JMR Voce Grande

toms110

因為堅持要白色，唯有等待多接近三個月，星期五朝終於可以同老麥嚟一個美法聚會

今年年頭開始想將KEF R3升級為其他更高級喇叭，去配合金仔E480玩串流播放Tidal，喺物色過程中試咗7至8對，期間各有高低(包括價錢)，有試啱晒但無貨，有臨時加價，有轉代理，有停產等等。喺試嘅過程中，又試吓其他牌子嘅前後級同合併機，最後竟然係過咗檔去老麥

到五月份終於試啱心儀嘅牌子同型號，而銀色亦有現貨，知佢有出白色，但要等多兩個月以上，不過我係白色死忠，唯有照等

到早兩日收到代理電話，話對喇叭啱啱落咗機，不過佢哋去提貨之前收到通知俾海關抽咗開箱，佢哋會先詳細檢查一次，無問題再盡快送貨俾我，其實果下個心都涼咗一截，因為聽過之前有師兄經驗係俾海關開咗箱之後，件貨都會俾佢地搞到污糟哂，同埋箱內嘅保護會包得好求其，仲有機會傷到件貨物

到琴日再收到代理電話，話check過一切無問題，會安排即刻送過嚟俾我，當然我試到有問題佢哋都會積極跟進

到琴日開箱擺位嗰陣先發覺原來自己預留嘅空間爭啲啲，所以又要花咗超過一日時間縮咗一個音響櫃同再擺位，啱啱叫做搞好咗，真係慘過死, 晚飯後終於進入煲煉狀態，我諗100小時內應該開到正常聲，再400小時後就會發揮到佢應有質素

toms110

一休大師 發表於 2021-7-11 00:50
幾有型喎！stand同 喇叭一體化？

開咗聲未呀？ 正唔正呀？

大師你好，開聲聽咗兩個鐘，啲聲比較緊，低音完全潛唔到，真係有排煲，但個定位非常好，無toe-in，就咁擺出嚟無特別執，前場已經有結像
係呀，佢係特別設計同腳架一體化，利用埋腳架嗰條粗柱嘅容量去營造坐地喇叭嘅氣勢，我親身上過銀聲聽咗兩個鐘，真係幾鍾意，所以乖乖俾錢

toms110

wanggogh 發表於 2021-7-13 17:06
恭喜！恭喜！白色好靚呀!
我都用緊對深灰色.
經驗分享:

師兄你好，Voce Grande原來都叫做多人用
我聆聽空間好細，所以同喇叭距離好少，遲啲一定要toe，但因為暫時煲煉狀態中，等佢一切進入狀態我再做toe-in嘅動作去慢慢試
另外，地盒一定會入，而家正物色緊主動式地盒，到時就會服侍呢兩隻喇叭同埋串流、合併等等

toms110

kingyan 發表於 2021-7-13 21:20
主動式地盒不可接SPK呀, 不要亂試

係？有啲咁嘅事？睇嚟我真係要做啲功課，個地盒好彩未入手

toms110

Fei81827 發表於 2021-7-13 21:34
希望Ching可以分享多d試喇叭同擴音機ge經驗。
我諗你都試齊曬一般打工仔ge夢想書架喇叭，
我哩d新手想試下 ...

師兄言重了，我試喇叭好主觀，去試幾個唔同牌子嘅喇叭，佢背後配合嘅線材同器材基本係完全唔一樣，你只能聽到喇叭嘅大約個性，從而收窄選購嘅範圍
印象中，試過嘅喇叭牌子有B&W、Focal、TAD、KEF、YG、JMR

toms110

Fei81827 發表於 2021-7-14 07:13
揾到相喇，如果地面唔平要點較呢?

其實之前我都有呢個疑問，因為地板一定冇一個位係絕對平坦，調校平水係必然，但到手後發覺佢特製嘅膠墊係會有少少彈性，可以平衡返地板不太平嘅情況，不過佢主要嘅作用係調聲，代理強烈建議不能拆走，如果真係有需要，我都會加喇叭專用嘅平水板去輔助

toms110

wanggogh 發表於 2021-7-14 09:36
Voce Grande接地用意是將包著分音電阻的銅管接地屏蔽. 原廠建議將之接到擴音機的地位.
至於接主動式/被動 ...

喺預約試聽之前專登上網搵JMR嘅資料，其實關於呢對喇叭嘅資訊真係唔太多，係要實質試聽咗先至知係咪自己鍾意。到早幾日再上網，發覺資料多咗好多，台灣嗰邊原來都有好多買家，佢哋亦都有同代理溝通過，分享咗好多代理對呢對喇叭嘅提醒同建議，例如MDF聲箱板特意配金屬外殼，設計喺前面嘅低音延續孔可以令喇叭貼牆縮少至最少40 cm，為分音排走靜電而設嘅地線，令喇叭有少少搖搖欲墜嘅4粒膠墊設計等等

toms110

Fei81827 發表於 2021-7-14 19:27
我都睇左台灣d資料，ching你果對係新版令面定初版霧面呢?睇相我分唔到

冇分新舊版本，唔同顏色會係唔同嘅光啞面，黑、藍係光面，銀灰同珍珠白係有少少霧面

toms110

keke323 發表於 2021-7-15 00:03
嘩.....靚仔到呢
我對喇叭煲左差唔多有 100 個鐘而家先開始正常
有排你捱呀  ...

師兄你啲B&W陣容夠引死人啦
係呀，煲喇叭其實係最難忍耐嘅音響過程之一，無得快無得急，一定要用一定時間先煲出真味道

toms110

Fei81827 發表於 2021-7-14 19:31
再加水平板會唔會升高太多呢

見到坊間啲板連釘腳，普普通通大約40mm左右高，影響不大