喇叭線一問

lkljason

請問喇叭果邊喇叭線正負掉亂左會點樣？請問點樣至check到邊條係正邊係負呢？我條後置喇叭線係一樣色，加上喇叭線線入左管，拆開都幾麻煩，有乜簡單方法解決到呢？掉轉左又會有乜影響呢？

245141525

掉轉左有乜影響我就唔係好知?
但係正負就可以試吓咁分,首先去電子零件鋪買粒LED燈仔,駁係喇叭線o既一邊,(LED長腳一邊係正,短腳一邊係負)另一邊就用電芯駁,因為LED要用直流電,所以調轉o左正負就唔會著燈,不過要留意,如果喇叭線太長會有電壓降,一粒電芯未必夠電著燈,咁就要試吓用兩粒或者三粒駁埋試吓.
在下愚見,希望有用

lkljason

都係辦法，不過好似都幾麻煩！
anyway唔該晒你！
如果真係咁可能拆開條管從新跟過條線算了！

245141525

既然拆開,不如換新線啦!

lkljason

都係好提議，不過諗下就得，想死咩！

lkljason

http://tw.knowledge.yahoo.com/question/question?qid=1008100803006

請問最解解答咁講正確嗎？
不過好似好難聽得出喎

forumboy

請問喇叭果邊喇叭線正負掉亂左會點樣？請問點樣至check到邊條係正邊係負呢？我條後置喇叭線係一樣色，加上喇叭線線入左管，拆開都幾麻煩，有乜簡單方法解決到呢？掉轉左又會有乜影響呢？ ...
lkljason 發表於 2009-2-17 22:11

小弟可以比小小意見,市面上大部份既sp cable 2條線都有小小記認...如果唔係顏色唔同..就係一邊有字..一邊無字.....
如果真係2條線都一樣既話....其中一個方法就買個/借個"他錶"黎度番邊條線打邊條線....
呢個係一定唔會錯既方法....

叭線正負掉亂左會點樣?? 其實正負掉轉一般都唔會有大問題既.....
正負掉轉左,speaker既震膜變左相反咁震...都會有聲出...
但聽出黎會怪怪地囉......
都有機會會聽得出架.....
特別係front & centre speaker..
surr speaker 我就唔敢講.....
希望我既答案幫到你.......有錯請改正...

Roy

唔會傷耳既，除左聲之外，其他野唔會有事的，唔會燒喇叭，唔會燒 amp ，唔會傷耳

掉轉左正負插 d 聲會反左相，咩野叫反相，例如：相位岩個時，個低音震個時會彈出黎咁震，但反左相位個時就凹入去震。會有咩影響？簡單少少講，如聽人聲時，正相位時人聲係中間，但反相時人聲就唔知飛左去邊咁

但你依個情況一係就搵他錶 test 下，一係就搵個聽野有經驗既人幫你先得啦

takkie

掉轉正負

怪聲,其實係由立体聲變左Mono聲  同掉轉正負喇叺開大聲D會拆

而單聲道D聲聽落會係個頭頂出聲  好似耳筒插吳實條線但又有聲個種

lkljason

小弟可以比小小意見,市面上大部份既sp cable 2條線都有小小記認...如果唔係顏色唔同..就係一邊有字..一邊無字.....
如果真係2條線都一樣既話....其中一個方法就買個/借個"他錶"黎度番邊條線打邊條線....
呢個係一 ...
forumboy 發表於 2009-2-18 00:15

明解！
相信條線都會有分別既，不過諗住懶唔想抽部amp出黎，最主要係後置既喇叭線長度短左d，所以抽出黎時會扯住扯住比較麻煩，不過如果對聲有影響就焗住check check都無計！