【實試】Logitech K580 纖薄雙藍牙無線鍵盤

早排係我地自己的新聞中心見到 Logitech 有隻多設備無線鍵盤 K580(詳情請點我)。講真絕對係比佢個樣吸引到, 之後就膽粗粗入手試下, 今日就輕輕同大家分享一下呢隻聲稱支援二組藍牙及 Logitech Unifying 無線接收器, 又易於切換裝置既Keyboard會有幾正先!!

K580機身真係好薄,仲有珍珠白和石墨灰色可選擇。

外型的確係好型仔

Logitech K580 設計絕對非常簡約,SIZE真係好細, 而且仲可以保留到數字小鍵盤, 的確係幾好, 而佢同小瑟平時用開的 Keyboard 都真係有D唔同, 鍵盤既傾斜話係按人體工學設計,可以有效減少長時間打字造成的疲勞咁話, 依家小瑟呢篇文就係用緊佢來打的, 以呢D新式 Keyboard 來講算係幾好, 平時小瑟真係好小接受到呢D咁薄的 Keyboard 的。

支援 Windows、macOS、Android、iOS 等操作系統。所以好多鍵如果真係只用 Windows 應該唔知係咩來。

 

雙平台一鍵轉換超簡單

K580支援藍牙與USB接收器雙重連線,有個獨家「Easy-Switch」技術, 可以在手機、電腦之間簡易切換。大家只要設定好, 一按Keyboard上的F11 / F12 就可以快速地由電腦轉換到手機打字, 如果大家需要一機多用, 呢個 K580 的確係幾正的。

K580用藍牙連線都非常簡單。
每次連線都會有個配對碼比大家打返, 咁就可以連接架勒。

Conclusion:「第一套薄身但幾好打的keyboard」

小瑟一直都對呢D咁薄的 Keyboard 抱有懷疑, 一來自己打左字咁多年, 都係習慣左大大粒制先打得暢快, 但呢隻 K580 竟然可以比到我幾好打的感覺, 的確難得. 不過佢既雙平台支援對我來講用途又唔係真係太大, 一來小瑟好多野都上左 Cloud, 有需要都會係返電腦打字係最就手的, 但如果用佢來比 iPad用呢? 又真係幾好喎, 尤其係要打文的話呢個 Keyboard都真係幾唔錯, 起碼都有D用電腦工作的感覺. 不過有一樣野真係好唔明, 就係唔知點解原來依家好多新的 Keyboard 都唔會再有 Cap Screen 呢個鍵, 但小瑟就成日都用呢個功能, 真係唔明點解……可能佢地都係覺得一般用家都會慢慢將 Windows 既用途減低, 轉而向 Android / iOS 去做日常工作吧!!!!

2019/10/16更新(Cap Screen功能) : 出文一日之後, 版主阿定回報返比小瑟知, 原來 Keyboard 上的『 Home+ins 』係用來做CAP SCREEN的, 特此通知返大家! 


🙋‍ ★ 想睇版友討論以上文章?? 《點我進入討論》

🏠 ★ Post76網店經已開幕 《store.post76.hk》

小瑟

關於小瑟

一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台, Post76玩樂網.

觀看所有 小瑟 的文章 - 網站

相關文章