曼城最後5分鐘。真係好經典。

tennishk

曼城最後5分鐘。真係好經典。
球迷地獄變天堂。不過(昆流)好有問題，輸第二球之後到自己開波，就算冇諗住要贏，都冇理由大腳交波比對面！




[YoutubeHD]eJqd7c8xlZ4[/YoutubeHD]

teddyng637

"昆流"最後5分鐘咁都捱唔到................

emuho888

費sir有冇心臟病發

KING

補時5分鐘最攞命,補3分鐘曼聯都捧左杯!

沙煞比

就係咁打低左曼聯......i like it

kalok6

補時5分鐘最攞命,補3分鐘曼聯都捧左杯!
KING 發表於 2012-5-14 09:14

巴頓果度都搞左好耐.....5分鐘係有需要......

ykluk

首先小弟作為曼聯球迷, 尋晚場波未開時的確諗住睇"本季最後一場"既諗法, 心諗曼城主場都應該無甩拖...落到會所見佢開咗2個大電視睇住2場波, 見到祖爾巴頓無啦啦打人, 再影吓曼城班有錢佬班主, 心諗唔係又收錢打假下話....點知到佢入完一粒又一粒, 去到88分鐘真係緊張到爆~~!! 個個都以為一係曼城突然入2粒, 一係佢入1粒, 曼聯比人追1粒先會死得, 超緊張手心出晒汗....到曼聯完場, 心諗應該掂晒可以睇埋捧杯, 專心睇曼城場波先至吹脹~~!! 當然保頓已經和波, QPR點跟都唔使降班, 但係唔使咁做馬下話, 曼城踢咗50-60分鐘都入唔到波, 最後5分鐘先入2球....

呢啲嘢, 真係唔知叫戲劇, 定係叫金錢無敵....我係曼聯迷, 的確好氣憤, 但係不如曼城不如由頭到尾都係1:0嬴咗佢會好啲, 咁樣激死老費又何必, 70歲人真係受唔住刺激....

p.s. 其實我覺得以全季表演, 曼城的確係比曼聯值得奪冠, 曼聯中場中間咁弱, 搞唔掂都係次一級...{:9_418:}

bh72bh72

當尾段 (其他球賽玩完)
QPR 知道可留係英超, 似乎想放生曼城,
以曼城球員既能力, 小小機会都可成入球....

shiftvictor

look at the face at 3:35

[YoutubeHD]DbymrXHDyIA[/YoutubeHD]

wantai288

請上天幫忙，希望以後曼聯嬴第一，其它球會只可以第二，重要有有錢人入住曼聯