其實俾人炒

macaumelody

點解 d 人講到 d 公司責任咁
講真我又唔覺得老奉請你
你自己真係做得好好的話
人地又點會炒你
你又唔問下自己: 點解炒你唔炒其他人

名偵探柯南

人係總會有將責任推比其他人的習性。

Terence

讚成公司炒人......會變成千夫所指，香港罪人，分分鐘響街比人掟蕉！
反對公司炒人......會有一眾支持者，大眾的偶像，撈到政治本錢！
咁試問又點會有人公開讚成公司炒人呢？

但係咪真係人人都真心反對公司炒人呢？
你睇下邊間上市公司一話大幅裁員，
佢公司股價會即刻會飛升一浸，
你又認為代表Ｄ乜呢？

laiho

點解 d 人講到 d 公司責任咁
講真我又唔覺得老奉請你
你自己真係做得好好的話
人地又點會炒你
你又唔問下自己: 點解炒你唔炒其他人
macaumelody 發表於 2009-2-25 19:08

又唔可以咁講,有d大公司同銀行,以前行舊制請落一班人
呢班人學歷唔太高但人工褔利就好好,到依家行新制請個大學生
都係一萬幾千,褔利差好多,所以d老細千方百計整走呢班老伙計
佢地唔會炒你,佢地首先打擊你自信,調你去d唔熟既部門等你成日做錯野比人投訢
又成日當眾鬧你,等你覺得唔好意思再留喺公司!!

小瑟

公司都有政治, 比人炒唔一定係做唔到野, 世界係咁簡單就好了!!!!

做到野但唔識擦鞋都可以係比人炒既原因......咁樣點解唔可以嘈呢????

小瑟

讚成公司炒人......會變成千夫所指，香港罪人，分分鐘響街比人掟蕉！34178
反對公司炒人......會有一眾支持者，大眾的偶像，撈到政治本錢！34179
咁試問又點會有人公開讚成公司炒人呢？3417634177

但係咪真係人人都 ...
Terence 發表於 2009-2-25 19:31

係公司業績既立場, 炒人一定係好事, 不過睇下自己係咩位置囉, 睇人比人炒梗係冇所謂啦.
但自己有負擔又剩既, 就唔係講咁輕鬆架勒~~~~

radhk

點解 d 人講到 d 公司責任咁
講真我又唔覺得老奉請你
你自己真係做得好好的話
人地又點會炒你
你又唔問下自己: 點解炒你唔炒其他人
macaumelody 發表於 2009-2-25 19:08

一半0岩一半唔0岩啦. 公司真係唔係老馮養你. 生意唔好, 要cut cost, 炒人係好正常.

另外, 做得好, 公司真係唔係一定會keep番你, 唔炒你. 尤其依家時勢.

wil-wil

呢個問題好睇老板以生意為重定以人為本，
同時亦睇員工是否視公司為己的態度。

雙方各自覺只為自己利益為首任，
就邊個都幫唔落!

但事實香港好多事情既情況都兩極化，
完全濫用晒應有既權利!

呀力

完全濫用曬應有既權利!


Yes

阿定

即係咁，炒人唔係問題，但有d公司，公司有事時，老闆就叫你幫下手做夜少少，星期日幫手帶一帶個客去買野！ 但到Cut Budget時，其實好多野可以Cut，點解要Cut左人手先呢? 係咪真係非Cut不可? 公司係唔得，做唔到，員工一定睇得出，老闆叫員工減人工一齊捱，捱完又有幾多個老闆係好景時加番比員工！ 炒人唔係問題，係炒得有無道德的問題，法理上，炒人有賠錢已經OK，人情上，係咪咁多公司都真係要炒人先過到呢一關呢?