請問前置, 中置喇叭線及電源線有無要求特定長度呢???

JKC710

如題, 請問前置, 中置喇叭線有無要求特定長度呢??? 今日去SSP永X諗住買電源線DIY, 問果個阿叔, 佢話電源線要6尺長度先OK, 如果唔係D電"痕"得滯~~ 其實我諗又有道理既, 唔同我AMP後面就係插SO, 我就DIY條XXCM咩~~

另外, 小弟而家既前置, 中置喇叭線都係用緊鴨記街邊一舊水一"扎"廿碼既吊頸貨, 所以今日就去剪左3條S14怪獸線 ($7/尺), 問題又黎喇, 究竟要幾長呢??? 我當時頭痛緊.........問鴨記剪線佬, 佢就問我喇叭同AMP有幾遠距離, 我話4尺, 佢就話"咁就買4尺LOR", 都唔知佢係咪9吹..........跟住有位阿叔睇緊線, 佢就搭訕同我講話買8尺啦, 一般喇叭線都係8, 10, 12尺, 於是我就買左3條8尺, 仲叫剪線佬幫我開埋皮添, 請問下果位阿植有無老昆我呢???

跟住去到永X見到古河314AG要$ 68/尺.......當要6尺再加MK紅頭($85), 尾插(古河$195)............成7舊水................都係覺得太貴........所以小弟諗住用怪獸 POWERLINE 400 $20/尺作破青之作~~ 請問尾插有邊隻好既推介呢???

mankoo米高

無話特定幾長，但一般真係8-10呎(最少都6呎)
太長增加訊號衰減機會，太短會有"張力"過强("痕"得滯)情況
如你情況4呎距離，可考慮買三條6或三條8呎比前/中置用吧

JKC710

THX, 2位師兄~

JKC710

另外有個問題想問問大家, 如果我用cheap cheap拖板, 但係我就換條好既電源線俾部電視代替條原廠線, 畫面會唔會有所改善呢?? 因為小弟搬出黎住.........所以資金嚴重短缺......因為要買雪櫃, 如果唔係我就買mr. yau果個8位濾波拖板喇...........