殺破狼 .... J J 小評 (含內容)

lkljason

唔好怪我而家至睇呢套戲，因為都係多得無記近期呢兩套劇老細都無乜興趣，所以至能夠抽空清o下d舊戲，言歸正傳我地去片。

呢套戲我會歸落去男人既電影，咩意思？即係成套戲無乜女角，就算有都係d可有可無既角式，表表者有杜sir 既槍火都係類似我所講係男人既電影類型，呢套戲拍攝手法我個人幾鐘意，而打鬥設計波子丹係有一手，尤其是同吳京打果場，快而狠果隻，而同洪金寶果場就有d摔交既動作，感覺上無咁千篇一律，吳京出場果下真係幾有氣勢，抵讚！但文戲就真係略為遜色，故事結尾個人覺有d草草收場既感覺，唔明點解最後要安排波子丹跌落街死，仲要死得咁無謂，乜死得人多代表好睇咩？

總結：因為睇dvd關係，所以睇過其他朋友既影評話 bluray 音效好勁我試唔到，但用dd5.1既效果已經令到我要盡量要將音量收細，一陣擾到民就唔好啦！而對我黎講呢d戲睇一次就夠，所以都唔預算買bluray翻睇，總意打鬥片既朋友應該會睇得幾肉緊！

溫馨提示：呢套戲係三級片黎架！不過段估都無乜人會同小朋友睇呢套戲掛！^^

hkbeachboys

我都幾鍾意呢套戲，尤其同吳京打果場，兩個字: 快 + 狠

jacklouwy

其實, 除左打鬥之外, 呢套戲都不乏好多好戲之人, 智叔, 華哥, 重有好少拍電影既 danny summer.
佢地既角色, 戲份, 都為電影帶來其他原素, 令打鬥場面合理化.... (如果唔係, 好似住後的 奪帥, 都係走 殺破狼 既路線...但係就明顯欠缺一 d 野)

另一套小弟十分喜愛既男人電影係 "放逐" !!!

jacklouwy

我都幾鍾意呢套戲，尤其同吳京打果場，兩個字: 快 + 狠
hkbeachboys 發表於 2010-11-11 11:33

    係呀....唔知重有無戲會揾佢兩個合作呢........

hohodog900

唔好話我馬後炮，當年睇完已經預言話子丹喺呢期嘅動作巨星

milo

my favorite movie for donnie yen, very intense !!

adamkong

我就覺得唔好睇

tennishk

回復 1# lkljason

你唔想見到甄子丹死就睇埋另一個結局啦，死唔去架。
這套戲我都覺得幾好睇，DVD同BLU-RAY我都買過，如果你有DVD就唔駛買BLU-RAY啦，慳返好過，因為又係一隻搵笨實既高清碟，應該咁講，如果部DVD機有升頻既話，畫面質數同一隻唔靚既殺破狼BLU-RAY碟唔會差太遠！

另我鐘意這套戲既原因同葉問2一樣，就係有大哥大演出。

lkljason

回復  lkljason

你唔想見到甄子丹死就睇埋另一個結局啦，死唔去架。
這套戲我都覺得幾好睇，DVD同BLU-RAY ...
tennishk 發表於 2010-11-16 23:22

咁得閒要睇埋另外個結局至得