[PS3/X360] 2月推介: Binary Domain (現已推出)

@肥狗仔@

遊戲名稱: Binary Domain
平台: PS3/X360
遊玩人數: 1~10人
開發: 如龍工作室(SEGA)
發行: SEGA
製作人: 名越稔洋(監督)
發售日期: 2012年2月16日



遊戲簡介:
正當Capcom-asia不停為《阿修羅之怒》進行宣傳之際，同樣由其公司發行的《Binary Domain》已經鎖定於2月16日推出。這款日產射擊遊戲由新成立的如龍工作室開發，《如龍》之父名越稔洋親自監督，並使用了SEGA新一代自行開發引擎，為一款講述人類與機械人戰鬥的TPS大作。相比一般的歐美射擊遊戲，《Binary Domain》罕有地加入語音識別系統。玩家可以通過語音指揮AI隊友。本作亦引入了RPG/育成遊戲的「信賴值」，AI隊友會根據對玩家的信賴值而採取不同的行動。除單人遊戲之外，《Binary Domain》還對應4人劇情CO-OP，及10人多人對戰模式。

*遊戲DEMO將於2月1日登陸PSN/XBL

本作特色:

•龐大而有深度的故事。
概然是出自《如龍》工作室，那麼故事方面當然會有相當份量。《Binary Domain》的故事發生於未來，此時由於全球暖化造成海平面上升，世界各地受到大面積的淹浸。為了生存，人類選擇在未受影響的原有城市上面加建層一個更高的居住地:「上層城市」。此後，世界被分割成「一天一地」，兩地居民矛盾也逐漸加深。同時，為了建設上層城市，建築用機械人產業極為繁盛。久而久之機械人已經成為了社會的一部份，但也換來了更多涉及機械人的罪案。時間為2080年，玩家將扮演國際特總部隊「Last Crew」的一員Dan和一眾隊員深入日本打探機械人恐怖活動的情報....本作監督名越表示本作將會是一部探討生命的作品。

•以語音指揮超高AI。
早在《End War》的時候，上海Ubisoft就為遊戲引入語音控制功能，在今次《Binary Domain》當中，製作人在建立高度AI敵友的基礎下，讓玩家以語音指揮隊友。玩家可以通過麥克風，向AI同伴發出好像「take cover!」﹑「regroup」﹑「fire!」等50多種短言。在同伴要求支援的時候，玩家可以發出「I am coming」或者「NO!」來拒絕。劇情進行時，亦能夠以語音回應隊友AI的對話。當然，若果你有玩過《Army of Two》的話，那麼好像「nice work ha ha」等特殊語句也是少不了的。

*注意，指揮用的語言會因地區版本的不同而異，如果你購買日版，請確定你懂得說日語。

•助你存活/喪命的「信賴值」。
開發團隊把玩家和隊友的團隊合作看為重中之重，為了把這個重點最大限度發揮出來，製作人特意地引入RPG遊戲中常見的「信賴值」系統。此系統會根據玩家在平時戰鬥時對AI隊友所進行的支援及語音指揮/打氣等等情況而調整。信賴值愈高，隊友對玩家的支援愈多愈主動，相反，若信賴值過低，隊友便有機會拒絕玩家的指令。然而，過高的信賴值也可能推使隊友過於好戰敢於「送死」，故「信賴值」的平衡絕對是對玩家的一大考驗。


遊戲影像:
故事預告片1
[YoutubeHD]nsAHnfInOOA[/YoutubeHD]

故事預告片2
[YoutubeHD]Da8Y9Ojd-Ug[/YoutubeHD]

實機預告片
[YoutubeHD]ceTpSrIBNC0[/YoutubeHD]

實機預告片(武器篇)
[YoutubeHD]3AmXBm5kK0M[/YoutubeHD]

實機演示(gamespot X 名越)
[YoutubeHD]i-A9VMz6710[/YoutubeHD]

實機演示2
[YoutubeHD]mnPVCIaj0FU[/YoutubeHD]

Dan vs Rio
[YoutubeHD]vouhjb3Vt5c[/YoutubeHD]


遊戲畫面:

DVD迷

我放假前訂咗,等電話取貨....

