[絃樂], [人聲] 雙絕 - Cardas Clear M PC (Report updated at P.1 #2)

tomc · 發表於 2012-2-3 09:03

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

本帖最後由 tomc 於 2012-2-3 14:41 編輯

tomc · 發表於 2012-2-3 09:04

本帖最後由 tomc 於 2012-2-3 14:44 編輯

條Clear M取左入門都接近三個月了，為什麼咁遲才出報告呢？主要因為最近個人比較懶，而且亦都取左好多新妾子（新缐）入門，所以要慢慢摸透清楚她們的身材

，都閒無出報告真係sorry! 其次係Cardas缐材需要一段比較長時間run-in，煲熟後才出報告會比較全面；加上觀察到這裹嘅師兄都比較喜歡甜暖潤澤的聲音，所以用點時間和大家分享。

Clear M 頭尾插用古河FI-15, 其中頭插加了一個濾波物體（Photo 2 圓拱型位置）加強過濾雜訊，令到背景非常之靜。線身唔算粗壯及硬，煲熟後缐身會輕微軟化，唯一缺點是缺少了蛇網保護，缐身及印字容易擦花，要好小心咁用。

大多數燒友都覺得Cardas表現略嫌含束保守及太斯文淡定，講得俗d就係獨沽一味舒服聲。Clear M係聲音表現方面無特別高分析力或強勁有力HiFi感，dynamics表現亦一般，不是「打斷鼓棍」類型嘅PC，亦不可以令薄聲器材變得厚聲。但它聲音質感絕不會硬掘，亦沒有軟淋淋的感覺，用她重播acoustic 樂器和人聲，不強調勁度，由高至低tonal balance良好，有高有低但不凸出不誇張，不㨂擇錄音，聲音生動活潑中經常保持柔順悅耳，的確又好聲又好聽。

係重播人聲有著一份豐富的迷人韻味，音像尺碼不大，咀型細，凝聚力強，不化大不傾前，稍稍laid back及高企。樂器與樂器之間分隔度良好，雖然低頻無暗勁，但彈double bass輕鬆自然；聽鋼琴重播甜暖潤澤，加上清甜溫醇靚高頻，亦可表現出柔情洋溢兼活力四射的迷人弦樂

，這都令到我對她令眼相看，每每聽完都回味無窮。

由於Clear M電流承載力不高，好多師兄及寫評都建議用係音源或前級，所以我就順理成章取代一直用緊係馬仔SA11S2嘅Acrolink7N 4020iii ，再加上Gutwire SP6.1 （報告稍後）比Luxman 505U開聲試音。煲熟後嘅Acrolink同未煲熟時Clear M初聽好相似，可能大家都帶純銅味，分別係Acrolink嘅低頻似拳頭打埋黎，Clear M就似掌風比較柔順舒服（有師兄會覺得係淋同濛）。但Clear M煲熟後係各方面就遠遠拋離Acrolink 7N 4020 or 4030了。始終價位唔同，不能直接比較！

最近新入了Voodoo 鉑金龍電源缐（報告稍後），於是Acrolink , Cardas , Gutwire，Voodoo 四者互相搭配後，暫時最中意Voodoo放CDP，Cardas 放amp 的聲音。由於係合併機加上聆聽面積不大，所以亦唔覺Clear M係呢方面有唔夠力嘅感覺。曾家訪時都試過放Melody HS34膽機，都係有氣有力。

由於小弟文筆粗劣，加上經驗尚淺。以上報告純屬個人感覺，再加上帶她家訪時聽取其他師兄feedback及參考各大論壇，寫評歸納而成，不喜請一笑置之

，如有得罪亦請多多包(含)。