買車時從來無人理呢 Part ... 1. 前輪懸掛 (轉載)

wil-wil

轉載自伙伴網站 香港第一車網



成日經過車展聽到人問部車有幾多匹，匹數小嫌小，匹數大嫌油貴，淨係識問幾毫子一公里。我真係想答佢：有部車 3 百幾匹，扭力大過林寶大牛 LP-640 一倍，行 5 毫子 1 公里 (以天水圍到銅鑼灣 40 公里，969 車費 $21.4 計算)，佢仲包埋快易通 (Autotoll)! 時間方面仲有可能快過揸車 (車程大約 45 分鐘班次為 11-16 分鐘一班，連等車都係 1 個鐘到)，你試過係銅鑼灣搵停車場再加等既時間花上用 30 分鐘既滋味嗎? 這時候就知巴士 Win! 噤係香港點解仲要買車呢?

香港買車係絕對唔會慳錢，亦唔會慳到幾多時間。瘋見車人還是勸大家以後唔好再問幾多錢油錢，你要問就問搭幾多號巴士更實際! 這情況外國則例外。

香港，車是一種奢侈品，是一種玩兒，是一門興趣，會令人沈迷的品味體驗。如紅酒般，會有人用紅洒解喝嗎？如果有請你話我知，我都想見識見識! 既然是一種品味就不應不求甚解，理應再深入了解，細膩品嘗開車樂趣。香港地小山多，馬力能釋放嗎? 不能! 200 匹我都嫌多! 因為這地利環境，駕駛者開始另尋樂趣。品嘗利樂的過灣動作成了潮流!

就以蓮花 Elise 或本田 Civic EG/EK 為例係香港地真係快過好多大馬力車！點解？並唔係握住軑盤既人膽色過人，係因為以上提及的都用上了賽車系的懸掛系統：前、後雙搖臂式懸掛！


現時市面普遍使用的前輪懸掛有以下兩種：

1. 麥花臣支柱式 (MacPherson Strut)
是絕大部份前輪驅動中小房車使用如：Corolla、Camry、Golf、Mazda3 等 … 1949 年由通用汽車工程部副總裁 Earle S. MacPherson 設計的，因為設計相對簡單，令車籠空間更大，成本較低。可是在懸掛幾何分析時顯示麥花臣不能容許某種程度的外傾角 (Camber) 變化令過灣性能比較後者遜色。另一個缺點是車身外的路噪和振動會直接傳送令，車內舒適度不及雙搖臂設計。




[YoutubeHD]lWYmd95W0ds[/YoutubeHD]


2. 雙搖/雙 A 臂式設計 (Double Wishbone)
跑車/高級房車使用如：法拉利 F360，平冶 S-class，寶馬 7 系等。此設計源自於賽車界，之後再使用到民用車身上，上、下搖臂不等長，上搖臂比下搖臂短，當懸掛受壓，行程縮短時負外傾角增加（Gain Negative Camber）。此舉對過灣性能有絕大幫助，因為車輛過灣時傾側往外輪，車重亦同時轉移到外輪。所以能夠增加外輪負傾角大大提升外輪和路面的接觸面，提高過灣的極限！缺點是比較複雜，組件數量比麥花臣多，空間佔用較多，維修保養花費更多更長時間。

  


[YoutubeHD]8FrBqw54J2w[/YoutubeHD]
大家可留意影片內 15-18 秒負外傾角變化。




以上圖片清楚顯示賽車的負外傾角設定 (Negative Camber Setting)

下回講解 ...
Part 2: 後輪懸掛
Part 3: 親身測試報告