想買影音玩具都無心機.....

pigpighung

呢排個市重好差吓，小弟做門市小商店，老細公司生意差到離奇，見街外的人個個真係苦口苦面，入嚟買嘅唔會笑 我賣出又有幾大機會呢 公司生意差自然大家都揾小很多，每個同事都很擔心，雖然無情雞未有得食住，但往後的日子想像到都怕怕，想買影音玩具都無心機.....
重話要買(也媽霞)z7，自已也媽嗲就有

小瑟

....我地公司由3月頭開始, D生意咪又係差到前所未有, 依家只有希望美國壇野快D過, 咁大家先有機會可以再有好日子過~~~~

lkljason

呢個艱難時期大家都係要平常心咁過，我相信雨後一定會有陽光啊！

小瑟

但D錢真係要洗得好小心呢~~~~
不過我都頂唔住, 呢排都買左唔小碟呢!!!

lkljason

我都無乜買碟，因為呢期紅事特別多！

Phoenix

依家買樣野真是要左唸右唸
另一方面新野跌價快, 好唔低......

aegysd

成個市好似死咗咁，唯有希望明天會更好喇……

雷因

以前星期日行 海運3樓既LCX都人頭踴踴, 呢幾個禮拜行過都水靜河飛, 睇黎呢個海嘯疫症都已經漫延到20代, 而家只係係"反斗城"仲見到熱熱鬧鬧既情況

小瑟

但係海港城仲有好多自由行既朋友買野, 果次我買部1000蚊既手提電話, 隔離有位20幾歲既自由行姐姐仔, 佢又係買電話, 但佢竟然買 mo記$15000蚊果部轉轉電話, 我老婆仲話呢個款唔係舊款來架咩??? 我話新出架........頂....之後佢仲係手袋囉自己用緊既電話出黎, 點知又係 15000蚊果部........頂.....咩事佢地自由人可以咁有錢架~~~~

雷因

瑟哥, 唔好咁喇, 佢地都叫幫助促進香港經濟呀; 點都好過有自由行落黎同阿婆搶紙皮呀~~~~~~