AV後級

Big_McIn

回復 90# 加藤鷹

算佢左、右两邊三/四塊主板重疊(鳥瞰觀察誤差)，但共用中間散熱槽和两隻環牛，各聲道不用獨立沉熱器散熱，已不是貨柜式設計，真正100%貨柜式設計就是Bryston 6B和9B，每一聲道都是一個mini mono amp，包括power supply和散熟器，最重要是每一獨立module(mini mono amp)，用家都可以自行依指引拆除或加入。

Krell S1500雖然可以隨意加入或減少modules，但是共用power supply。



貨柜式這種設計，就等同使用mono block，發揮mono block的好處，是至高境界，制作成本自然大。

Big_McIn

在加瞓醒，發現此帖好熱鬧，我仲多咗個版名...C8，但D8好啲，副局長級，唔使做支人工。

言歸正傳，其實兩聲道和AV 7.1的器材，嚴格來說，是提供两方面聆聽而應運而生的產品，两者之間各存特點。

1. 揚聲器：
以B&W大廠為例，8系應是為两聲道而設，高頻擴散特強，中低頻以甜美悅耳，餘韻豐滿為賣點。倘若用作AV 7.1組合，會覺得音效來得較慢，中低頻未夠像鐵般堅硬效果，餘韻豐滿會令爆炸場面有點兒亂，高頻擴散強又令音效過鏗鏘；但改用CI/CT series後，對白與真實較接近，音場定位由前置和多聲道來調控，音效快準勁，音色沉實，睇完一套movie，两三句鐘，耳朵不會疲倦；反之，只抽用左右聲道來聽Classic stereo，就會覺得定位失準，欠深度，音色矇矓不清，低頻強狠至噁心。

2. 擴音系统：
先提前置，Stereo pre amp不能提供7.1功能，7.1 AV Processor的Pure Audio會帶强烈數碼音染。
Power amp方面，7.1 AV糸统所需要的是量..watt，Class B, Class AB,..均OK，7聲道或以上，目標是求環迴效果，反應高速，爆炸力强，一組7聲道擴音系統，應以高效率為大前提，因此Class D和Class B擴音設計就恰到好處，一般家庭電力裝置足可應付。。
Stereo gears對擴音機要求就不同，要講音色，失真細，要甜美不要壓迫，Tube amp，Pure Class A等擴音系統就在這情況下產生，特點是耗電高，輸出效率低，要餘韻，要深度，下下每聲道最好都是件件獨立，不計功本，將3.5倍此等器材用在7.1AV系統，又是否可行實際呢，起碼一般家庭供電糸統，應付不來，市場需求少。

3. Player：
CD和BD player大家都非常明白。

一組High End stereo組合，接上一台BDP來播movie，不能營做7.1應有環迥音效，一套7.1糸統，抽出前置2聲道播放CD，喇叭和擴音機物理特性，又未能營做出夢寐以求的定位，深度和甜美的音色，所以是沒有一套两全其美的組合。

chhanthony

在加瞓醒，發現此帖好熱鬧，我仲多咗個版名...C8，但D8好啲，副局長級，唔使做支人工。

言歸正傳，其實兩 ...
Big_McIn 發表於 2012-4-6 04:14

睇戲要求速度，迅變同分晰力，相對要求有韻味，音色嘅兩聲道唔同，
除咗Power amp外，好多人以為喇叭無分睇戲定聽歌，其實唔可以咁下定論，
而聽歌係要靠擺位去凝做音場，所以好多時要離場擺，
而睇戲時嘅環迴音場係喺做混音時已經做好，而THX同dobly都建議掛牆擺
因為如果利用離牆擺法個音場會亂咗，當然可以用auto set up去執。

當然百家百貨，有正確嘅基本理論後，可以用豬油羔咁慢嘅組合睇戲睇演唱會，亦可以用慢到無尾音嘅系統去聽蔡琴，最緊要自己開心。

kayulai

回復 92# Big_McIn

C8, 唔係D8!
立即要收藏此教科書。

Big_McIn

回復 95# kayulai

我發夢想唔使做有人工支唧

50後一定聽過許冠傑唱「半斤八兩」歌仔，......邊有半斤八兩咁理想......