得獎名單：Sennheiser IE 600 耳機 - 試玩平台: 任試 (第十三季)

FujiwaraMokou

IE600聼感
算係最後一個鐘頭搶住post埋評價。

少少前言:
Sennheiser 都係其中一個我初接觸印象比較有印象既品牌。初次既印象Sennheiser 係一間傳統而尖端，同有高標準既德國音響品牌。其中Sennheiser 出過其中最出名既產品係HD 600頭戴耳機，我都接觸過得比較多。不過，都係近幾年先知道Sennheiser有同樣出入耳式耳機。再一次留意距地有出入耳式已經係2022年，而正正就係今年推出既IE600吸引到我。如果HD600已經係好優秀，同命名為600既入耳式耳機應該都係一樣，甚至唔會同旗艦IE900差得遠。之前都去過其他地方想嘗試IE600，因爲都聽過評論，的確係一對好入耳。但係IE600因此都無貨過一段時間，比較難揾。
不過見到有試聽活動，都等吾到當時直接去試聽。先後去左試聽兩次。

設計同樣貌：
IE600設計都同IE系列既其他產品差距唔大。外形相對細小，同其他例如Shure, Westone等差唔多,比其他市面流行既入耳式耳機容易戴上，唔會話耳形唔得等等，隔音好充分，同戴上實際好舒適。外殼方面，見到個金屬物料比較別致，原來用上3D打印既非晶體金屬物料，睇上去都幾好睇，而且都發覺個物料好似好耐用，對於我這種使用者合適不過，實用又好睇。

聲音表現：
主要試聽都係使用USB轉尾插同ES100 Mk2。音樂檔案大致用flac (24/96),亦都用spotify。
IE600用上7mm 動圈，動圈能力真係完全唔可以睇少。

聲場方面，IE600依然有面前表演個種表現，空間感強。Sennheiser產品聲場方面真係做到最足。解析力方面，聲音非常準確，又足夠深度。
低音：
對於動圈耳機，IE600低音係好適合低音。低音有强勁既敲擊感同好有力。瞬態同下潛表現強，而控制方面係做得最好。低音唔會過分加强，以至於掩蓋其他頻率。
中音：
同樣地，IE600係這方面無得彈。細節處理基本上毫無保留。人聲方面需要特別讚IE600。感情上，聼人聲感受到一絲甜美和充分感情和張力，又可以保留解析度同細緻感，例如聼Aimer <<六等星の夜>>聼感真係不但充滿感情和空氣感，又有自然音色，可以話係好難輸，其他歌如是，例如LiSA シルシ 可以充分呈現動態。話聼其他，例如J-rock，亦有充分滂湃感。樂器段仍然係無任何需要挑剔既地方，輸出效果好自然，上述歌曲伴奏好清晰。
高音：
IE600高音方面好充分，能夠覺得高音好舒服同加强空氣感同真實性。
結語：
IE600 其實可能比起 IE900比較適合我。價格相對地親民同高CP值已經不在話下。其次，IE600聼人聲比起900係比較出色，而我係主要聼人聲居多。加上，動圈表現真係市面純動圈高端。整體來講，IE600係一個值得推介既耳機。

issachar

首先多謝 POST76 同 Sennheiser 舉辦呢次試玩活動, 上次試玩 IE 900 之後, 實在對 IE 600 呢對定價 $5499 既 IEM 非常有興趣, 唔知佢表現同 IE 900 分別0係邊呢?

先黎簡單既開箱, IE 600 跟黎已經有耳膠同耳綿, 收納盒, 3.5mm 同埋 4.4mm 線, 配件齊全.



呢次試聽既係 Cayin N8ii, 設定為 Mid Gain, Balance Output, 電子管行 Class AB 同埋 Power+ mode, 因為我鍾意低音, 所以 IE 600 配左耳綿, 亦有助隔音.



