳細的分享, 到而家都未有勇氣買黎睇

phi76ers

good choice !!!

emuho888

回復 3# jack331


    坦白講：有幾位唱得幾恐怖

goluchan.

不錯的報告

timchan

冇哥哥嘅哥哥演唱會，冇咗個靈魂喺度...

wws2908

我覺得張敬軒有啲姣過籠...

yk0823

呢隻真係我 最快睇完放二手BD之一 ....

circleli

睇完樓上幾位師兄簡略評價之後！即係可以………！