我的第一次開箱文

高菲 · 發表於 2012-2-24 19:19

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由高菲於 2012-2-24 23:46 編輯

小弟從未寫過開箱文, 今次第一次就奉獻左俾76.

自己前前後後十幾年有高燒有退燒, 但始終都係玩入門級.

今次係第四次換int amp. 前後級因為環境問題, 所以冇考慮.
自己玩HiFi都係好大路思想, 就係以喇叭為主導.
同樣因為地方所限, 都係以書架為主.
十多年前, 踏入社會不久,被身邊朋友荼毒, 正式發燒,
當時一擲千金, 買入外表吸引的B&W n805.
之後無以為繼, 只能入部MF入門int amp 頂下.

當時覺得還可以, 但聽下聽下, 相信驅動力問題. 越來越覺得唔好聽, 慢慢地開始退燒.
直至一句 “高音甜, 中音準, 低音勁” 的經典電影名句, 我又返燒.

之後做D資料搜集, 其實係選擇性資料搜集, 走去科寶出血. 入左部合併300B
返屋企同部MF一比, 嘩, 原來部MF咁平淡, 咁平面. 咁Dry.
開開心心又聽一段時間.

好景不常, 三年間, 部機死幾次, 真係灰到爆. 於是入返石機算.

因為有其他嗜好, 所以都唔考慮入貴野, 都係一般入門級算. 但要夾大食805.
又做下資料搜集, 平價有信心一D, 好似馬仔會夾D,
試左部PM15S1, 當時聽感係比較爽及清甜, 低頻好多了(相對部300B),
繼續簡簡單單聽音樂. 幾年時間又咁過.
最近屎忽痕發現76呢個毒窩.

又回憶膽機的毒性. 於是決定換返部膽機.
我相信我係要重口味的人.
但上次經驗令我對國產膽機有少少恐懼. 但見呢度咁多Ching 都唔怕死,
於是決定再死一次. (當然因為國產機CP真係OK)

今次想上部好少少, 免麻煩. 因我都唔係成日換機之人.
了解自己需要及目標後, 再PM J大師, 本來決定入 Aodixun AN211,
去到同King 哥傾開, 再認真AB 比較,
在聲音密度, 低頻及推動力, 都係 LM219 較好.
加上 AN211 在高音方面, 個人口味問題, 覺得相對光亮唔太啱, 所以入左
麗磁LM219IA

初頭都担心匹配問題,

但試過後, 覺得又唔錯, 試左幾隻碟,

嘩, 第一感覺, 立體感、空間感同聲音密度全面提升.

相對原來之前D機都幾平面的. 我終於感受到3D

試胡琳 Jazz them up. 多左種濕潤感. 聲音非常幼滑.

Oh, Sorry, 唔記得講, 我一開始已換左德記坑屏x7.

可能亦因為我全套配搭都係中頻比較厚關係.

之後又換左NOS吹喇叭, 一比之下, 吹喇叭中頻無咁厚,

所以感覺高中低比較平均, 線條感明顯好左. 我比較喜歡.

試Diana Krall 隻 The girl in the other room.

Diana 磁性的聲音真係好有魔力. 樂器聲的空間感同動態真係好唔同.

木耳加上文筆差的我其實真係唔識形容.