首先試左許美靜既傾城, 一開始鋼琴聲十分清脆, 空間感足夠. 女聲十分討好同 forward, 同樂器分離度充足.

既然鋼琴配女聲咁好聽, 我再搵多首梁一貞既想念黎聽下... 呢隻歌可能比較少人認識... 以鋼琴為主既音樂, 配上梁一貞充滿感情既唱功, 呢隻歌用黎試音樂感我覺得非常合用.
IE 600 完全表現到梁一貞唱出既感情, 其中細節包括呼吸同換氣都得好清楚, 聽到出錄音既時候, 佢係幾埋咪的....

聽完兩首女聲, 轉轉口味, 聽下比較粗爌既迪克牛仔, 揀左有多少愛可以重來, 同埋愛如潮水呢兩首我勁鍾意既歌... 呢兩首比較多結他聲既歌, 正好用黎試下 IE 600 0係弦樂既表現...
無論係結他聲, 定係弦既震動, 0係 IE 600 表演出黎我覺得真係可以去到旗艦級.... 而男聲既喉音亦聽得清楚. 我覺得聽歌既時候, 聽到呢 d 細聲係一件幾享受既事.

最後試既係我試聽一定會聽既鄭中基既玩左先至訓 CD, 如果試低頻鼓, 我會揀時間人物地點呢隻歌, IE 600 0係低頻表現同 IE 900 都幾相似, 唔會有好深潛既低音, 係偏音樂感重同著重 detail 既低音, 我覺得呢個係佢地刻意既調音黎. 就算係我呢個 bass head 都覺得 IE 600 既 bass 係討好既.

講完聽感, 講埋配戴既舒適度, 呢次因為我拎得遲既關係, 所以有時我係訓覺前都0係床聽, 玩咁多 IEM, IE 600 係唯一一對可以戴住訓覺既耳機黎, 舒適度係滿分!

結語: 原來距離上次 IE 900 試玩活動已經一年有多! 雖然隔左一段時間, 但 IE 900 我依然十分難忘呢!! 如果有 budget 的話, IE 900 係必然之選, 但係 IE 600 我亦不能話係次選, 祗係及不上佢既旗盤 IE 900...

chrislaw328

好高興俾76post抽到參加今次試玩IE600嘅活動，可以拎隻耳機返屋企慢慢試，唔洗係鋪頭逼住試得一兩首歌就唔多好意思咁，仲可以不斷測試下佢係唔同DAP下嘅表現，真心感謝76post

測試設定DAP包括Fiio M17, SP2000cu, Sony金磚一代(過1000小時run in), 仲用過Fiio BTR7作藍芽測試，所有測試一律用4.4mm balance output, 3.5mm冇試過

首先，本人覺得聽感係好個人嘅一件事，亦唔識點去形容啲高中低音有幾勁幾甜幾深，始終音響係用嚟聽而唔係用嚟睇，人地寫到幾勁都好，自己聽唔覺得好聽嘅話都係冇用，反而好驚睇到啲人寫到某隻耳機幾咁無敵，但過一排又拎第二隻話點好聲過之前個一隻，真係會睇到個人好尷尬，亦唔覺得睇完會有咩得著。所以我都唔諗住亂講亂比較，以下只係簡單講講我對隻耳機嘅個人評價，盡量唔多作比較其他耳機(尤其是其他品牌耳機) ，希望可以幫到準備入手or掙扎緊入唔入手嘅燒友

聽感
試聽左隻耳機兩個星期，最大嘅感受係，隻耳機非常雜食，令我諗起sennheiser以前隻IE80，係高清version嘅IE80，好適合聽流行曲，Band sound，小編制嘅樂曲，可以令人好舒服咁聽住隻耳機成日都唔會覺得攰，呢個係現今高清掛帥，乜都講去得夠盡，高要高到刺耳，低一低到打成心口嘅年代，呢隻令人聽得咁舒服嘅耳機反而好難得，高音唔會令你覺得有毛刺感，低音偏重但唔會因為咁而只係得低音冇晒啲細節，中低係IE600嘅亮點，聽男聲同偏厚實嘅歐美台女聲都非常有feel, 但如果偏好日韓偏高清女聲嘅朋友應該就覺得佢冇IE900咁好聽，IE600調音係比較偏向音樂感，同IE900偏高分析力要聽清楚background啲樂器聲嘅調音方向唔同，所以聽pop會比聽古典更適合

