家庭影院大劈價 ... 只需 $2,000 做皇帝 (轉載)

wil-wil

轉載自蘋果日報 2009 年 2 月 18 日網上版
http://appledaily.atnext.com/template/apple_sub/art_main.cfm?iss_id=20090218&sec_id=38164&subsec_id=10353686&art_id=12217945


呢 個 時 勢 ， 唔 減 唔 買 ！ 唔 係 無 錢 使 ， 係 諗 過 度 過 先 使 ， 其 實 做 人 本 來 就 應 該 係 咁 。 既 然 遠 遊 消 費 今 年 唔 使 多 諗 ， 煲 碟 打 機 等 家 庭 活 動 多 ， 咁 不 如 見 周 街 影 音 產 品 劈 價 之 際 ， 裝 修 一 下 自 己 個 皇 帝 位 。 旺 角 有 樓 上 舖 做 減 價 ， 想 做 皇 帝 ， $2,000 已 經 可 以 。


Panasonic SC-PT465 DVD 升線 1080P

              原 價 ︰ $2,480
          七 九 折 ︰ $1,980


坊 間 一 套 5.1 DVD 家 庭 影 院 組 合 ， 價 位 大 約 在 二 千 中 水 平 上 落 ， 估 唔 到 有 地 方 竟 然 將 部 「 行 貨 」 Panasonic SC-PT465 標 價 $1,980 ， 二 千 唔 使 。 部 機 總 輸 出 功 率 為 750W ， 內 建 DTS 、 Dolby Digital 雙 解 碼 器 ， 及 Dolby Pro Logic Ⅱ 立 體 音 源 虛 擬 環 繞 解 碼 機 能 。 更 盞 鬼 係 中 間 收 埋 個 iPod Dock ， 可 以 直 插 iPod 連 USB 都 唔 使 出 動 。 前 置 落 地 柱 形 喇 叭 更 可 改 裝 成 掛 牆 ， 算 靈 活 適 合 香 港 居 住 環 境 。 專 業 用 家 或 會 覺 得 唔 夠 玩 ， 因 為 佢 唔 係 Blu-ray 播 放 機 ， 係 提 升 線 數 至 1080p 輸 出 ， 不 過 對 初 哥 想 上 車 ， 呢 個 入 場 費 確 係 吸 引 。

■ 重 低 音 玩 薄 機 箱 設 計 ，            ■ DVD 升 線 1080p 畫 質 ，
   放 廳 唔 阻 地 方 。                          顏 色 線 條 都 好 細 緻 。



PIONEER BDP-09FD 半價買最強 BD

■ 機 身 分 上 下 層 ， 讀 盤 轉 速 不 受 上 層 火 牛 干 擾 。
   行 貨 價 ︰ 約 $38,000
   水 貨 價 ︰ $14,800

唔 好 話 只 照 顧 普 羅 大 眾 ， 就 介 紹 部 過 萬 的 Blu-ray 機 畀 追 求 高 質 享 受 的 玩 家 ， 講 係 PIONEER BDP-09FD ， 行 貨 價 大 約 在 $38,000 水 平 ， 但 水 貨 竟 激 賣 $14,800 ， 相 差 頗 遠 ， 買 兩 部 都 仲 得 。 部 機 支 援 7.1 輸 出 ， 而 最 大 特 色 係 有 兩 組 HDMI 輸 出 ， 聲 畫 可 分 開 處 理 。 拆 開 機 殼 會 睇 到 搭 晒 橋 ， 音 訊 和 視 訊 以 上 下 倉 分 開 處 理 ， 火 牛 亦 在 上 層 獨 立 隔 開 ， 大 大 減 少 磁 場 對 下 層 轉 盤 的 干 擾 。 聽 聞 去 貨 量 極 快 ， 隨 時 要 排 隊 訂 先 有 貨 。

   
■ 實 試 感 覺 ， 黑 位 好 淨 ，                  ■ 兩 組 HDMI 輸 出 ， 聲 畫 分 別 處 理
   雜 訊 非 常 少 。                                        自 然 效 果 更 佳 。



