VANQUISH demo玩後感(9.25 美/歐服DEMO第二彈日子確定)

kefana

回復 30# @肥狗仔@


    C HING 得左.


唔該晒.

thanks

@肥狗仔@

回復  @肥狗仔@


    C HING 得左.


唔該晒.

thanks
kefana 發表於 2010-9-5 22:00

    得左就ok啦~enjoy^^

liljon852

玩過demo後, 非常吸引我~! 好心急啊

@肥狗仔@

DEMO第二彈已經登陸日服PSN/XBL了~大家一定要試下啊~岩岩試完PS3版DEMO~378mb~先前以為今次DEMO係正章其中一關，但玩落先知原來係一個「挑戰模式」(如同biohazard嘅傭兵模式﹑GEOW嘅持久戰)

DEMO系統操作畫面等問題一樓有提及，所以呢家講講今次嘅Challenge Mode。DEMO中玩家需要迎擊數波敵人。場地內亦附有同伴兵仔(但今次救人冇野執)同眾多武器選擇，部份武器更首次出現。流程當中有唔少敵人係十分難搞，有黃色強化雜兵，又有搭上兩名紅色雜兵嘅雙足型武裝座騎，更加有遠距離射擊光放飛彈﹑中距離噴火﹑近距離扑人嘅新型機器人。而且經常有包抄之勢，要贏就要搵出速殺敵人之法，例如第一round掉兩三個手榴彈基本可以清場，第二round用火箭炮等等....十分考玩家嘅技巧。而且挑戰模式冇難度選擇，所以唔會出現CASUAL AUTO簡單模式，令到遊戲難度極高。本人玩左一陣都仲係衝唔倒出第5round，各位C hing要加油啊~

P.S~下載DEMO第二彈前請確定已下載DEMO第一彈~

@肥狗仔@

岩岩過哂5 round~最後果一round開頭唔識打~成日死~之後捉到路~逐隻殺死。總共用左13分成鐘過哂5round~真係辛苦~但遊戲嘅挑戰性好大，耐玩性應該唔會有問題。

@肥狗仔@

頭先又玩左一陣~用左9分鐘07秒過版~算係個人新記錄了~以下為一D tips

ROUND 1
一開始玩家出現嘅地方嘅東北方的一角，會出現一大班紅色雜兵格奧爾基。只要走前d，然後用一個手榴彈就可以清一批，總共三批，用哂三粒手榴彈就可以了。所有雜兵清哂後可以去隔離補給返三粒手榴彈。

ROUND 2
ROUND 2打法自由，場上三處會分別出現一隻羅曼諾夫，其中一隻為DEMO第一彈時出現過嘅羅曼諾夫N型，而另外兩隻則為配備雙火神及追蹤彈嘅新型機種。ROUND 1雜兵出現一角附近會出現羅曼諾夫N型，可以對住其弱點背部紅核心開火，可用shotgun或者衝鋒槍嘅近身攻擊黎打佢，其中由於近身攻擊會引羅曼諾夫N型抓住玩家，會出現QTE，此時就算玩家掙扎踢開羅曼諾夫N型都唔會扣ARS能源，所以可以善用此技巧。而另外兩隻配有火神嘅重型羅曼諾夫，打法都係差唔多。如果唔用火箭炮的話，個人喜歡先用shotgun向其開一槍有硬直效果。然後開Boost然後一路衝一路開AR模式，用shotgun再開一槍，然後再以近身攻擊一踢，再開AR模式用重型機槍向其開火，好快可以做低佢。有一個特別嘅打法就係此等武裝羅曼諾夫遠距離除左出激光同兩粒追蹤彈之外，有時會放出一粒外型極大及追蹤時間極長威力極高嘅飛彈，此時，如果玩家把握到係飛彈剛剛由羅曼諾夫飛出瞬間射爆飛彈的話，就可以秒殺重型羅曼諾夫。

ROUND 3
場景三處會分別出現一隻火槍羅曼諾夫及紅色格奧爾基兩三隻。格奧爾基一般衝鋒槍處理，火槍羅曼諾夫亦都可簡單，只要描準其背部嘅油缸射擊就可以好快將其打死。但要注意火槍羅曼諾夫嘅中距離及近距離非常利害。中距離會噴火燒人，如果玩家中招的話ARS能源會即刻冇哂，十分危險。而近距離火槍羅曼諾夫會使出密度高嘅重擊，威力好大，而且所有火槍羅曼諾夫本身都會追住玩家，所以應速戰速決。