至於夾機方便就更雜食，Fiio M17, BTR7, SP2000cu, Sony舊金磚，全都夾。由於隻耳機非常易推，亦冇好重大調音嘅偏向，所以不論係清水feel嘅M17定係厚暖嘅舊金磚，我都覺得係好好聽，可以聽住成日唔除。
個人唔太鍾意話啲耳機夾邊部DAP可以推到幾多成實力之類，需知推力可以有高低，但大力推到又點？結果都係應該focus返係好唔好聽方面，而唔係推得有幾好，IE600就係俾到我感覺係易夾機，夾唔同嘅機都令我覺得係好聽，令我有唔想除低嘅感覺

配帶感
耳機好細隻同好輕，帶上耳非常貼耳，但隔音一般，始終都係動圈耳機，做到個份自然嘅音色好自然就做唔到太隔音。但真係做到帶住成日都唔會覺得攰或耳仔痛，畢竟作為一對earphone, 如果帶上耳一陣就因為配帶感差而要除低，咁再好聲都係失敗嘅產品(m… 我唔係講緊Sxxy隻Zxx呀吓)，所以係配帶感方面就我個人而言真係想俾滿分

配件
耳機線已跟3.5mm及4.4mm，個人覺得唔需要揾其他升級線，原線已經非常夾，而且個mmcx插座都唔係你想換就換到線，真係要換嘅話conX幫到你。跟機耳膠有調音，會令低音比較凝聚，想要中高清返啲低音少返啲嘅可以換粒耳膠，但如果想聽返sennheiser想俾你聽嘅調音嘅話，請用原裝線及原裝耳膠，已經係一個非常好嘅平衡，其他brand唔肯定，但sennheiser就一定唔係個啲想你換線換耳膠嘅brand，我諗如果唔係因為市場壓力太大，佢應該真係會啤死條線唔俾人換，怕你換完啲聲唔係佢想你聽到嘅聲，印象中sennheiser調音師都仲係有份堅持，堅持佢俾你聽嘅聲一定好過你自己搞個隻聲，鍾意簡單嘅朋友應該會好鍾意
當然啦，耳膠真係唔fit嘅話都係焗換，唔岩帶漏晒聲都係唔會好聲嘅 (粒L size耳膠係薄到完全唔隔音，我都係焗住用M膠帶入啲算，下次希望廠方做返厚dd丫唔該)

總結
個人早年都係曾經比較鍾意追求啲極致(端？) 嘅聲音，聽高音女聲鍾意初代仙女，聽低音鍾意Empire ear低音炮，追多鐵，圈鐵，靜電呢啲新奇嘢，反而簡簡單單一動圈真係一向都有啲無視，覺得係啲舊嘢，過時…
但玩耐左之後，發覺其實啲聲音愈極端，自己聽嘅時間就愈短，因為會聽到攰，係好刺激嘅，但坐跑車都唔可以坐成日啦 (試過聽仙女聽晒成隻女高音cd嘅朋友應該會知我講咩… 真係會想除低佢休息返幾個鐘)，單動圈個種自然，如果調音要做得好同好聽，其實真係唔會易得過hybrid耳機。到近年自己入手嘅耳機都係動圈為主，手上已有IE900, TZ700, FW10000同1750cu, 但我都仲會考慮入手埋IE600, 因為佢真係雜食又易夾機，如果要出街只係拎一隻耳機同一部DAP，我諗我好大機會拎IE600加是但一部DAP，因為佢好聽又易夾機，仲可以聽足成日，唔洗諗聽咩歌就邊隻耳機夾邊部機，可以輕鬆享受音樂

ckss

琴日終於喺相熟耳機店試聽ie600, 出乎意料地比起想像中更加符合口味，三頻均衡之餘亦有適當的空間感，雖然未至於有老大哥ie900 遼闊的聲場，但反而更適合流行曲。

小瑟

大家好呀, 幾位取左耳機的版友, 請留意一下出分享的截止時間呀!!