1080/24P

簡直係未來戰士加智能叛變再加VANQUICH!!! 電影感娛樂性大增, 畫面暫時睇片而論, 真係好正, 打散架機械人碎片四散效果一流!!
加上龍如之父好重戲味!! 正!!!!!!!!!!!! LEE D先係令人興奮既GAME, 期待度超越BIOHAZARD 6!!

@肥狗仔@

哩隻算係久違嘅SEGA自家重本大作~日本射擊遊戲上佳之品~我唸我遲D應該都會訂~但都係過兩日玩下DEMO睇情況再算~

@肥狗仔@

2.1

DEMO現已登陸日服PSN~有興趣嘅朋友可以去下載~

@肥狗仔@

玩完DEMO，好彩冇訂。唔係話唔好，只係覺得冇咩咁特別。自戰爭機器後TPS個型差唔多fix死咗，偶然會有好似Army of two或者Dog Days哩D有意識喺系統或者畫面渲染上面落功夫令到睇起上黎比較獨特嘅遊戲出現。早兩年有隻日本TPS遊戲叫做Quantum Theory被插爆因為太似戰爭機器。今次Binary Domain個人覺得仍然係同一問題，除咗語音系統同武器商店之外本作系統都同戰爭機器無比相似。無論係操作或者係掩護系統方面。唯一感到安慰嘅係敵方機械敵軍嘅表現力的確給力，特別係BOSS戰設計，最令人感受到本作嘅個性。不過基於本作故事會係重點，究竟係咪「日本版戰爭機器」仍然要觀望一吓。另外所謂語音部份，基本上都係照稿讀，所以唔會比以往同樣支援語音嘅遊戲好得多，不過收音同AI反應比預期要好。畫面部份我會扣得比較多分。首先畫面本身就冇我想像中好。當然佢本身喺日本遊戲入面算係一班，但貼圖同建模同之前嘅如龍OF THE END比起黎進化唔係大得咁緊要，明顯強化就係加入強烈嘅動態光照同其他環境渲染。上面有提到機械人表現出眾，特別係爆炸嘅效果的確出色，但FPS就唔多配合。我玩嘅係PS3版本，唔知X360有冇相同情況。遠距離好似冇咩野，但近距離當敵方機械人一多嘅時候FPS就顯得唔多穩定。特別係有敵人近距離爆果陣，FPS一下子調低咗唔少。雖然哩個情況出現次數唔多，但同樣為打機械人遊戲，哩隻GAME要處理嘅野唔比VANQUISH多，亦唔係用Havok。其他咩手感音效方面都不過不失。感覺今次SEGA為玩家呈獻嘅就如同之前某CEO所言:「由日本打造，以全世界為目標的射擊遊戲」，質素係高，但就DEMO而言，本人懷疑SEGA值唔值為佢投資咁大。如果最終成品同DEMO品質唔差太遠的話，咁與其打造一款日本版戰爭機器，咁我寧願SEGA為MAX ANARCHY造多D宣傳，睇下有冇機會幫佢包裝成又一款大亂鬥名作算。

DVD迷

我都試玩咗,感覺好一般,但我一樣照買,唔係訂咗問題,因為我都無比訂金的,就算我唔要,打個電話取消都無問題的,因為我好想試玩下呢個作品,最多玩爆機睇下如何,如果差,就玩完即放返出二手巿去.....

@肥狗仔@

2.11

遊戲仲有一星期唔夠就推出~現更新多人遊戲預告片~本作嘅缺點隨著哩個預告片完全咁顯露出黎~即是話冇咗語音部份就咩野都唔係~如果首發超過$350的話~咁我會等佢降到$200樓下先會考慮入手~

[YoutubeHD]1TNJS6Fre9M[/YoutubeHD]

liljon852

未玩demo前諗住一定買硬, 但玩完之後打消念頭
隻game比我感覺係平平無奇, 如果唔介意洗4舊水而且又冇其實game玩既話都可以玩一下既....

@肥狗仔@

未玩demo前諗住一定買硬, 但玩完之後打消念頭
隻game比我感覺係平平無奇, 如果唔介意洗4舊水而且又冇其實ga ...
liljon852 發表於 2012-2-11 22:30

    下個月開始有多d大作~今個月數落都係得哩隻﹑阿修羅同烈火戰車@@