天水圍的日與夜....J J 小評(有無內容都無乜所謂)

lkljason

生活淡淡似是湖水........無錯勒！睇完呢套戲腦海中泛起呢首歌既歌詞，成套戲好似睇緊星期日檔案咁，獅子山下都起伏大過佢，d攝影手法寫實到不得了，好似部機擺o係屋企任鬼佢拍跟住左剪右剪就成為一齣戲。鮑姐同雲姐唔係話佢地做得唔好，不過佢地拍亞視d戲或者港台d劇都係咁既演技架啦，唔覺比電視做果時特別出色，不過可能平時公仔箱果d演技已經叫好勁啦，但佢地本身咁既look做師奶同阿婆，對我呢d對演技無乜認識，但就咁齋睇就唔覺難度有幾高o勒(得罪莫見怪)，所以評審既睇法真係好難捉摸。

總結：比我想像中差，有一幕搭巴士影住架巴士一路行，幾驚佢一個shot會由天水圍影到去沙田跟住完場呀~~~~XDDDDD！如果呢套戲你都覺得ok，相信平時既你應該都幾鐘意睇電視o勒！

LAWSON

鮑姐假假地都做過李連杰阿媽架(霍元甲)
我唔係話套野唔得,只係覺得有小小OUT同簡陋左小小咁囉.雖然屋村片係唔洗點落本.

radhk

>> 幾驚佢一個shot會由天水圍影到去沙田跟住完場呀~~~~XDDDDD

呢個係咪成套戲最好笑既笑位來架?

lkljason

哈哈哈~~~咁就真係要睇你用乜野角度睇啦！

小瑟

呢套野其實都幾博, 事關比你係老細, 你都唔會肯出錢拍套咁既戲.
不過其實天水圍係有系列既, 依家就日與夜, 講人情味, 夜與霧就講悲情.
http://www.post76.com/discuss/vi ... fromuid=4#pid123685

lkljason

票房好似100萬都唔夠，應該要蝕

Phoenix

我唸抱住看星期日檔案咁看會好d.

hand神

>> 幾驚佢一個shot會由天水圍影到去沙田跟住完場呀~~~~XDDDDD

呢個係咪成套戲最好笑既笑位來架?
radhk 發表於 2009-4-21 01:40

.........................................

ronaldlaw

今年d金像獎提名戲大部份都有睇.
自巳覺得只係得証人比較突出, 另外我鐘意"一個好爸爸".... 天水圍真係太平淡喇, 攞編劇獎真係有d.......   回jj, 我覺得星期日檔案同新聞透視好睇d.
女主角同女配角我認為劉美君同race都做得好正....

lkljason

我覺得星期日檔案同新聞透視好睇d.~~~~絕對係！