A)76版友"返歸玩"詳情

响呢個帖下方講出你哋點解想試，我地就會係呢個帖上找出 5位版友, 分別借出Sennheiser IE 600比大家返去玩2個星期，之後當然就係我地呢個帖同大家分享返玩左之後的感覺～

截止分享時間：10月30日23:59

chrislaw328

鄭浩鋒@FB 發表於 2022-10-28 10:51
各位我係之前IE300同IE900回家試參加者,我想探討一下呢款原裝膠問題,我之前試果陣發現呢款原裝膠過份軟令到 ...

佢隻L size 耳膠太軟, 用唔到架, 我用M size帶入少少還可以
想fit就要轉其他耳膠,但就會有少少唔同左聲, 因為佢粒膠有DD調音的

鄭浩鋒@FB

各位我係之前IE300同IE900回家試參加者,我想探討一下呢款原裝膠問題,我之前試果陣發現呢款原裝膠過份軟令到頂唔晒耳道,就算尺碼正確都會漏聲,大家有冇咁o既問題

tommy1976

tommy1976 發表於 2022-10-24 16:35
已取機，留位分享。

非常高興收到Post76通知抽中<Sennheiser IE600耳機任試計劃>。一開箱見到IE600耳機好有份量，非常實淨。小弟之前用的都是２千多元的入耳式耳機 Sony XBA-H3，當年都是耳機中的高級型號，不過都是想當年了。
今次開箱見到IE600時就知道現在發燒耳機的造工已經提升到另一個層次呢。


金屬表面外型工業風，廠方說明用上非晶態金屬外殼，德國 3D 列印製造。再選用7mm TrueResponse單元，聽說是廠方失真最低的耳機單元。所以就算只是使用手指解碼都可得出清澈的音色。
配件方面有三對不同呎寸耳膠，三對不同呎寸耳棉，1條3.5mm耳機線，1條4.4mm耳機線。1個保護盒，1個線夾。
配件非常齊全，將來升級非常有用。唯一不好就是一定要保留耳機盒。


小弟用iPhone配FENDER A1來聽衛蘭<呼吸之間>黎試呢對Sennheiser IE600耳機，
人聲很清澈，連呼吸聲都清楚聽見，低音會感覺到耳膜有震動，完全聽不到外來環境燥音，隔音力超強。
平日聽歌可能要開到80-90%音量先夠, 用左Sennheiser IE600耳機音量調到60%就已經足夠。
而且音色的細節比之前的耳機有非常明顯的進步，好多細微的聲音都聽得比以前多。

完全緊貼耳型設計，耳機線可以按照自己耳型改變弧度，令到耳機更緊貼耳朵不輕易掉落。
（老人家不出鏡，找來細侄女來幫手影耳機，希望可以勝出今次活動，讓我可繼續聽到這樣的好聲音啦。）

tommy1976

RainChan 發表於 2022-10-20 12:25
用左成三年既 K-Array Duetto 耳機最緊爆曬綫... 一直都想揾對 size 相若既耳機做 replacement... 之前咁岩 ...

已取機，留位分享。

Dd223456dd

小瑟 發表於 2022-10-18 21:33
師兄, 你都新的, 如果有興趣借返去玩, 時間上會小DD的, 玩10日左右你OK嗎??
仲有D條件需要了解, 我PM你你 ...

唔好意思，遲咗少少，覆咗你pm la