回覆 PM ... Cayin or Audio Note ( Billy997 )

Jadis

Jadis, 知道這是你收到過百封信之一, 盡量長話短說, 希望 Jadis 兄有時間指點一下. 客氣說話不講了, 總而言之感激不盡.
現用 Sonus Faber Cremona M (舊版 non-SE), 以前用開既 Luxman Class A 20W (550AII) 唔夠用, 控制力不足. 地方只有 200 呎 (sitting room 8 x 17, dinning room 8 x 8). 慢歌有少少 Boom.
想用 ~40k 去 upgrade int amp. 二手都可以. 唔想前後因為想簡單, 唔想多咁多接線.聽開 Jazz, Pop Music, 但想向 classic 進發, 因為以前既組合唔得, 效果唔好冇心機聽.
要求: 想要全面既器材，盡量 Classic 可以做到分隔度好 (以前部組合呢方面唔得，一舊舊). 音場闊。控制力比較好.人聲就想耐聽舒服為主 ...
我只識得以下大路 models, 因為 showroom 配置各異，地方又唔同。真係唔知返到自己屋企會點。我聽過:
A. Octave v70se
B. MBL 7008
C. Accuphase E460
D. Melody Super88
我聽感比較喜歡：
A ＝　B >>> C >>>>>> D
(A同B 其實不相上下，A 好似人聲討好一點因為有少少膽味)
Jadis 大 C ，請教有咩 amp 好介紹?
Thanks a lot
****************************************************************
    在推介選用的合併 Amp 之前, 先要了解 Sonus Faber Cremona M 的特性, 我對此喇叭熟悉不矣, 因家中亦有一對 Cremona M, 我買它, 是欣賞它細節出色, 絃樂效果有一浸暖意, 高頻亦有少許貴氣感, 聽古典樂、歌劇、群奏、小品、室內樂、鋼琴、人聲, 非常出色悅耳, 但同時我亦略嫌"她"有少許斯文, 聽較激的樂章, 始終少了點點蠻勁, 但我不知 Billy997 買她的原因是否同樣像小弟一樣欣賞她的長處, 但如果像你所說, 喜歡  Jazz, Pop Music, 看來要谷出 Cremona M 最高的潛能不可...
    湊巧地, 小弟最近家中正有兩部四萬餘元的合併機測試中, 與你的預算相近, 兩部都各有擁躉, 一部是為我國航天科技的Cayin Spark M-5.2T, 另一部為英國最靚聲的名牌 Audio Note Oto Line SE Sig., 前者公司有份參予戰機, 電腦醫療用具, 技術不需懷疑, 後者與日本分家後自成一派, 音色之靚世界之名, 玩膽玩到盡頭時, 不考慮 Audio Note 精明極有限... M-5.2T巨大到有如一部冷氣, 比 McIntosh MC-3500還要巨型, 我從M-52T使用 12AX7 x 1, 12AU7 x 2, 6CG7 x 2, KT88 x 8中, 這絕對是一部製作認真的超級合併機, 無論訊號放大、分相、推動級都有自己的膽子負責工作(有很多機種把兩個工作共用一組管子), 輕鬆工作下音色亦較為精細, 複雜的古典樂章亦清楚地分析出每件樂器的位置, 再講, 每支管子沒有太大負擔下, 耐用程度亦較好, 而太多管子會易壞的無稽之說, 就留待初哥評論。其音色力度強大, 中頻質感厚實, 強烈的氣勢有 Marantz 9 的影子, 相反Oto Line SE Sig.音色靚如青天, EL84 發揮得極為出色, 音樂活生變化多端, 聆聽各類型音樂都有非常出色表現, 我曾以 Oto Line SE sig.推動大食無倫的 AE 1, 強大的動力使我吃驚之餘, 音色亦非常淡定, 人聲和鋼琴像真度聽得心驚膽跳, 論音色的鮮明度, 絕對勝過你列舉的四部 Amp !
   如果不計較名氣和二手價值, 兩者都可以一聽, 由於小弟的 Cremona M 已入倉, 如果 Billy997 兄真的會考慮我推薦的 M-5.2T 或 Oto Line SE sig. 或許可以先到代理聽清楚基本音色定位, 聽清其基音和人聲表現, 再 reply 我, 到時再抽空代你接駁 Cremona M 一試 !
Jadis~