|
|
呢個 post 應該係我參加活動以黎最難寫既一個!
報名既時候覺得呢個活動同一向 POST76 既分享會差不多, 直至我坐上皇帝位, 音樂傳黎耳邊既時候, 我係完全冇諗過此行會有咁不一樣既體驗.
入到八爺既發燒房, 我第一個感覺就同佢掛0係牆上面既字一樣 - 簡單.
而八爺比我既感覺, 都係簡單... 但係呢種簡單, 並不是一般既簡單...
學國仁兄講, 應該係叫從容同淡定...
我嘗試打個比喻.. 就好似一個體操運動員打個幾個筋斗咁, 清脆利落... 看似十分簡單... 但如何將個動作發揮得淋漓盡致, 從容不迫? 背後完全係運動員既努力同時間.
八爺對玩 HiFi 既見解, 以至佢如何設置房間, 甚至喇叭既擺法, 實在令我大開眼界, 甚至顛覆左一 D 大家一直以黎玩 HiFI 既理論.
詳細大家一定要睇片! 如果條片叫我比個 title, 我會叫 "五千元樓下 Diamond 12.2 發揮極限旗艦座地喇叭級潛能"
我記得一句我好耐之前聽過既說話: 一套好既音響會令你忘記器材既存在.
我今日終於親身體驗到呢句說話.
0係今日 4 個多小時入面, 大家對器材既討論不多, 絕大部份時間都係沉醉於八爺帶比我地既音樂.
無論係 Pop, Classical, Jazz, Blue, 不同既音樂, 不同既樂器, 快歌慢歌... 0係呢個空間入面都有極出色既表現.
八爺話佢比較鍾意中性既器材, 因為中性既器材可以將音樂既本來演譯返出黎.
全日令我印象最深刻, 係活動後既加時章節.
八爺話拍攝時既強光對聽感會有所折扣, 當佢將燈光調暗既時候, 果然聆聽空間變得更寧靜.
尾二所播 Gary Moore 既 Picture of the Moon, 最後一節結他演奏將會成日我以後試機既指標.
真係十分感謝八爺, POST76 同東哥, POST76, 東哥同八爺, 仲有東哥, 八爺同 POST76 (大佬真係唔知應該點樣排, 仲有呀 Paul, Andy 同 Steven) 安排呢次活動... 作為一個喜歡音樂既 HiFi BB 班版友, 今日體會到玩 HiFi 除左器材, 仲真係要心機去玩... |
評分
-
查看全部評分
|
[複製鏈接]
一名永遠的入門玩家, 對電影, 音樂, 影音等玩意永遠雀躍, 其後為了可以將這個毒海無涯信念推展開去, 故建立了這個毒人唔洗本的影音娛樂資訊平台
發表於 2021-3-26 13:22
，現在情況尚可，我地又想想點樣可以有啲野 keep 住玩下。話說，早前同東哥拜年時提及一位低調嘅 " Hi End 隱世高人"，有佢出手指導下，幾難擺嘅喇叭、幾難搞嘅環境狀況，都可以變成一個理想聆聽空間
。呢次我地就係科林上，招募左二位版友，同小瑟一起上到去「八爺」發燒樂園。睇下「八爺」點樣用 Diamond 12.2 的蔗渣價錢，玩出燒鵝的味道！順道當然就係去學野啦！
家訪圖文片 : 
發表於 2021-3-26 14:39
樓主