PIONEER BDP-95FD
抵 玩 5.1BD同 樣 係 先 鋒 牌 ， 要 平 的 話 就 自 然 要 退 一 步 ， 可 以 揀 部 BDP-95FD 藍 光 水 機 ， 支 援 5.1 輸 出 。 講 真 ， 玩 到 7.1 又 有 幾 人 ？ 5.1 大 家 有 偈 傾 得 多 。 部 機 亦 及 不 上 09FD 有 兩 組 HDMI 輸 出 咁 多 ， 只 有 一 組 。 而 可 播 放 的 影 碟 區 碼 與 09FD 一 樣 屬 A 區 ， 係 大 陸 、 歐 洲 碟 讀 唔 到 ， 但 正 常 香 港 有 售 的 ， 例 如 中 日 韓 美 和 香 港 都 一   定 讀 到 。

   
    原 價 ︰ $9,800                                     ■ 機 價 雖 平 ， 但 機 背 只 有
四 六 折 ︰ $4,600                                        一 組 HDMI 輸 出 。



PHILIPS BDP-7200
初 階 入 門 BD 呢 部 PHILIPS Blu-ray 水 機 亦 係 抵 玩 作 ， 支 援 5.1 輸 出 ， 一 組 HDMI 端 子 ， 最 高 解 析 度 係 1080p ， 而 且 係 讀 到 全 區 碼 影 碟 ， 實 試 過 顏 色 層 次 表   現 幾 豐 富 。

   
    原 價 ︰ $3,880                                     ■ 平 平 ， 光 暗 層 次 也 可 以 好 出 。
六 六 折 ︰ $2,580



ONKYO TX-SR606
黑 魂 7.1AMP除 Blu-ray 機 外 ， 亦 想 介 紹 部 擴 音 機 。 呢 部 7.1 聲 道 擴 音 機 亦 係 水 機 ， 佢 同 行 機 外 形 上 最 大 分 別 係 顏 色 ， 水 係 黑 色 ， 行 係 金 色 。 4 入 1 出 HDMI 1.3a 端 子 組 合 標 準 排 列 ， 更 重 要 係 新 加 入 DTS-HD MA 、 DTS-HD High Resolution Audio 、 Dolby True HD 同 Dolby Digital Plus 的 音 效 解 碼 ， 完 全 針 對 Blu-ra  y 玩 家 而 設 計 。

   
    原 價 ︰ $4,680                                     ■ 玩 Blu-ray 的 ， 最 重 視 有 無 支 援
七 二 折 ︰ $3,380                                        DTS-HD Master Audio 或
                                                                Dolby True HD 。




售 賣 點 : 旺 角 華 仁 影 音

civiclau

小弟諗住去汁一套MARANTZ SR6003 配mission speaker 5.1 唔知有冇得平唸,最仲要係可以免息分期v  v

小瑟

PIONEER BDP-09FD<--呢部野水貨又會平咁多既!!!!
果日都見德發光頭佬就係玩緊呢部野!!!!

rx79g

小弟諗住去汁一套MARANTZ SR6003 配mission speaker 5.1 唔知有冇得平唸,最仲要係可以免息分期v  v
civiclau 發表於 2009-2-18 07:55

HI, 師兄! 華仁有得免息分期?正woo!

hintel

HI, 師兄! 華仁有得免息分期?正woo!
rx79g 發表於 2009-2-18 10:00

有得免息分期, 不過要加6% charge

civiclau

5# hintel
可以多個月先?以1萬蚊都要比多6百蚊,如果可以24個月收6%charge,咁就算唔多

hintel

可以24個月

火機

5# hintel
可以多個月先?以1萬蚊都要比多6百蚊,如果可以24個月收6%charge,咁就算唔多
civiclau 發表於 2009-2-18 11:12

師兄, 你不如問銀行借好過, 禽日有間bank 問我借唔借, 見無乜野做, 同佢吹下水, 佢話只收3.2%, 即係$10000, 1年還$10320, 好過錄咭做分期啦....

hintel

師兄, 你不如問銀行借好過, 禽日有間bank 問我借唔借, 見無乜野做, 同佢吹下水, 佢話只收3.2%, 即係$10000, 1年還$10320, 好過錄咭做分期啦....
火機 發表於 2009-2-18 11:39

現在銀行多水, 好多時打電話來問借吾借錢,好多時是沒有利息(不過好多都是做12個月)

civiclau

9# 火機
應該要手續費吧．．．
不過問銀行借錢免啦，我係過來人，差ｄ反唔到身