[開箱]大佬未到, 細佬頂住先...GENIE(18# 有 Link)

yuppi · 發表於 2012-3-27 00:53

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 yuppi 於 2012-3-27 11:27 編輯

話說幾年用緊 Energy Take2 後置喇叭仔, 本身佢既分析力同定位都十分出色, 只不過尺寸問題, 量比較少, 開始滿足吾到我, 心思思想 upgrade, 於是走咗上去花園9樓道明來意, 當時店員介紹我用 GENIE & 2005SE, KEF 我梗係知咩黎啦, Mordaunt-Short 我就真係聽都未聽過. 不過一向對牌子冇偏見既我, 見到隻 GENIE 咁得意咪求其試吓囉, 點知一開聲, 嘩! 有冇攪錯呀, 高低音都正過我隻 Take2, 話哂 Take2 都曾經係 What's HiFi "Product of the year". 佢地有冇出古惑, 開埋其他喇叭同 woofer 呀, check 過哂冇之後吾信邪, 叫佢地試埋隻 2005SE.....頂, 佢地係咪覺得我運桔想趕我走呀, 呢隻玩具黎架? D聲仲衰過我隻 Take2 幾倍, 點同 GENIE 比呀. 於是好奇之下攞隻 GENIE 上手睇....駛吾駛咁誇呀, 成隻喇叭音箱, 面版同支架都係用鐵鑄造, 於是拿拿臨買咗五隻小喇叭走, 番到屋企上網 Check 原來先知道 Genie 大有來頭, 前事完....

早排有ching 報料英國 Mordaunt-Short 特價清 GENIE 貨尾, 即刻走去訂番對做 FH. 今日到貨, 一放工就走去攞, 去到舖頭已經見到其他 ching check 緊對喇叭, 問 D 店員話吾知點解呢隻 Model 好多人訂, 我 check 完之後都拿拿臨番屋企開箱:

外套盒:

拆開外套後可見佢吾係一般 What's HiFi 五星, 而係 "The Product of the Year"

每隻喇叭都有獨立袋裝, 印象中以前行貨冇....

成隻喇叭喇叭音箱, 面版同支架都係用鐵鑄造, 造功一流:

呢個就係 Genie 外型古怪既原因, 其實將佢反轉你就會發現佢既外型同籏艦 Performance 系列一模一樣, 用處係完全減少箱內駐音:

總括黎講 GENIE 並吾係一個成功既產品, 佢既製作成本高昂導致要停產實在太可惜, 不過可以肯定佢係一款成功既喇叭, 我估英國既貨尾好快會俾香港買哂...