禮儀師之奏鳴曲.....J J 小評

lkljason

比較平淡既電影，用死人化妝師呢個行業o黎帶出生與死既微妙關系，整套戲唔會令你有恐怖既感覺，男主角誤打誤撞入行，初次接觸屍體既經歷亦帶出一dd既笑位，而睇完呢套戲令大家體會到係在生既人要尊重，死人亦都要同樣得到尊重，當然襯在生既時候更加要真惜眼前人啦，娛樂性唔好期望好高，但令我有追看既感覺，如果比港產片拍呢種戲，估計多數會用恐怖做selling point黎吸引觀眾入場，我個人就覺得幾好睇勒，當然男女主角本木同廣末都係我想睇呢套戲既原因，題材幾特別既電影，拎到最佳外語片都算實至明歸~~~值得一看！

小瑟

未睇套片, 你個REPORT唔睇住~~~

lkljason

report唔算含內容，睇完故事簡介其實大約都知套戲講乜，我個人覺得無乜影響！

LAWSON

套片拍得幾自然, 生離死別拍得自然而到位. 加上久石讓配樂同主角大提琴演奏既穿插, 增加左一份憂怨感. 主角性格單純係此片既主要趣味原素.
十年後既廣末開始有老態. 但係依然清純. 今次係第一次睇本木雅宏既戲. 十幾年前拍全裸寫真,同宮澤里惠拍日劇西遊記,同埋五個相樸的少年係唯一對佢既印象. 出左道咁多年, 演譯此片仍然有種清新既感覺,的確佩服.

k2elvin

尋日「晴朗」阿鄒海光都有講過下, 話如果唔係本木雅弘做嘅話, 就唔會好睇咁話, 佢話因為成套戲節奏好慢, 好彩本木雅弘做得好(亦好靚仔)..

lkljason

本木雅弘靚唔靚仔我無乜comments，但佢既演譯做得真係幾自然，廣末涼子發揮就反而唔大勒！

Simonhrc

其實套戲好睇係有好好配樂....
如果係眼淺真係可以由開場同收皮都眼濕濕....有笑位...幾好,
男主角睇落年紀上好似唔多配女角...
叫我睇係先聽左配樂, 久石讓真係冇得頂....
未睇的話要去睇!!不過怕眼濕比人見到...等出碟啦

tennishk

1# lkljason

套戲另你留眼淚就預左，但估唔到都有唔小另你笑既情節。
我老細笑與淚都有，幾十蚊，乜都抵返啦。

laiho

有d位係好感人但有d位又好悶.....
睇咗先知原來日本係咁睇唔起呢個職業
其實香港可能都差唔多....
為過咗身既人做事係對死者一份尊重
亦都為在生既人帶黎一點安慰....

tennishk

尋日「晴朗」阿鄒海光都有講過下, 話如果唔係本木雅弘做嘅話, 就唔會好睇咁話, 佢話因為成套戲節奏好慢, 好彩本木雅弘做得好(亦好靚仔)..
k2elvin 發表於 2009-3-26 09:12

套戲仲有一個人做得好好，就係本目既老細，
佢有句說話講得好入心，佢話兩個係埋一齊，更有一個會走先，佢老婆走左，佢就要幫佢最後一次整靚個樣。