J.J. Abrams領航暑期科幻鉅製《星空奇遇記》-P.3,4附有影評

Roy

頂，出到去遲左兩個字，開左場，最後都係睇 T2018 ，都 ok 既，搵日再出過去睇 Star Trek

大佬John

睇完返來~
有D要求觀眾有D科幻概念打底先, 預左一講你要get到, 佢唔會好似Matrix咁花成套戲既編幅都未交代到想紐咩橋(成套戲由一開場就為左舖排到等出ending既戲), 相反Star Trek幾乎一開始就已經有成個故仔架構o係度, 想人就咁enjoy睇個過程, 而唔係等ending. 要交代既野都好爽快解決, 對比起我睇其他戲都成日覺得編劇玩觀眾(海賊王,Prisonbreak,heroes...), 點講好, 永遠睇戲都會覺得戲入面D主角冇我自己咁醒, 成日俾D奸角玩, 又要為佢地膽心, 驚佢地搞唔掂, 拉拉扯扯最後先KO敵人時, 心裡面鬧左句:"早就應該咁做喇".....但係Star Trek,唔知係咪本住觀眾已經知原班船員係咩都搞得掂既, 講故佬就唔再o係呢D地方折磨你, D剌激位係分佈同分散成多個唔同既處境, 每個都唔夠一分鐘內完成, 全部既目的都唔係要令觀眾心急, 純綷係睇班船員Showoff自己專長, 個個都信得過冇一個係weak link。

o者係睇波咁講, 有D戲成日都有射門但唔入, 如果係特登舖排既睇得多都厭.... Star Trek就擺明係表演賽, 坐低睇入波就安了.

Roy

大佬John 不如你簡單 d ，正 定 唔正 ？

大佬John

前面一頁講係今年既Dark Knight, 睇完個感覺都幾接近, 又唔係好刺激, 但係好波, 入去睇奉開果隊波演帽子戲法咁囉...

Roy

前面一頁講係今年既Dark Knight, 睇完個感覺都幾接近, 又唔係好刺激, 但係好波, 入去睇奉開果隊波演帽子戲法咁囉...
大佬John 發表於 2009-6-4 20:37

嘩...... 好！
咁要快 d 入場先得

阿定

剛剛睇完回來，照舊去左 Elements 六院，一個字，正，我無睇過以前果d，一D都唔悶，就正如樓上大佬John所講，呢個係表演賽，由頭表演到尾，戲情上無睇過舊果d都唔會唔知佢講咩，不過最好有睇開科幻戲的知識，最少要知咩係瞬間轉移，基本上T4如果有8分，呢套肯定係9.5-10分，大家千奇唔好遲入場，包你後悔，由其想聽飛船大戰果d立體聲，你遲兩分鐘都夠你要買Blu-Ray補番！

戲情唔講啦，總之編戲好勁，緊張、快、笑位、Gag位、政治笑話(前提你要聽得明)都好齊！

Phoenix

看個預告都知唔會差，是可以好好享受果種，好期待聽日啊!!!

小瑟

我都係星期日搵個位同個 friend睇左, 雖然我完全唔知呢個星空既世界觀係點, 不過都好快投入到, 一開頭果幕都ok, 不過起初交代主角果d時就比較長左小小, 因為我自己係唔鐘意睇 starwar既, 所以真係果段時間有小小驚!!!

但開始曲速之後, 5, 4, 3, 2, 1, 到著, 個畫面一開, 之前既機全部出事開始就上哂電, 緊張刺激, 驚險萬分!! 瞬間轉移......好彩有睇悟空, 所以完全了解咩一回事, 總之學定兄講, 呢套野有笑位、Gag位、政治笑話, 真係不可不睇既一套電影呢~~~

不過我始終都係比較覺得2018緊張同好睇d~~~

阿定

見多人睇左，爆少少政治笑話比大家聽吧，有錯就指正，唔好插，我都係聽雲海講！

果講英文唔正的飛行員細路果名係俄羅絲人名，USSR 解放左18年，亦即係果細路的年齡，意味著 18年後 Russia 已經埋左美國堆！

其次有 同宗同種、明明唔會救你但又問你駛唔駛救 等等！

大佬John

你又有聽Wazzup..
Same origin 個翻譯譯同宗同源. 雲海用個翻譯來闡釋...(唔記得Same定Common)

"而冼樸出場，播的卻是二胡音樂！二胡係中國人的 Blues，好幽怨嘛"
我覺得其實係模仿猶太人既音樂多於中國...兩者既音色好似, 受難曲果套戲都有出呢招.  同時好似雲海講咁係像徵以色列...