何謂義氣？是否只不過係無知既想法？

Raphael

踎咗咁耐，工未搵到，但卻睇到一啲真面目。

曾幾何時，大家一齊返學，一齊學功夫，一齊搗旦，一齊去打交，一齊被罰，一齊去考警察
曾經話過，我地幾條躝癱永遠都係朋友，即使到咗六十歲要吹雞打交都即call即到，唔到嗰個正契弟！
識咗超過廿年，從來未有一刻懷疑過
今日搵唔到工，只想搵朋友傾吓抒發鬱結，但卻見有人已經避之則吉，彷彿怕我開口借錢咁！
憑良心講，真係無打算問人借錢；雖然無乜收入，但絕不至於要借錢渡日
到底係人變咗？抑或根本從來都無所謂＂義氣＂呢回事？
想向其餘既躝癱老死講呢件事，卻又擔心裂痕加深，又怕見到更多真面目...... 索性借呢個佢地唔會睇既地方，發洩一輪就算數！

發洩完畢！收皮瞓覺！

chucm

看得開，站得高，望得遠。心情就會舒暢得多了。

4pk

無辦法，人生歷程每個階段對事物睇法唔同

你好景時佢地只糸唔現另一面出梨，你豆某時，咪望真D囉

我都有一羣小學到衣架既朋友，一路保持联絡，一齊長大，但真糸知己可能得几個，其實算幸運啦

edlsang

好多人只會錦上添花 ，雪中送炭的不多 ！

edlsang

回復 1# Raphael


    加油 Ching  ! Keep postive  ! Nothing is possible. !

bloodkid

通常都係當你最霉既時候就分到邊D係人邊D係鬼

我而家呢到做得唔開心所以都搵緊工
兩個月黎見過兩份
全部 interview positive feedback
去到最後, 一份佢覺得我係 downgrade 怕我好快會走
一份就 offer 返俾佢 internal staff

呢兩個月個人真係好 down
一齊加油吧

kalok6

無辦法，人生歷程每個階段對事物睇法唔同

你好景時佢地只糸唔現另一面出梨，你豆某時，咪望真D囉

我都有 ...
4pk 發表於 2012-1-27 05:21

最緊要既係，你好景果陣，（佢）有無搵你笨先？！如果無既....又點解要怪人你霉果陣人地唔睇你呢？！
人個個都有自己既想法，當初年少無知，當然可以話有福同享.......人大左就會有唔同既睇法，
我覺得唔可以怪晒人......到自己有頭家，又要養仔女，又要養父母，又要供車供樓，怕老死開口問自己借錢，有咩問題？！
推又死，唔推又死................
我講果個你唔係話你同樓主，只係講件事........

ykluk

其實每件事又未必一定係以呢個角度去睇既, 有可能你朋友有其他事情令佢陪唔到你傾吓呢, 喺你既角度可能係避你, 又可能佢有其他事, 又或者佢自己呢期都好唔開心呢...
小弟覺得, "世事無絕對"呢句說話既真義未必係代表同時間有好多事實, 而係你自己根本無可能知道晒同一時間既事實, 所以先會有"片面"既睇法 -- 即係自己既睇法. 而既然自己既心情係好受到呢個"片面"睇法所影響, 與其會令自己唔開心, 不如轉用另一角度去發揮所謂既"其他"可能性去令自己舒服啲!!

唔知咁講幫唔幫到Raphael兄, 不過又試吓換轉另一角度, 其實每個人自己都係一個獨立個體, 就算愛人如是, 親人如是, 某程度上嚟講要求別人只會更加令自己失望罷了. 既然心情睇法都只係一種自己既"片面"角度, 而事實亦係永遠唔會完全知道既事實, "放下"或者係最好既心靈雞湯啦!!

kalok6

其實每件事又未必一定係以呢個角度去睇既, 有可能你朋友有其他事情令佢陪唔到你傾吓呢, 喺你既角度可能係避 ...
ykluk 發表於 2012-1-27 10:32

我既諗法同你好接近，但你似乎仲闊仲遠喎

ykluk

我既諗法同你好接近，但你似乎仲闊仲遠喎
kalok6 發表於 2012-1-27 10:43

多謝kalok兄加分!!
其實都無話闊同遠, 人既目光同認知都只係某一個好窄好短既範圍, 小弟亦然. 而所謂既"心神"領悟, 都只係將自己身段"放下"之後去"包容"世界上之業與物, 當然如何自處, 其實都不外乎係一種"選擇".
所以再退一步去諗, 人既喜怒哀樂, 都只係一線之差, 而嗰一線, 可能就係自己"選擇"既邊一種睇法!!