76已經變成了UWants討論區"預咗比人插"

eddie1000

眼見一個本來是影音討論區,而家連電視劇集都有得吹,二手買賣區就變成某人的影碟貨賣區,一啲新手的問題,個啲答案同你去旺角問sales一樣講嚟講去都係個幾隻牌子,幾個model,完全唔知你平時鍾意聽乜,亦可以即時答到你,勁.

4pk

言論同貿易自由既地方,乜人都有

某人的影碟貨賣區<------無辦法la,有需求,就有供應,除非D貨有問題,或者設定唔同級數A/C可以控制售賣數量

sunny

UWants討論區有規模有制度好多

lego_cyris

某人賣碟區我又覺得無問題，有求就有供。我半年前識左幾位師兄，現在已幫我訂靚鐵，有無賺我錢，我唔理，但我唔駛煩，得閒交收又可以吹下水。唔駛咁認真喎，依度各師兄都好有禮貌，So Far 討論環境幾好。唔想要重複答案，可以 Search 下先，做下功課，有好野又分享下。謝謝。

av2005

呢位ching太認真 la, 太追求完美, 反另到自己唔開心, 無意務反, 不喜匆

emuho888

相比uwants哩到D ching已經好斯文至於二手區問題都係有需求就自然有供求啫

kingking1970

每個網站都有自己的強項、自己的文化，給引不同喜好的網友。我自己喜歡睇影音資訊來到 76、攝影便到 dchome、打機料去 HKCC、電腦去 HKEPC，這些全部 76 也有，或其它網站也有部份分區，這樣不等於大家都要變成 Uwants 或香港討論區。雖然我不明師兄為何要開這一個討論，但我又覺得這裡師兄們就算與你見解持相反，也不會插你，這點就是我喜歡這裡最主要的原因。

Billy

如果師兄想有多啲精闢意見，發問時或者不妨詳盡地講出自己對影音有何要求，咁樣大家會易啲溝通
否則師兄們唯有介紹一啲大路選擇俾你，穩陣一啲

阿定

其實同電影區一樣，主要討論戲集內容，有人喜歡討論，而人數越來越多，所謂先分一個區出來！

而二手版，ming sir好嚴的了，有意見唔緊要，我地會交比該版版主研究有無需要改善

而問野答野，其實問的唔詳盡，答的就當然求其了，而且好多答案都有文章參考，版主未必管到咁多，要靠網友努力幫忙！

沙煞比

唔知應該講咩....只係覺得分多D版無咩問題......
唔同人會想睇唔同野
岩咪睇...唔岩咪唔睇
有多D 選擇總比無選擇好

唔係黎76好耐
但覺得76 既優點係和諧
和諧係咩麻煩請參考天與地阿YAN 最尾一集講既野.