東京箱根八天 Part 3

LAWSON · 發表於 2009-4-14 21:37

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

豊州-Kidzania , 品川-水族館 , 大宮-鐵路博物館 , 大宮過四個站古老名勝-川越

LAWSON · 發表於 2009-4-14 21:55

本帖最後由 LAWSON 於 2009-4-14 22:10 編輯

1# LAWSON

豊州-Kidzania 係要預約既,每個小朋友只可以兩個大人陪同. 共8200yen,為起成六百幾蚊一次, 分上下晝兩個section入場. 上既 9:00-15:00 ,下既 16:00-21:00. 主要係比小朋友學大人咁扮唔同行業打工,每完成一個項目會取得工資, 小朋友亦可以去銀行開戶口,開戶口時亦會獲發提款卡一張,場內亦設有提款機. 工資亦可以當真實金錢去買野. 重過程中,小朋友可以學到打工,賺錢,理財, 概念非常之好.
但係我認為唔適合外國人玩, 因為小朋友要自己排隊,而日本人係最愛排隊既,每個項目都要排40分鐘以上,排隊時不時都會有場務員同小朋友講解. 但係一個小朋友,要同父母分開去排咁長時間,而其間亦唔可以走開,到玩既時侯亦都唔太清楚玩緊乜.咁對於小朋友,只有苦何來樂.
所以最後阿仔只係玩左一樣野,同開左個戶口咁大打,停留左大約兩個半鐘就走左

LAWSON · 發表於 2009-4-14 22:31

2# LAWSON
品川水族館, 風聞此水族館已多年, 本身以為好似jr站,點知原重過幾個站,出左之後重要行五分鐘近民居既偏僻路,館前既小公園景致唔錯.
水族館算係中小型,唔及得上去過既大阪海遊館同登別尼克斯海洋世界,但係都有麻雀雖小,天使魚,大白鯊都有.而且有幾樣野可以比人接觸, 增加體驗.
規模不及但係多左份親切感.

LAWSON · 發表於 2009-4-14 22:45

本帖最後由 LAWSON 於 2009-4-14 23:23 編輯

3# LAWSON
鐵路博物館.館內有唔同年代既火車(因為技術問題,好多張都唔清所以唔出相了),另外有兩個主要遊戲,一個係電車go,一個係自己駕駛小型火車,
電車go係模擬駕駛,有超大銀幕做畫面.真實度相當高.其中D51古老火車要預約.當日全日約滿,只可以玩普通火車
自駕小型火車,操作同模擬係一樣,全程約五分鐘,途中有四個站,可自由選擇停站與否

ssss41357 · 發表於 2009-4-14 23:31

你仔仔對眼好精靈呀~

LAWSON · 發表於 2009-4-15 00:05

本帖最後由 LAWSON 於 2009-4-15 19:52 編輯

去大宮之前望望jr站圖,見到川越只係距離大宮四個站,去完鐵路博物館就出發去川越,由新宿去大宮係45分鐘,大宮再到川越要24分鐘,路程唔算遠.
川越係一個保留左部分大江戶時代建築物既地方.以觀光值計係相多高既,而且團去小去.滿足到我既探秘心態當然要一去.
每不嬲認路都算唔錯,但係日本既地圖,好多時都考起我,好多次我都唔小心行錯,今次都無例外. 起左花左半小時時間行錯左去另一個地方.果條路似住宅區多, 最後要原路折返車站再睇地圖.之後再花左大約半個鐘先到目的地一番街同果子屋橫町,由於天色開始昏暗,以我既技術同器材,清楚既相亦唔多, 只有小部份可以分享,等大下一齊感受下當時既氣氛, 相中建築物既殘舊度只影到三分一神緒. 果種古舊度比京都清水寺更甚.