【實試】把心一橫 Logitech MX Master 3、MX Keys 旗艦西裝組合

上次同大家有睇過小瑟分享的 K580 雙藍牙無線鍵盤的話, 都有講過就係因為佢, 所以對新一批出的纖薄鍵盤有不少好感, 而K580小瑟就係屋企用, 咁公司呢??? 一直以來買 Mouse 同 Keyboard 都會係以 Logitech 先行, 因為的確係非常之穩定, 又好用, 而上次試完 K580之後, 就更加想入手一套纖薄系統來更新一下工作的好伙伴勒, 所以今次小瑟同大家分享的就係呢套工作西裝, MX Master 3、MX Keys勒!!

價值$1,000元的滑鼠開箱

Logitech MX Master 3 係 Logitech 之下的最旗艦 Mouse, 主要係設計比專業人士之用, 希望讓大家更有效率咁完成工作而設的。係品牌系列中最先進的一款 Mouse , MX 3 最勁一定要數呢個 MagSpeed 電磁滾輪能夠精準定位功能, 佢一秒內可以捲動 1,000 行, 仲要靜到不得了, 滾輪採用精密鋼材, 重量比一般平價 Mouse 分別都幾明顯, 一上手都感覺到分量十足, 而用起上來就知道其穩定性比小瑟用開的都幾大分別, 尤其當剪片時, 去到一D好精精確的位置時, 更見其身價。而且當大家用佢個滾輪時都非常安靜, 幾乎可以話係無聲操作, 係幾正的。不如小瑟先開一個開箱圖比大家了解一下整套 MX Master 3的全相先。

旗艦即係旗艦, 依家唔洗再入電架勒, 用USB差電就可以架勒!
BT又得, 用返USB連線都得, 方便大家可以一MOUSE用落幾個不同的DEVICE上。

開箱見真身!!
包裝內好簡單, 一條USB-C線, 一線USB KEY。

一張貼紙就知道一機多用的方法, 正!!
徹底改造滾輪MagSpeed電磁滾輪能夠精準定位, 還能在一秒鐘滾動1000行,仲靜到無聲。
提供直覺控制的合手外型。

透過應用程式自訂功能非常貼心

用得 MX Master 3 小瑟絕對建議大家去返 Logitech 裝返個應用程式, 為你用開的工具做返個個別設定, MX Master 3 可針對大家日常使用的每個應用程式自訂功能, 等大家做野時可以更順手。支援的程式都唔少的, 如 Adobe Photoshop、Adobe Premiere Pro、Final Cut Pro、Google Chrome、Safari、當然唔小得 Microsoft Word、Excel同 PowerPoint 啦。而且 MX Master 3 都支出多作業系統, 搭配 Windows、Mac作業系統使用都沒問題呢。

勁多野SET…….多到小瑟都驚攪錯, 不過可設定既野又真係好仔細呢!

 

MX Keys 好似Notebook咁識發光呢

呢部又係成千蚊的 Keyboard , MX Keys 智能鍵盤, 用上次K580一樣, 佢都係新款的纖薄雙藍牙無線鍵盤來的, 但除此之外, MX Keys 仲加入智慧照明功能, 距離感應器會自動偵測當手指接近時, 鍵盤背光燈會自己亮起, 如果大家平時會係暗黑環境下工作, 呢個功能都幾有用, 不過用電量當然就會用得比較快啦, 所以如果大家好似小瑟咁, 多數都會開燈環境之下, 就可以去返設定上關左佢妁節省用電勒。另外佢都支援 EASY-SWITCH 功能, 一個 MX Keys 最多可配對三台裝置, 只要按下 Easy-Switch 按鈕就可在已設定好的三個裝置間輕鬆切換。方便大家又有筆記簿電腦、桌上電腦或什至係iPad之類的平板電腦使用呢。

MX Keys 用上了 Ultra fluid typing快速輸入按鍵結構, 打字時又靜又爽。

一KEY三機相信都會方便到好多朋友吧!
支援 Windows 及 MAC 系統。
電池都係用 MX Master 3一樣用上USB-C差電系統。

Logitech的新Keyboard成功提到用家打字時的手感, 令薄KEY都可以用得順手。
大家只要設定好, 一按Keyboard上的轉換鍵就可以快速地由電腦轉換到手機打字。

Conclusion:「剪片, 執相, 打字分享都比平時快夾爽!!」

自從上次K580之後, 小瑟已經對薄 Keyboard 的懷疑一掃而空, 但呢SET MX 系的Keyboard + Mouse兩件加埋, 每件都要 HKD$999, 基本上都有一定的心理關口要過的, 不過當小瑟考慮時, 咁岩自己用開的 Mouse 都開始打打地柴, 而平時自己用開的 Mouse 都要3-400蚊左右一隻的, 加上小瑟每日的打字量其實都幾多的, 所以最終決定一不做, 二不休, 換走一直用開的大大粒Keyboard用 Mouse。起初套 MX返來時, 第一時間使用, 其實都有一點唔習慣, 尤其係個 Mouse 都幾重, 但係用落就覺得 Mouse 標的定位比之前用D平價 Mouse 的分別都幾大, 因為當剪片時其實有時都唔會放到個 Project 條工作列好大, 當去到一D精細位時, 好多時都會CUT唔正自己想CUT的位置, 呢一點係轉左 MX Master 3 時最明顯的, 依家想CUT既位比之前的準左好多呢. 需要MX系仲可以裝Program控制到的功能之多, 亦都另小瑟覺得都幾有心思, 好附合到用家的個人習慣需要。依家唯一驚既係, 我習慣左呢SET設定之後, 如果將來要降級應該都返唔到轉頭了!!XDDDD


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章