真係火都黎!!

laiho

我屋企個電話號碼由19/3喺pccw轉去和記
但依家都仲未用到!19號晚到頭先一路都有打去cs
佢地一路都話機樓資料未更新,我話要搵經理投訴
佢一係話收咗工(琴晚)一係話線路煩繁忙(頭先)
真係火都黎!!有冇d更直接既方法投訴?!

aegysd

首先問佢【接線生】叫咩名，
無論佢點講都要求同經理直接對話，
一於等到佢聽為止，
等得太耐就收線再打去，
搵番之前叫你等嗰個糟佢，
佢為怕煩同怕被投訴就會幫你接去經理度解決。

laiho

佢有幫我接比經理,等咗陣佢話線路繁忙
仲話睇到資料經理今日pm9:00之前會覆翻我
我已經狂剷佢,佢一直都話更新緊,線路繁忙.....
我真係冇晒計

245141525

和記D服務真係好麻麻!
我試過上唔到網,搞咗個幾月先整得返!!
我差唔多隔晚打去問,次次都話跟緊,總之一味拖字缺!!!

aegysd

和記D服務真係好麻麻!
我試過上唔到網,搞咗個幾月先整得返!!
我差唔多隔晚打去問,次次都話跟緊,總之一味拖字缺!!!

245141525 發表於 21-3-2009 17:56

咁樣聽見和記都驚

245141525

鬼叫佢夠平......
宜家我$13x一個月,100Mb

laiho

打咗4,5次電話去,次次都話會覆翻我
我終於搵到個客戶關注組主管傾
又係叫我等....真係好勞氣
屋企有細路有老人家
冇電話用真係好唔方便....
我打咗去蘋果等佢跟

劉一舟

我屋企個電話號碼由19/3喺pccw轉去和記
但依家都仲未用到!19號晚到頭先一路都有打去cs
佢地一路都話機樓資料未更新,我話要搵經理投訴
佢一係話收咗工(琴晚)一係話線路煩繁忙(頭先)
真係火都黎!!有冇d更直接既方法投 ...
laiho 發表於 2009-3-21 13:37

你慘得過我，去年屋企電話號碼八月中開始申請由九記轉去和仔，點知一攪攪成個月才成功轉到，中途仲俾九記cut咗條線，兩個台嘅CS都俾我用近乎粗言穢語式問候過，最後俾我搵到個元凶，就係和仔交俾九記我的個人資料係錯嘅，九記梗係reject啦，和仔仲話電腦冇錯，我話你check吓人手會唔會做錯啦，開頭佢都話唔會錯，到最後佢地真係發現人為上有錯，跟住梗係道晒歉送月費啦.......你以為事件平息，你就錯了，到約定裝電話嗰日 (佢地要入屋)，個師傅話趕唔切嚟，要我改日子喎，我當堂無名火起，跟住用一秒五個字的粗口問候佢，佢仲用關人鬼事的口吻同我講，發火都冇用喎，唔改日子佢都冇計，呢刻我小宇宙大爆發，打去和仔的CS，一有人接聰，我對住個電話聽筒小足十分鐘才稍息，跟住接聽個女仔都呆咗一呆，用差點想喊的語氣交俾嗰個我聯絡開的女仔，我解釋之後，用命令的口氣話，今日幾多點前佢地裝唔到我嘅電話嘅話，和仔就永遠喺我面前消失，兼我會搵一仔及西方兩大刊物的朋友傾偈.......最後嗰日當然攪得掂啦，仲再送多一個月月費俾我添！！！

laiho

我頭先又打去剷佢,佢話最快都要星期二先有師父上門搞
我即時剷佢19號到依家仲未用到,仲要等到星期二?
我問佢機樓係咪比人炸咗呀?我話等到星期二既話我要cut合約
佢又話cut唔到,(其實嗰時佢都慶慶地)我再問佢叫咩名?佢講咗
跟住又叫我唔好咁激動,我話點唔激動?依家即係肉隋針板上!!
佢話唔好咁講...最多我減免你月費啦,問佢點減免佢話到電話用到再傾
佢話會跟到我用到電話為止!!日日咁嘈法真係死好多細胞......

trango

和仔一早就出晒名架啦, 唉