《Terminator Dark Fate 未來戰士: 黑暗命運》簡單影評

gashapon

小弟一直都是未來戰士的fans, 記得當年是睇T2先, 之後才睇返T1. 老實說情意結之下, 都真係好難有另一套電影會比佢地好. 我自己講真對於其他後作都是ok的, 當是"外傳"又好, "平行世界故事"又好, 總之有續集就會睇. (當然我對Terminator Genisys感覺是麻麻, 主要是故事情節太唔合理).

我睇完今集的感覺都是好的, 是享受的. 有少少似見返老朋友的感覺. 故事上其實頭5分鐘是嚇了我一跳的, 但一路睇到離場再細心想, 又覺得合理(留待下個post才劇透), 雖說是"dark fate", 不過正如T2的sarah說"there is no fate but what we made", 代表未來始終是有希望的, 最重要是當事人的想法 (可以等死, 也可以反抗). 當然在劇情上都有少少bug, 同埋rev-9有幾個"叉燒" (chance) 但又無殺死佢目標等.

整體來說, 我認為是sarah故事的一個完結, 但也是新系列的一個開始, 如果要俾分我會俾75~80分.

正宗球迷

mike384 發表於 2019-11-8 15:30
我意思係, BUDGET係一個主要考慮元素啦(對某D導演可能唔大問題), 當然, 情懷亦是, 很難否定有OLD SCHOOL ...

marvel個森姆積遜係幾勁.

用不老阿諾,咁就預後幾集都有呢個人物出現,始終佢係吸金注碼

mike384

正宗球迷 發表於 2019-11-7 19:36
你意思係如果有錢,就做番全套係後生樣州長?? 機械人應該不會老?

我睇T5個時見番T1州長, 我以為係拎舊片 ...

我意思係, BUDGET係一個主要考慮元素啦(對某D導演可能唔大問題), 當然, 情懷亦是, 很難否定有OLD SCHOOL唔喜歡CG人....
最近MARVEL都周不時出現CG回春術, 效果唔錯呀, 最近睇了雙子任務, 個CLONE SMITH也很利害, 所以技術上係應該冇大問題.

正宗球迷

gashapon 發表於 2019-11-6 14:36
如我上面說其實第一下我都覺得難接受, 因為好似搞咁多野原來john死唔死都無咩所謂. 不過同朋友討論了成30 ...

可能係包埋非占士版既3-5. 令觀眾特別T迷認定john係一個好重要人物. 搞左咁多集去到回頭第3集先話佢死左冇所謂, 而頭段CG就係想搞掂john而製作咁.

講真睇番占士系列, T2去T6, skip左唔係占士既作品, 都係唔理解咁突然解除john既重要性, 似係因為現有演員年紀問題, 做個交接, 只係個過程唔順.

好似話今集個票房唔多掂, 如果係咁就唔駛望有T7了.

正宗球迷

mike384 發表於 2019-11-5 16:32
關於阿諾會外表會老化的解釋, 其實幾合理都好, 都好難叫人唔去諗係BUDGET的問題, 這是T5很令我討厭的一點(T ...

你意思係如果有錢,就做番全套係後生樣州長?? 機械人應該不會老?

我睇T5個時見番T1州長, 我以為係拎舊片修復黎整出黎.

mike384

gashapon 發表於 2019-11-7 14:09
其實漫畫都講最終skynet輸了, 同埋電影都講其實skynet輸了, 但"死前" 送了T-800回去殺sarah (可能就算成 ...

SKYNET係1984年諗出來, 當時INTERNET都仲係試驗中, 未出街,  更加未有雲端呢個TERMS.
如果講到雲端人工智能, 就要提JOHNNY DEEP的Transcendence, 去到後面已經可以多媒體, 雨水都得, 已經冇孔不入了.
另一個較有印象的, 就係CHAPPIE, 佢利用PS4(正確來說是把多台PS4組裝成的系統)把自己或人地的意識去UPLOAD去第度, 再轉移.

gashapon

mike384 發表於 2019-11-7 13:35
到過去的人都返唔到未來,
係唔會即時返到...只要不死或條屍仲係度, 米會等到個一日.XD
至於SKYNET點解會 ...

其實漫畫都講最終skynet輸了, 同埋電影都講其實skynet輸了, 但"死前" 送了T-800回去殺sarah (可能就算成功都會是另一平行宇宙吧) 另外當年科技水平無現在咁高. 以前真係有個"data cetre"咁建築物係skynet, 但現時根本可以無一個指定的地方, 有wifi隨時可以走人, 甚至手機都可以. 所以我都覺得依家的skynet未必會輸.

mike384

gashapon 發表於 2019-11-7 10:33
占士金馬倫好似講過佢時空穿梭的理論, 總知點到過去的人都返唔到未來, 同埋就算改變了未來, 佢地(T-800,  ...

到過去的人都返唔到未來,
係唔會即時返到...只要不死或條屍仲係度, 米會等到個一日.XD
至於SKYNET點解會輸? 好簡單, 因為係人類拍畀人類睇的, 就算輸呢集, 下集都會贏返.
如果真有SKYNET, 以後佢一定會拍返一套講自己贏的.

gashapon

mike384 發表於 2019-11-7 09:51
性格改變(或決定)命運, 我是很BUY的.
人人也有軟弱的時候, 在戰爭時, 只需一瞬間的軟弱, 就夠攞命了.
SKY ...

占士金馬倫好似講過佢時空穿梭的理論, 總知點到過去的人都返唔到未來, 同埋就算改變了未來, 佢地(T-800, T-100, Kyle) 同會記得"以前"(即未來)發生過的事, 唔會更新了個記憶.

我好多年前已經同朋友討論過skynet點解點都會輸, 不過由於太長篇所以呢度唔講了. 但結論係skynet係超級電腦都計唔掂time travel的數, 證明time travel真的好複雜 XD

mike384

gashapon 發表於 2019-11-6 14:36
如我上面說其實第一下我都覺得難接受, 因為好似搞咁多野原來john死唔死都無咩所謂. 不過同朋友討論了成30 ...

性格改變(或決定)命運, 我是很BUY的.
人人也有軟弱的時候, 在戰爭時, 只需一瞬間的軟弱, 就夠攞命了.
SKYNET發明了時光機後, 真係隨時都係打緊仗咁, 好攰架.
至於時光機嘛, 到目前為止連理論上都仲有唔少分歧, 攞黎扭橋當然OK, 但好似T5咁用黎用去, 結果就好亂下.
拿, 月光寶盒, EDGE OF TOMORROW, 或DR STRANGE 呢D,  當成一種REBOOT工具時又係另一種玩法啦.