終於一家團聚啦！- Triangle腳架

貔貅

在報導香港越級挑戰法國之賽後報告前，先講講個故事比大家聽：
話說一年前，細佬跟一位玩了音響二十年的朋友在友蛇試了套Luxman 550AII+Triangle組合，被那清晰、厚暖的聲音所吸引。並即時將它們據為己有，並好開心地聽了一整年。過年時那位友人上我家拜年，一聽之下，同我講D聲同當日比較矇了很多。當時我話所有線材都跟足Showroom Setup無理由。之後再上網Search下，思前想後一口咬定部550AII控制力唔夠，於是入咗我人生第一部後級, 用550AII Pre-out, 結果係.......相當失望。除了低頻控制力好咗，小咗Boom唔係無晒喎，音色及其它環節仲差過以前。唯有死死地地換埋部前級。嘩！真係好很多呀。但.............換了擴音反而放大咗訊源嘅弱點。以前都唔覺d聲粗、矇，唯有上埋啲零陸（終極啲零捌真係玩唔起)，以為所有問題都攪掂，好好聽歌。換咗啲零陸,　人聲線條細緻好多，低頻無咁俗，但Boom都未解決，於是一不做二不休，換埋隻原裝馬蹄鐵，睇下有無改善先.............

obee

弓起晒!!!

貔貅

謝謝加分

tomc

腳架是Triangle獨家SPEC單點能量傳導底座，可以將喇叭共振集中於底部前方的金屬角錐，

快速傳導到地面消散。

Ching have any report for Luxman + Triangle?

貔貅

法國輕描淡寫力壓港隊
先從外觀設計作客法國實力高三班（0：3）、紥實程度佔絕大優勢(0：4)；中高密度擴散度法國再秒殺（0:5），連以前聽不到的微細聲音，現在都清晰可聞，分析力Win（0：6）。我估計應是低頻清咗，所以連帶出番多d中高及細節嘢（呢d要師兄解答），人聲都靚咗（0:7）；低頻下潛力及清晰度法國淩駕港隊之上，不再Boom啦（0：8）、D低仲Damp得緊咗，好過隱(0：9)；單點落地比舊時結像Sharp好多好多(0：10)。但其實主隊香港也不是捱打，起碼主場用了它一年多有感情分，最後比數港隊1 vs 法國10 完場。

貔貅

其實我都懷疑緊，係係唔係淨換腳架就得，唔駛又前後又cd機咁大陣仗。不過這次換架之改善，效果和換電源線差不多，起碼有20%以上改進。以前我都唔信腳架有咁大影響，屆就了隻Triangle。現在終於出到您們所講的畫面，現場感（環境所限，當然唔係出面Showroom嗰D啦）。

ckw3031

其實我都懷疑緊，係係唔係淨換腳架就得，唔駛又前後又cd機咁大陣仗。不過這次換架之改善，效果和換電源線差 ...
貔貅 發表於 2012-4-3 16:35

恭喜，其實換唔同部位，所比到你的效果都唔同，而你自己都已分辨得到，想再好D就要係電、缐材及空間處理入手。空間處理得好，可以有好大改變，我以前都唔信，學咗就信。此外，永冇最好，只有更好。

貔貅

回復 7# ckw3031


    "永冇最好，只有更好。" - 都唔知係比HiFi玩定我玩HiFI

ckw3031

回復  ckw3031


    "永冇最好，只有更好。" - 都唔知係比HiFi玩定我玩HiFI
貔貅 發表於 2012-4-3 16:53

初初一定係比HiFi玩，到你識多咗，就會係你玩HiFi。

PP-HK

三角形配返馬蹄鐵, 絕配。