十大武器之首~~~摺凳

雷因

而家靚仔真係勁~~~~~

[youtube]72FUPU84zlU[/youtube]

小瑟

比我見到呢D一定報警!!!! 呢家D靚仔真係冇人性~~~~

小瑟

唔知係邊個屋村來架呢??? 攪咁耐都冇差人既???

小瑟

影果位仁兄既 DV都幾清喎, 唔知係咩牌子來架呢~~

aegysd

家啲細路真難教，痛心……

阿定

唔知係邊個屋村來架呢??? 攪咁耐都冇差人既???
小瑟 發表於 2009-3-31 10:23

果d鐘數，差人食緊消夜，邊有咁快到！

小瑟

其實我地細個係屋村都係咁, 有時都會無啦啦有大野發生, 不過依家D細路就狠D, 真係唔驚會打死人..........頭先睇, 一野扑落去, 成個人大字形咁訓左係度~~~~

阿定

住得屋村，其實成日都會見到，以前我果代d人一樣咁狠，只係狠極都會拉埋一邊，唔會係公園正中間咁羊！

JonesChan

點解我次次都睇唔到既???

阿定

【明報專訊】柴灣峰華邨一群少年昨日引爆一場駭人群毆案，居民以「十大武器之首」為名將片段放上網絡流傳。片段中一名好勇鬥狠的少年不斷揮摺櫈，狂毆對方頭部及身體數十次，有人更順勢騎上傷者身上施連環拳落井下石，吆喝、慘叫之聲響徹附近樓宇，看更聞聲阻止時更險遭毒打。

網民大嘆治安不靖﹕「白衫嗰條友癲o架！連保安都想打埋！」警方正展開調查。

從片段可見，4至5名年約10餘歲的少年包圍兩名貌似中學生的人，雙方大聲爭吵。片段上載者聲稱被吵醒後拍攝，時為昨凌晨3時40分，地點為峰華邨樓下花槽對開空地。記者昨晚到現場了解，有街坊稱，昨凌晨時分有人「打大架」，但不清楚內容，警車到場前，滋事者全已離開。

看更阻止 險遭毒打


片段所見，一名白衣少年突然揮摺櫈狂轟向一名學生頭部，對方當場「大字形」暈倒地上，他欲掙扎站起，卻又不支倒下，混戰一觸即發。其間，一名夜歸少女途徑，嚇至急步竄入大廈，兩名看更聞訊到場阻止，眾惡少不肯收手，繼續追打，有人更騎上倒地學生身上，揮拳狂毆，連拍攝者亦不禁嘩然，他旁邊一把女聲更嚇至大叫 ﹕「快點逃啦！」

但白衣少年繼續瘋狂追擊，激起連串巨響，其後更欲揮摺櫈攻擊出手阻止的保安員，網民側目謂﹕「柴灣動亂四起！被人用摺櫈毆幾十下！」

網民紛紛留言指柴灣治安惡化，「呢條邨咁多年嚟都係咁o架喇！以前中學嗰時，我同學住呢條邨，踢踢下波都會打架」，有人則驚道﹕「聽日返工都係叫同事唔好咁夜去柴灣，自己都唔好太夜返！」