以後都唔會再去廣x買碟

sorry

昨晚到廣x買左隻$49blu-ray碟, 點知返到開盒(有紙盒版), 膠盒入面張封面紙唔係放係膠盒入面俾人拎左出黎, 最緊要竟然係入面係無碟!!

今朝一早再去間鋪, 仲要突登坐車去, 講返隻碟入面係吉盒, 諗住換過隻, 不過話已經賣晒...  
問可否退款, 話唔得, 問可否換另一隻同價碟, 話唔得 ...

個sales開始有面色, 話無可能無碟係入面, 退款換碟一直都唔會咁做, 而且間間鋪都唔會咁做, 話下星期應該會再返貨, 叫我到時再打去問返貨未, 但價錢會加價 (咁即係點?! )

只好堅持即時換返隻同價碟算, 又唔知等幾耐, 有碟時到時佢唔認數都吹佢唔脹, 講左一輪, 個sales話算喇, 換同價碟算... 睇碟其間仲要拎隻dvd俾我話換呢隻 (要dvd我使鬼買blu-ray咩)

拎左隻同價blu-ray碟去過barcode時, 個sales即俾說話聽, "記得開盒睇下有冇碟先呀, 仲要睇下隻碟有冇花先好走呀, 無得再換架喇....", 一直都講到好似我拎起隻碟, 再走返去呃多隻碟咁 ... 大佬, 個幾十蚊碟, 車錢時間都蝕晒, 仲要受咁既氣 ... 唉

Hon

係我就即時叫佢嗌間舖最大嗰個出黎.....

再去消委會投訴......

stanleykc13

佢下次唔會比你開架，你喺佢面前開一定炸型，再話你阻住做生意
我會打完電話先踩場，等佢冇位入
不過呢間嘢愈開愈細，又愈嚟愈囂
寧願比多幾蚊去最貴嗰度買，起碼唔使受氣

不過......呢間係MK嗰間？

sorry

佢下次唔會比你開架，你喺佢面前開一定炸型，再話你阻住做生意
我會打完電話先踩場，等佢冇位入
不過呢間嘢 ...
stanleykc13 發表於 2012-4-8 22:52

荃灣個間...

stanleykc13

荃灣個間...
sorry 發表於 2012-4-8 22:57

    ic......

circleli

佢下次唔會比你開架，你喺佢面前開一定炸型，再話你阻住做生意
我會打完電話先踩場，等佢冇位入
不過呢間嘢 ...
stanleykc13 發表於 2012-4-8 22:52

我就一定會即時開封驗碟.......呢個習慣從未斷過

stanleykc13

我就一定會即時開封驗碟.......呢個習慣從未斷過
circleli 發表於 2012-4-8 23:01

    二手我會即開，一手通常靠手感，即係試聲，認盒，重量，有古怪先開

circleli

二手我會即開，一手通常靠手感，即係試聲，認盒，重量，有古怪先開 ...
stanleykc13 發表於 2012-4-8 23:05

原因係我多數唔係本區購買......為免得日後麻煩！我通常都請店員為我開封先行檢查；一般情況下店員都樂意效勞

dragonyam

師兄講得啱，以後都無再幚襯佢，反正要買碟大把舖頭選擇，
實行由佢自生自滅，執哂佢對我地都無損失...

stanleykc13

原因係我多數唔係本區購買......為免得日後麻煩！我通常都請店員為我開封先行檢查；一般情況下店員都樂 ...
circleli 發表於 2012-4-8 23:09

    邊間咁好人？