二手買賣奇遇記

Superpaul · 發表於 2012-5-14 11:11

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

買貴影音鍾意買二手嘢，忽然想分享件二手買賣奇遇，話說有次我在網上，用一萬元買套二手音響，對我嚟講係最貴呢次，當然要上門試機。

首次電話聯絡，咦，女玩家嚟嘅？

原來佢話套音響係佢朋友，啱啱pack好搬完屋，但又唔想要所以放出嚟賣！聽落都好正路，約咗上港島一個向海皮的屋苑，我心唸真係high class...

放工後上去，一入門口，就見到對衣著入時，並且貌美的姊妹花（與我一身宅男土服成強烈對比）......

我問：「妳朋友呢，機主係邊？」
佢話：「唔得閒呀，搵我交收咋，係呢，你口唔口渴呀？」

我禮貌地話唔口渴，點知佢姊妹拎支酒嚟開（似香檳之類呱），倒落高杯俾我，我心唸妳兩個已經夠迷暈我㗎喇，仲整枝酒？其實我心儀係部機，一於話不如試機先喇！

我見部機pack好晒，同佢一齊拆開個盒，整兩整駁好線，部機可以turn on但CD play唔到，佢就話：「係咪我唔識撳制？你識㗎呵！」，我見setup無乜問題，九成九係CD player壞咗

但係佢話：「嗱，收音機聽到呀，喇叭聲又好靚，無壞到喎！」，我心唸唔係咁都得呀......同時我唸緊好唔好還價，自己去維修，但最後都係怕煩，所以話都係交易取消，佢都好Nice話OK。

正當想著番鞋鬆人之際，佢話坐唔坐下先？我心唸，交易唔成，仲咁Nice叫我坐下先，莫非想一齊飲下酒傾下計？妳地唔驚一個陌生嘅男人咩？

但So sorry，我太宅，反而驚咗對姊妹花，但現在有點後悔