阿仙奴歐聯十六強對AC米蘭

朗

後防唔夠嚴密頂唔著, 半場落後兩球, 仲要傷埋高斯爾尼, 換入個迪佐奴! 再失波就難翻身嘞!

朗

後防唔夠嚴密頂唔著, 半場落後兩球, 仲要傷埋高斯爾尼, 換入個迪佐奴! 再失波就難翻身嘞! ...
朗 發表於 2012-2-16 04:42

守不穩, 攻不銳, 下半場開波幾分鐘就輸埋第三球! 講波和仔話齋, 呢球都唔係有乜組織啫, 面對面俾人兩個輕易搞掂! 前面一啲板斧都冇, 唔好講入波, 有威脅埋門都見唔到!

朗

論論盡盡嘅迪佐奴果然俾伊巴搏到, 輸埋呢球十二碼, 四球返主場無關痛癢, 係咪退錢免費睇波以謝失望到極嘅廠迷呢!

朗

大敗一場, 送別亨利, 俾佢了解下而家嘅兵工廠係一班乜嘢級數嘅波, 同昔日爭幾遠!

Fabregas

大敗一場, 送別亨利, 俾佢了解下而家嘅兵工廠係一班乜嘢級數嘅波, 同昔日爭幾遠! ...
朗 發表於 2012-2-16 05:47

估唔到會被AC徹底技術擊倒！AC真係高兵工廠唔止一班波！
不過後防真係差到咁，想和波都冇可能！

Fabregas

後防唔夠嚴密頂唔著, 半場落後兩球, 仲要傷埋高斯爾尼, 換入個迪佐奴! 再失波就難翻身嘞! ...
朗 發表於 2012-2-16 04:42

迪佐奴竟然有得出場！

raymond430

遇到啲稍有實力嘅球隊就輸到咁杰，只望係本土賽有運行啦！

leo25

唔係馬後炮, 一睇出場陣容用藍斯頂替張伯倫我已經預左輸, 因為會搞到左邊廢左, 路斯基會慣性入中路. 藍斯出場反而減低左路斯基同阿廸達既威力. 自廢一翼. 搞到基比斯成日要上前, 變得左路後防空位多
到中段要用廸佐奴入替高斯尼, 亨利入替禾仔, 我就即估會輸4:0, 唉, 又中...
雖然禾仔唔算踢得好, 但自廢雙翼. 中場4個都係中路球員, 搞到兩閘成日要助攻....
反而張伯倫後備入替打得唔錯
下場主場起碼要入6球 (因我唔信可保持失球), 可以打定輸數..咁都好, 可以專心爭前四同水準低d既足總杯, 阿Q精神

Fabregas

唔係馬後炮, 一睇出場陣容用藍斯頂替張伯倫我已經預左輸, 因為會搞到左邊廢左, 路斯基會慣性入中路. 藍斯出 ...
leo25 發表於 2012-2-16 10:07

藍斯呢個魔咒，出佢就輸！出埋迪佐奴，更加無得踢！
其實要打快，禾仔，張伯倫一定要出！
AC 迷應該好開心，球隊表現的確好，已走出幾年前既低谷！
雖然同沙基或卡比路年代仲差好多，但真係有好大進步！
幾年前歐聯AC到訪酋長球場，完全係求和格，但今日已技術擊倒兵工廠！
別人進步，自己退步，兵工廠幾時先可以重生？

raymond430

藍斯呢個魔咒，出佢就輸！出埋迪佐奴，更加無得踢！
其實要打快，禾仔，張伯倫一定要出！
AC 迷應該好開 ...
Fabregas 發表於 2012-2-16 18:10

要兵工廠重生??? 其實你同我都知係等緊某人嘅離開或轉性!
依家只有等......等運.....等佢退休退休.......等人地失準........等.....睇怕要捧盃又要等.....