估唔到今時今日的CD舖可以係咁差

byingfung

原本都唔想唱呢間CD舖，但原來有個FRIEND近排同我講都有相似遭遇，不吐不快，位於元朗喜利商場的一間CD舖，佢地有個事頭婆行為，真係令我好憤怒，如果你地話旺角間CD舖果個係黑面神，呢個直頭係百分百X面神，由於佢間店的CD價錢便宜，好多時就為慳錢就走去佢果到買，買碟幫襯不但X面，都算，如果你要換碟就更差，我試過攞隻CD去換，佢夠膽死同我講，隻碟播過，係唔係你自己整花，跟住又同我講，我地好小心，唔會亂賣次貨，跟住我反問，我點會自己整花呢，你無理由唔換比我，而家你無貨咩? 佢就好質疑，跟住同我講，我地係有貨，不過我地而家唔會換過隻比你，我會同批發商再攞貨，睇下會唔會換比你，有貨會通知你，但係根據消費者權益，客人有權在七日內換貨，講到呢道你地嬲唔嬲。我今日個FRIEND仲要同我講，除左呢D賤野，佢地仲好鍾意將一些佢地認為異見的客人，列入黑名單，暗號層出不窮，包括是將播緊的音樂較細聲等等，暗示呢個係異見客人，我知都有唔少元朗人會去果道買CD，甚至有D好似食左迷藥，為佢地護航，無所謂，你地有你地權利，但換轉係我，比錢人賺仲要受人氣就世係假，我寧願去遠少少到鐳X皇，原本佢地响大馬路，初初以為佢地執左，原來只係搬左，價錢差唔多，但人地就有禮得多，不過我都唔會孤息呢DX店，過兩日去消委會投訴佢地

zzjude

原本都唔想唱呢間CD舖，但原來有個FRIEND近排同我講都有相似遭遇，不吐不快，位於元朗喜利商場的一間CD舖， ...
byingfung 發表於 2012-4-28 22:29

    咁都得。。。。。。

avlam

喜利而家分分鐘重貴過旺角呀！

jasonfussy

下, 估唔到依家變成咁......

sunboy

我都曾經有過不快的經歷............以後唔Q去幫趁..........

903881997

我都曾經有過不快的經歷............以後唔Q去幫趁..........
sunboy 發表於 2012-4-28 23:41

小吉兄蒲到去元朗？定係元朗已經成為您那些年的回憶呀？

sunboy

小吉兄蒲到去元朗？定係元朗已經成為您那些年的回憶呀？
903881997 發表於 2012-4-28 23:47

    事緣都是從網友得知元朗有間CD舖的CD較其他地方平,而且有頗多外面較難揾的CD都仲有,所以才到上址光顧吓咁姐............

903881997

事緣都是從網友得知元朗有間CD舖的CD較其他地方平,而且有頗多外面較難揾的CD都仲有,所以才到上址光 ...
sunboy 發表於 2012-4-29 00:15

之後一定失望而回吧？！

TonyTDK

回復 1# byingfung


    喜利? 我唔覺得佢服務態度差bo
    我成日去果到買碟...有隻碟出左事...佢都快手幫我換左

byingfung

回復 9# TonyTDK
你要睇下係邊個坐COUNTER，個妹妹就幾好，無咩所謂，遇著X面神就唔同，最初佢會係無野，但我同我朋友一個月幫襯佢六七次，加上港版CD出名差，就唔會換一次半次咁少，佢就會開始X面，其實我真係唔知佢點唸，可能佢以為鐳X皇已搬走，無左競敝，又以為自己特別平，我地非去佢果道買不可，就可以得罪我地掛