ROUND 4
到左ROUND 4，場景其中兩處(視乎玩家當時位置)會分別出現一隻搭上兩隻紅色格奧爾基嘅雙足坐騎摩爾，以及兩三隻升級版棕色格奧爾基。棕色格奧爾基除左紅比較多及會投擲好易避嘅手榴彈之外，同普通格奧爾基分別唔大，只要注意d就可以了。而雙足坐騎摩爾就係一貫嘅做法，將騎係上面嘅紅色格奧爾基射死就得。可以先用EMP彈或者AR模式，以求快速地清除摩爾上嘅雜兵。ROUND 4嘅兩架摩爾都唔建議射爆，因為會係ROUND 5發揮好大作用。如果玩家成功清除摩爾上嘅雜兵，應馬上騎上去(唔洗理棕色格奧爾基，騎上後亦唔好開炮，以節省摩爾嘅彈藥)然後行到補給站(玩家一開始出現嘅一方)，再將方向對準對面場地，準備好後再清理棕色格奧爾基。

ROUND 5
最後一ROUND。此時補給站對面會出現N多羅曼諾夫(視乎玩家當時位置)，當中有火神及一般N型。盡快騎上摩爾對準敵人狂掃(建議先射死兩隻火神羅曼諾夫)，唔需要擔心會死，因為摩爾會為玩家阻擋所有攻擊，而當摩爾被擊倒後玩家亦會自動脫出。如果第一架摩爾被破壞或冇彈藥，就應快速離開，然後開Boost衝到第二部摩爾上繼續向羅曼諾夫開火。當兩架摩爾嘅彈藥都冇哂時，場上嘅羅曼諾夫應該已經冇左三四隻(視乎玩家眼界)。此時場景上仍然會有一兩隻羅曼諾夫，跟住好就易打了。但要注意就係ROUND 5嘅羅曼諾夫亦都會追住玩家的。


其他注意地方:
1. DEMO場地各處會有指彈補給，除左Sniper之外，其他槍每款都有兩把，可供指彈補給。玩家亦可選擇一次食哂兩把同款武器以供升級，但因為DEMO一關最盡都係得每款兩把，而救同伴又唔會有野領，所以意義不大。

2. 場景中除左預約特典武器之外，所有公佈武器皆有出現。其中係上一個DEMO只係訓練模式中有得用嘅追蹤功能火箭炮及DISK LAUNCHER都有出現。此外亦有新武器如LFE GUN﹑LOCK-ON LASER等等。DISK LAUNCHER係一款射出飛碟嘅武器，除可以殺死人外，又可以整斷敵人手手腳腳(包括羅曼諾夫)。其近身攻擊更有如戰爭機器嘅電鋸槍一樣可以鋸爆敵人，如果冇記錯的話只可以鋸身形較大嘅羅曼諾夫，而且當敵人滿血時鋸一下唔會死。

LOCK-ON LASER當鎖定敵人後就會射出有追蹤功能嘅激光，視乎鎖定嘅數量，冇記錯最多可以射4條激光出去。亦即係話敵人鎖定愈多，對其傷害愈多(特別當鎖定敵人只有一個時)，所以應該揀個無障礙物嘅位置落手。

LFE GUN，一把特別嘅槍。射程唔遠，對所有敵人有打飛嘅敵果。好容易可以射爆體形較細嘅雜兵格奧爾基，對於羅曼諾夫亦有擊暈作用。係一把好好嘅戰術武器。

3. EMP嘅使用率大大提高，對於好似羅曼諾夫咁嘅敵人可以乘機繞到其後面對其弱點開火。


P.S 360版DEMO已經登陸日服XBL，有日服金會員嘅朋友可以去下載了。

@肥狗仔@

個人最快紀錄去到8分55秒左右~最近發現DISK LAUNCHER為近身武器首選。首先佢唔會消耗ARS能源，二黎三四下就已經可以殺死一隻羅曼諾夫。

另外如果射爆羅曼諾夫嘅頭部~咁佢會發哂癲咁周圍開槍，幾得意下~

@肥狗仔@

已於日服推出嘅DEMO第二彈日前已確定會登陸美/歐服PSN/XBL~不過可惜嘅係只會係遊戲發售後即10月22日打後先會推出~= =~所以想玩嘅朋友可以申請個日本AC~特別係PS3玩家~申請一個日本AC簡直易過借火。

@肥狗仔@

6分32秒~這是本人最快時間了~