|
|
我個人認為atoll 200 個post 係無咩問題, 又吾算好火, 我又睇吾到有"壓制言論", 不過係議題上我又無咩立 ...
Lester 發表於 2012-4-21 11:32 
近幾個月好多嘢忙, 都好耐無追過hifi區啲post, 不過都時不時收到兄弟通知, 話有爭吵喺各區發生...
關於呢類事件, 小弟有啲嘢想講:
1. 小弟相信玩av/hifi既兄弟都一定係主觀感強既, 因為自己對各品牌架生有唔同睇法, 因應喜好而組合自己既組合, 呢件事既發生一定係建基於個人喜好呢個主觀感覺上. 所以會有唔同意見係一定發生既.
2. Post76係一個主張歡迎大家發表唔同意見既地方, 如果唔係有關利益衝突或者人身攻擊, 基本上版管組都唔會阻止任何言論.
3. 每一個人基本上係平等, 一啲稱呼如大師大長老師傅等等都只係大家吹水加上去, 並唔係擁有特權有金紫荊水蓋既人, 正如有ching叫小弟6爺, 但小弟乃係超新手, 又只係35歲人, 仔都無又何來爺呢...只係各ching玩玩啫.
4. 近期開始有啲喺post76好耐既師兄有感post76太多爭吵, 已經比以前少咗回post出post, 呢個情況的確係令版管組關注既, forum既唯一同最重要資產就係會員, 大家各會員相處融洽, post76先可以繼續比到大家公開關心討論既開心地比大家, 希望大家可以珍惜!
5. 每個人既工作時間同性質都唔同, 有ching可能可以經常上嚟吹水, 但有啲ching可能一個星期都未必出現到一次, 所以有時回覆既時間未必等同於ching想迴避或者唔答, 小弟雖然有曾經每日過百帖既紀錄, 不過亦都有個幾星期唔見影既情況出現.
小弟認為, 既然av/hifi係一樣主觀性咁強既嘢, 大家意見唔同係一定會發生既, 不過所謂既意見其實係無高與低之分, 真係純粹意見only. 有時想知某一樣嘢既特性之後, 問咗ching意見, 都要去吸吓毒聽清楚係咩一回事先再分析, 千期唔好盲目盡信個人觀點, 緊記自己"耳聽為實". 而當人地發表意見同自己唔同之時, 千期唔好內心難受而去反擊, 需知道其他人耳仔構造同自己耳仔未必相同, 就算講嬴咗亦唔會得到梁特首請自己做司長, 傷和氣只會令自己身體唔健康, 千期咪掂~~!! {:9_433:}
小弟雖然喺post76唔係好耐, 不過一直以嚟都多得咁多位兄弟ching幫手, 吸收唔少意見, 再周圍家訪借架生去用自己去聽去試, 得到既感覺有時都希望幫到其他ching, 所以都會回某一啲問題既post. 但係小弟一定會講呢啲只係個人感覺, 比咗意見都會建議ching親身去試去聽先好買, 除非ching錢太多...{:9_407:}
一個開心既環境係大家努力做成既, 希望各位ching緊記呢點, 爭吵唔會有好結論, 個人覺得理性討論+耳聽為實先係王道~~!! {:9_421:} |
評分
-
查看全部評分
|
[複製鏈接]
發表於 2012-4-21 06:46
