《20世紀少年 - 第2章：最後的希望》-P.2 附有影評

laiho

第2章講到邊度?

劉一舟

我都剛剛看完夜場回來，今集確實比第一集去得快到無倫，冇睇第一集的可以唔駛入場，可能我期望好大，今集出嚟比我想像中唔夠緊湊，比我感覺好似想快啲交待晒漫畫中頗多的劇情發展，但又剪到七零八落，漫畫交待得好仔細，但電影可能時間關係，話咁快就講完，尤以佐田清志和山根的兩段劇情，在電影版中真係睇到莫明奇妙，兩個角色出場時間真係好似方太煮餸咁話咁快攪掂，另一個原因我唔係太喜歡係電影版改動了不少漫畫中的劇情，教堂嗰場推後好多，原本最好睇的虛擬世界就著墨好少，連萬博嗰場都完全變晒，不過唔知係咪要保持神秘或在第三集才交待，理科室山根嗰場中途腰斬朋友真正身分，換來是朋友出巡那場..........不過都有讚的地方，角色就一路都講緊好神似漫畫，演小泉響子的那位女演員，真係演得好鬼似漫畫那個船頭怕鬼船尾驚賊的膽小鬼，小池榮子演萬丈目情婦高須也是一絕，燈大兼古靈精怪的動作令不少觀眾為之一笑，不過算笑得最響亮的算是教堂內那個大粒癦警察最後嗰句說話，另外朋友樂園玩射擊那段好有打機feel，其他場景和鏡頭都好跟足漫畫，算是對漫畫迷有一點交待。

漫畫版近結局劇情都冇咁好睇，我都好驚今年推出的第三集唔知可唔可以為呢套電影版作一個完美的終結；今集結尾仍然有第三集預告觀看，螢幕右下角在出現片末字幕時會有數字倒數，當數字完結時即可欣賞。

我會俾65分 (100為滿分)

劉一舟

第2章講到邊度?
laiho 發表於 2009-4-10 01:38

同我預測一樣，朋友復活，跟住cut去矢吹丈騎電單車出場，再加之前有今野裕一打碟！！！

laiho

我覺得漫畫版最亂都係血腥除夕之後
但又有好多前因後果都會係呢段睇返
睇漫畫都差D跟唔上.....

lkljason

第一集我覺得都算ok緊湊，如果無漫畫比較，你覺得第二集算好睇嗎？

劇情會承接到上集定話會仲亂好難理解呢？

阿定

如果無睇漫畫，第二集都好睇的，不過真係唔可以分神睇，因為本身戲情去得太快，分神跟唔到就會完全唔知佢講緊邊到！

漫畫講得最多係朋友樂園，電影就交代得好少，我最想睇係Bonus Stage入面的戲情，交代好少

仲有好多野想講，但怕大家未睇，戲透就唔好啦，本身第二集已經無咩精彩戲情，作為漫畫迷，我比80分，因為各方面都做得好似，咁短時間交代咁多戲情，不滿就一定有，但兩個幾鐘算係咁，如果無睇過漫畫，呢套第二章其實都好正，不過一定要睇過第一集先好入場，否則會悶死，如果同行睇戲的人有睇漫畫，再捉住問少少，應該唔難理解！

lkljason

thank you 阿定！咁可以放心睇埋佢勒！

lkljason

睇完返黎，無睇漫畫版既我好多疑團o係個腦度，唔係因為睇唔明，而係套戲實在太多未解既迷，希望第三部曲能夠解答到我啦！

劉一舟

睇完返黎，無睇漫畫版既我好多疑團o係個腦度，唔係因為睇唔明，而係套戲實在太多未解既迷，希望第三部曲能夠解答到我啦！
lkljason 發表於 2009-4-12 00:30

我諗你會失望，因為連漫畫版都好多謎團都未解，電影版都唔寄望會有！！！

lkljason

我諗你會失望，因為連漫畫版都好多謎團都未解，電影版都唔寄望會有！！！
劉一舟 發表於 2009-4-14 19:44

咁大獲？