有感而發....(純個人睇法)

Hon

可能我個人對睇戲比較古怪, 見到近排好多POST都講BD戲減價, 所以有感而發...

減價, 故然之對大家係一件好事, 起碼可以用平價睇到高質素既電影.
但其實"戲"呢樣野究竟係因為想睇而睇, 定因為個"價錢"而去睇呢?


無可否認, 現時黎講BD都仲算係貴價既玩樂產品(在我黎講), 由DAY 1玩BD開始都好想知道究竟幾時可以普及到, 以及可以用低廉既價錢去享受呢種娛樂, 但時至今日, 有種感覺好似係倒轉左, 唔係因為套戲好唔睇或者想唔想睇而買, 而係"平左WOR, 咁就買得過LA" OR "終於平左LA, 可以買LA".....

近幾年自己睇戲都唔同左, 以前套戲都未上畫己經講定"等出碟至睇", 依家點都會去支持左先, 就算係爛片都好, 當俾自己一個教訓同認識, 某程度上反而係好事.

"純個人睇法, 希望唔好見怪"
"有得罪既地方, 請多多包涵"

timchan

我就會睇定d，睇咗師兄嘅碟評先，跟住要睇個價錢。
心中一定有首選及次選嘅碟，首選會一出即買，要建議零售價購買，不會炒價購入。
次選嘅碟，會等價錢回落先至會購買。

circleli

價錢平就會惠及更多人、普羅大眾銷費普及左.....最終都會惠及影商、軟件商；兩家有利係個循環！

stm

我唔係發燒友，睇戲係日常娛樂之一。
睇戲首選係戲院，大片一定入戲院睇。
但一年咁多片，依家睇戲又咁貴，唔會套套都入戲院睇，咁就會買碟。

買碟一係就未睇過但又想睇，睇完ok就keep，唔係就放。

另一類就係已經睇過又想keep，呢d碟我就通常等減價先買，因為已經睇過，所以買黎重溫，唔急住要，咁就梗係等減價。

又有一類係舊片以BD再出，或者已有DVD又想買番BD，呢d又係等減價。

再有一類，係套戲無諗住會睇或者唔知有呢套戲，但見到減價，一看無仿心態，所以先會買。

減價當然係一個誘因去買碟，有時真係會因為減價而買，但買左又擺係度無睇{:9_437:}

terencebest

我自己本身好鐘意睇戲，我最高記錄係1日入咗戲院3次，同時亦都會上網睇戲(好多未必有上畫)。
至於買碟，由以前少量LD，到VCD，再到DVD，繼而宜家嘅Blu-ray，一見心水就二話不說入手！到宜家普及咗，見到減價而之前未必有諗住儲嘅就入手睇吓佢藍光嘅畫面、聲音質素。
以上就係小弟對睇戲，買碟嘅立場。

史提芬周

因為我本人多數入左戲院睇戲先，到套片出碟大部份根本唔急住翻睇，只有很少數神枱級極鍾意既片先會急住一出即入，所以好多都係等佢減左價先入黎收藏。

myblue

可能我個人對睇戲比較古怪, 見到近排好多POST都講BD戲減價, 所以有感而發...

減價, 故然之對大家係一件好 ...
Hon 發表於 2012-6-2 23:41

贊成，戲好再講keep唔keep套bluray, 戲麻麻送都唔會睇，仲嫌佢阻地方。不過買bluray又幾個人喜好嘅，等於女人買衫，見大減價，即刻唔諗買一堆返黎，著都未著，擺到出年，又話送比人。我地師兄就環保D, 拎出黎賣出去，同D連鎖店斗平.

關大爺

我同意師兄講法,我唔會等特價先買碟,如果套戲係好睇多多都比,如果唔好睇送都唔要,費是諗位擺佢.所以我一隻港產片都冇.哈哈
"純個人睇法, 希望唔好見怪"
"有得罪既地方, 請多多包涵"

pongyusum

我同意師兄講法,我唔會等特價先買碟,如果套戲係好睇多多都比,如果唔好睇送都唔要,費是諗位擺佢.所以我一隻 ...
關大爺 發表於 2012-6-3 10:36

    唯有封你做港產片歧視王...

akira11092

我由 LD 年代玩到而家, 咩類形戲都o岩現時祇有3隻 bluray 碟除一隻外都減晒價先入
全部都係睇過晒, 但成日都諗起劇情畫面先買, 嗱~ 黎到呢種程度真係叫鐘意咁我先至買
咁就唔駛晒咁多錢啦, 日日都有人拍緊戲呀, 你買得幾多
講真呢3套片買返黎都係收藏為主當看門口作試機碟, 既然都睇過喇亦唔急住重溫,
所以到而家呢分鐘我都未聽過咩係 HD 音效, 但我玩 Z7 喎
且自已定左一年最多都係入場兩次揀認為最鐘意既先人埸