《20世紀少年 - 最終章：我們的旗幟》P.2 附有影評

dts6.1

港版海報 現身 ~

Foverking

真係等到頸都長

劉一舟

比漫畫更完整的結局.......眼泛淚光的結局 (內容涉及劇情)


星期二晚走咗去奧水城睇九點三十五分夜場，做到凌晨十二點十幾分散場，當螢幕呈現一片黑色之時，表示這套上映超過一年的三部曲終於曲終人散，我的臉上呈現了滿意的表情，眼角還眼泛淚光，依依不捨的坐著不願離場，這感覺看漫畫改編電影以嚟好耐冇試過。
第二集的失色本令我對最後呢集不予深切的期望，而且廣告仲大肆張揚會是不同的結局，這更令觀看的心情忐忑不安，但喺七至八分鐘交待一二集劇情後到結尾看過之後，其實個結局都唔係改得好多和好離譜，還算可以接受，今集比上集劇情編排冇咁快速，算係平穩進行，雖然仍有好多段劇情要用大量對話交待，但整體仍算不上太過沉悶。睇第二集的時候，仲諗緊點解唔穿朋友的真正身分，原來導演並沒根據原著要兩個朋友的出現，而是改為以一個朋友分飾兩角：服部和勝間田，呢著到最後半小時揭盅，跟住落嚟的萬博音樂會更是最後一集的高潮，和《海角七號》結局有著異曲同工之妙，片中健次的歌曲響徹整個戲院，加上CG營造出那個比漫畫更氣勢磅磗的人潮，呢個時候我心裡湧了近年看戲少有的澎湃心情，口裏亦跟著哼上一曲，隨著精采的片段，字幕亦徐徐升上，剩下來的十數分鐘，亦如我心中所想，和漫畫一樣，講健次回到過去時間去解決他和勝間田的恩怨。本集對漫畫冇交待的劇情都有照顧到，如血洗大除夕為何健次喺強力的爆炸下竟然不死，另外健次失憶的那十多年究竟去咗邊呢，在本集會得到合理的解釋，不過有啲情節就很摸不著頭腦，或者是多此一舉，如吉常被誤會係朋友，但身型完全唔同，對未睇過漫畫的觀眾可能會有啲故弄玄虛，但對我呢個早已看過漫畫的fans就覺得多舊魚；蝶野刑警無啦啦走去拉殺他爺爺的警察總長和13號突然走出去和今野裕一離開予人有種斷層的片段，未睇過漫畫的唔知佢做乜嘢，欠缺咗之前要交待的前因後果，連講都費事，好像要忠於原著咁好醜都講咗先。
演員方面，今集當然由失踪咗一集的健次唐澤壽明作主子，而飾演落仔的豐川悅司成為大配角，今集再出現的有飾演青蛙王子的宮迫博之，新加入有飾演救咗落仔的福田由麻子，飾演今野裕一的山寺宏一等等像漫畫一樣逐個出現，全場拍手掌咁濟的有春波夫搖身一變band友、健次和眾人闖關等都有不錯的反應。
特技方面，今次有飛碟和兩腳機械人登場，雖然還待改進，但還算可以，而且喺微縮東京區行動嘅情景好有超人特撮片feel，但結局音樂會嗰場人海真係一讚。

呢集我會俾75分 (100為滿分) 作為完美的結局，期待下年的日版三部曲和港版三部曲影碟。

lkljason

13號突然走出去和今野裕一離開

我都想問13號點解會變翻好既？

另外今野裕一即係邊個呢？

劉一舟

13號突然走出去和今野裕一離開

我都想問13號點解會變翻好既？

另外今野裕一即係邊個呢？
lkljason 發表於 2009-12-10 09:03

今野裕一即係嗰個DJ，其實是健次他們兒時玩伴，漫畫內有講血洗大除夕嗰年，他和青蛙王子沒有應健次的邀請去拯救地球，後來佢地深感懊悔耿耿於懷，而且青蛙王子的描述比而家電影版交待得仲多！！！

其實１３號點解變番忠，喺漫畫內都係咁突然，不過就一定比電影版交待得詳細啲，漫畫版話說佢自逃離新宿後，避咗去嗰間密室足足兩年，靠食朱古力維生，喺呢兩年日日聽健次嗰首飲歌，就咁潛移默化地從夢中驚醒，對朋友忠誠度開始生疑；電影版直頭好快地出嚟和今野離開！！！

lkljason

今野裕一即係嗰個DJ，其實是健次他們兒時玩伴，漫畫內有講血洗大除夕嗰年，他和青蛙王子沒有應健次的邀請去拯救地球，後來佢地深感懊悔耿耿於懷，而且青蛙王子的描述比而家電影版交待得仲多！！！

其實１３號點 ...
劉一舟 發表於 2009-12-10 11:55

個DJ我都係今集至知原來佢都係同學黎既！

劉一舟

個DJ我都係今集至知原來佢都係同學黎既！
lkljason 發表於 2009-12-10 14:08

咁樣係咪清楚啲！！！

lkljason

咁樣係咪清楚啲！！！
劉一舟 發表於 2009-12-10 16:14

Thanks 劉兄

清楚晒！

LAWSON

今野裕一即係嗰個DJ，其實是健次他們兒時玩伴，漫畫內有講血洗大除夕嗰年，他和青蛙王子沒有應健次的邀請去拯救地球，後來佢地深感懊悔耿耿於懷，而且青蛙王子的描述比而家電影版交待得仲多！！！

其實１３號點 ...
劉一舟 發表於 2009-12-10 11:55

其實漫畫果度13號好似比人追左好耐,變相企左係朋友既對立位置,同埋佢都懷疑自己殺人係為乜.我唔知有冇記錯或者感覺錯誤.印象中就係咁上下.電影果度重講佢嚮第二集射瓜朋友添.

劉一舟

其實漫畫果度13號好似比人追左好耐,變相企左係朋友既對立位置,同埋佢都懷疑自己殺人係為乜.我唔知有冇記錯或者感覺錯誤.印象中就係咁上下.電影果度重講佢嚮第二集射瓜朋友添. ...
LAWSON 發表於 2009-12-10 23:15

電影版第二集射瓜朋友替身嗰個係山根，13號射嗰個才是山根。