隱藏於民間的極級武器 - Sommer Excelsior

nicknick

正所謂能隱藏於民間的極級武器，平時唔顯眼，望落又唔覺貴氣，睇落冇乜殺傷力，價錢又唔係極品級，但係實力非凡，聽左你就知死！




我所講既係最近買的一對新線：Sommer Excelsior RCA

第9頁追加一對Excelsior XLR線！






廠方張相就影得高級D，睇下我隨便拿起手機影一張，影得咁差就睇落普通好多：


實物同廠方張相有D唔同，問過代理，個RCA頭係相同品質的，裡面是PTFE Teflon-insulated fine silver，只會造俾Excelsior用，不另發售的。廠方張相那隻頭因新印刷了Excelsior字樣要重新申請歐盟認証仲未批所以未能出口，所以現時的頭都用緊實物那種RCA頭，如果唔係夾左個"Excelsior" 招牌在線尾，仲以為係DIY雞線。

ok，凡事唔好單睇外表，尤其是hifi野。
我一直愛用sommer，因為即使是studio野，我都比較過覺得sommer較apogee及mogami都更中性及平衡，apogee都仲有D品牌專有的 “味” ，mogami就中性但分析力、通透度及聲音線條都唔夠同級的sommer線好。
sommer線我用過好多型號，慢慢地我幾乎用晒Stratos做IC，中頻幾靚，分析力對當時來說已經好滿足，可惜高頻去唔盡，低頻線條唔夠靚，優點主要在中頻段。後來試入一兩對Epilogue，相對貴了不少所以買親都係二手，質素是值回線價，分析力同兩極伸延比Stratos更好，低頻線條更是一絕，出D低音音附好靚！可惜缺點係中頻密度唔夠、高頻出到頂亦有點開叉，只好將前置喇叭擺位拉近，補回中間的密度不足，如此一來空間感又未必發揮得最好。

直至最近入了onkyo 5509，一不做二不休，既然sommer推出了它的旗艦線Excelsior系列，好想入一對來試試級數提升有幾高？
最後決定入一對3m的直接用來接駁我的前置active喇叭，咁就av同2聲道都可以受惠。條線度度都冇現貨，要訂，等了一段日子終於到貨，拿到家不是立即用來駁喇叭，反而是試試用來駁CD player到前級，一開聲，唔係化？駛唔駛咁完美呀？有齊晒我用過的線的優點同時冇佢地的缺點！兩極伸延好，高頻唔開叉、低頻線條靚，空間感卓越，前後立體感出晒黎，最緊要係中頻密度超高，人聲在av amp出，D肉地番晒黎！唔係厚聲濃味有點蒙那種聲，而係通透密度高有肉地這種唔薄聲。條線全頻表現都超卓，比起我以前用過師兄們借來的Argento價值2萬幾的訊號線有過之而無不及！

唔駁CD player，駁去active crossover至active speaker這一段，效果反而冇駁cd player咁恐佈，不過都已經補足左好多我套系統的問題，特別是中頻人聲的表現提升不少，現在前置聲音的密度更是頂級，點比較呢？之前我即使用stratos駁這一段，兩隻前置相距4尺半才能填滿當中的空間，不至於聲音中間出現真空，現在我將喇叭放得盡量遠，遠到7尺半幾乎貼側牆，中間都仍然填得滿！佢仲有貨，最衰我層樓唔夠大，唔可以將喇叭再放遠D。

可能大家已經好想問條線乜野價位？5k左右，已經是旗艦了，而且質素表現也是實實在在的旗艦級數，studio野就有呢個好處，真係一分錢一分貨的，唔會吹到好正就升到幾萬幾萬一條線咁！我依家中晒毒，不知幾沖動想換晒7.1 D線去Excelsior，最衰買左部5509己經開始乾塘未回到氣！

avlam

正所謂能隱藏於民間的極級武器，平時唔顯眼，望落又唔覺貴氣，睇落冇乜殺傷力，價錢又唔係極品級，但係實力 ...
nicknick 發表於 2012-2-15 00:46

    好富貴喎 !

edlsang

又一條靚線 !

obee

Sommer Excelsior RCA 講到我都想試下

nicknick

好富貴喎 !
avlam 發表於 2012-2-15 00:48

以前一直唔敢投資在線材上，直至現在av方面的器材應該會安定好一段日子了才敢試貴少少，不過己經羅羅攣左好耐至忍痛出手，是我買過最貴的線了，咁好都未舍得買第二對住。

KUNGKUNG

回復 1# nicknick

nick 兄 , 先謝分享 !
3M 價錢 5K , 甘 1.5M 會唔會 3K 搞得掂 ??

avlam

以前一直唔敢投資在線材上，直至現在av方面的器材應該會安定好一段日子了才敢試貴少少，不過己經羅羅攣 ...
nicknick 發表於 2012-2-15 00:54

我就覺得線係最值得投資,一條高質嘅線可以用到你貪新鮮嗰時先換嫁 !

nicknick

回復  nicknick

nick 兄 , 先謝分享 !
3M 價錢 5K , 甘 1.5M 會唔會 3K 搞得掂 ??
KUNGKUNG 發表於 2012-2-15 00:54

唔得，3m要5k幾，1.5m應該都要4k幾，D廠線係咁的，基本已經有個價，加長都唔係加好多。

nicknick

我就覺得線係最值得投資,一條高質嘅線可以用到你貪新鮮嗰時先換嫁 ! ...
avlam 發表於 2012-2-15 00:56

因為線可以好影響音色，器材未定就玩線會好易買一大堆都只是在校聲，行大運，唔係提升質素。

leo25

好吸引喎