小弟係做開生產呢一行. 所以對OEM (來料加工)嘅做法有一定理解.
首先, 電子產品同車縫產品唔同. 好多工序唔須要熟手工人去做. 因為工人嘅角色係裝配員. 佢地只不過將一啲預制組件安裝上去. 須耍嘅技術有限.{:9_436:}
而車縫產品唔同, 好多工序一定要熟手工人去做. 如果唔係, 一定車到不知所謂. 上個月, 我同一間有行冢內名嘅工廠老闆食飯, 佢同我講, 依家廣東熟手工, 人工貴到離晒普. 加埋班每個月攞佢3千幾四千蚊! 等同廿幾年前香港工人人工!!{:9_412:} 佢話, 情況再咁落去, 佢寧願退休!!
講翻正題, 係SUPPLY CHAIN MANGEMENT 裡面, 只要外面生產成本, 平過自己做. 咁就一定要外判. 況且, 加工廠只不過出豉油 (生產線同工人), 客人出雞(所有材料), 最後, 叫自己啲QC去查貨驗收.
就好似PIONEER咁, 佢地有工廠係深圳同東莞. 都耍終要外判. 咪就咁既原因囉.
其實我講過好多次, 叫大家唔好迷戀MADE IN JAPAN. 因為呢樣只不過係MARKETING既技倆. 一部機咁複雜, 絕對冇可能全部日本做. 係咪??
舉多個例子, 俾大家分享吓, PS3係富士康做, 相信好多人都知. 咁你哋又知唔知, 前一排, 富士康駛咗幾十億入股SHARP, 除咗想接APPLE - IPHONE呢個大DEAL, 另外, 就係為日後幫SONY生產電視搭路. 因為SONY宣佈咗唔會自己生產TV, 只會專注產品研發同推廣!! 好似APPLE咁
最後, 希望大家唔好太執著產地來源, 呢一樣咁唔實在既野. 係現代生產學上, 係邊度生產唔重要, 最重要係QA+QC做得好, 因為呢樣係真係會拉高成本的!!
 |
[複製鏈接]
發表於 2012-5-9 17:15
樓主
