膽前石後： Audio Experience Symphonies Plus-DX 6x4版電容升級篇

FelixTheCat · 發表於 2016-11-18 09:25

如果想睇到更多76師兄嘅分享，快啲登入成為會員啦！

您需要登入收看或下載更多內容。還未成為會員？成為會員

x

之前DX開箱文：
post76.hk/thread-225124-1-1.html

由一開始，部機有一丁點好輕微嘅機械＂牛震＂聲（但記得收貨時無），雖然唔影響聽歌，但心裡面一直有條剌。正好近排天氣轉涼，好啦，跟Nelson哥約個時間，一於攞部機去佢度check下

一個星期六的下午，攞部機過去。。。我頂！插電之後水靜河飛，乜嘢＂牛震＂聲都無。。。之後跟Nelson哥研究如何捉鬼云云（結果發現是家裡其中一部NB嘅火牛導至）

百無聊賴，剛好有兩個客喺度試嘢，又幾好傾，跟住我話我想試喱D，佢地話想試嗰D，結果就喱D嗰D一齊試，非常愉快的一個下午。大兜亂試機得出嗰結果好簡單：一分錢一分貨

臨走時口痕問一句：其實我有無得唔換機但又可以upgrade？Nelson哥話要諗諗，過幾日覆我。之後收到PM，換4粒MCap 金銀油，2粒MIT RTX。價錢雖然唔平，但我手上有太多12A?7，短時間內唔會換機。想了幾天，好啦，幾大就幾大，燒賣就燒賣，一於去馬。這當然也信得過Nelson哥：He Knows What He’s Doing！

再攞部機過去，upgrade大概一星期，期間叫Nelson哥不停煲，因為一向最怕換嘢等開聲。攞機一刻，打開看看，嘩了一聲，4粒MCap無咩特別，但2粒MIT春咁大粒，份份鍾大過我嗰粒

返屋企開聲，簡直plug-n-play：三頻和聲底大概和之前一樣，就低頻多了DD但同時又韌番DD。什麼線呀，釘墊呀，擺位全部可以照舊！雖然未完全開聲，到現在改善如下：
1. 可能是金銀油的關係，音色圓潤咗，但完全唔會覺得軟和冧嗰類，非常舒服！
2. 增強咗密度，通透度和空間感。試用例子形容，就是一D遠一些嘅伴奏，現在感覺存在感強烈好多和餘韻多一D，但又不是大細聲和S/N感提高嗰類。

但。。。有一個問題馬上出現。。。老婆喺樓下叫我，我竟然當咗係現場觀眾嘅聲，太投入了，有危險

非常滿意！！！

外傳：這次upgrade最窩心的，是多加了一些支架和套。。。記得一年前我呢個鄉下仔看到搭棚工藝，成日話＂驚D電容跌落嚟short咗＂。。。這次加了支架固定電容，附近加多了一些套，為乜？Nelson哥一句：＂我記得你話怕D電容跌落嚟，咪等你用得安心D囉！＂非常感動！！！呢D場口，一男一女一定係啜啜收場。。。

Nelson呢D真係攞個心出嚟做實事嘅人，絕對扺讚