Bi wire問題

pigpigchan

我想問我對喇叭有bi wire,但我唔見咗啲鐡片，想問可唔可以高低音用AB組喇叭輸出駁高低音（A低B高），（我部兩聲道不設A+B功能），謝謝🙏🙏🙏

n00brx

如果部輸出做唔到A+B同時輸出你應該只要高音/低音出到聲，其實最簡單整條jumper線代替個bridge就可以了

路西華

有A+B功能的，多數係日本機。我部力士505ux都有A+B，我試過A+B，bi-wire去喇叭，結果D聲差左。用番A组輸出，一對喇叭線加Jumper接喇叭，D聲好好多。如果師兄部AMP無A+B功能，但有兩對喇叭線，可以試下擴音機A組輸出接駁兩對喇叭線，一對去喇叭高(喇叭上面對輸入)，一對去喇叭低(喇叭下面對輸入)。會有聲出，但同一對喇叭線加Jumper比較，邊樣好聲？要師兄自己試。

Kowloonman

據我所知,A+B唔係咁用,係為方便接兩對喇叭擺唔同地方,音質會有所下降.加Jumper其實亦等於冇咗Bi-wire設計.不過有啲人覺得可以玩Jumper調聲.正確方法係用多一對相同既喇叭線同時接擴音機一個輸出,但分開一條去高音,另一條去低音.

路西華

Kowloonman 發表於 2022-1-6 08:57
據我所知,A+B唔係咁用,係為方便接兩對喇叭擺唔同地方,音質會有所下降.加Jumper其實亦等於冇咗Bi-wire設計. ...

其實如果要真正用到喇叭的.Bi-wire設計，係需要用bi- amp(YT片或資料我唔提供)，即係兩部擴音機，一部去高，一部去低。如果只用一部合併機或後級，無論用2入4出喇叭線、1對喇叭線加Jumper線、或2對喇叭線，都唔係真正Bi-wire。帶番安全帽，係專家講，我信。我都想知點解多數喇叭都設計做Bi.Wire，搞到我都試過A+B駁喇叭，賴過野！

路西華

就Pigpigchan師兄的問題。如果師兄有2對喇叭線，A高B低，或A低B高，都唔可以。如果2對喇叭線只接A輸出或B輸出，一對去高一對去低，係可以。或者一對喇叭線接A或B，另購買Jumper線接駁代替Jumpor片。或購買2入4出喇叭線。3選1。

Kowloonman

Bi-wire等於Bi-amp係第一次聽見.好想知係邊個專家講.另外加Jumper同用兩條喇叭線接都係唔同的.建議睇吓以下You Tube片.

路西華

我想表達ge係: 一對喇叭線另加Jumper線、2對喇叭線(或1對2入4出喇叭線)，都係擴音機接駁Bi-wire喇叭ge方法。只係，如果用2對喇叭線接駁一部擴音機到喇叭，就係最正確Bi-wire接法，咁接法先真正用到Bi-Wire喇叭設計(將高音低音分開接)，應該所有人都用2對喇叭線。1對喇叭線另加Jumper線並無將高音低音分開接，點解咁多人用1對加Jumper(好多喇叭評測報導都係)? 相反地諗，用2對喇叭線接一部擴音機(即一組輸出)到喇叭，其實有無做到真正將高音低音分開？如果有，應該會完勝1對喇叭線另加Jumper線。換句話講，會唔會3種接法都無法真正發揮Bi- wire喇叭設計?有專家話(唔開名啦)用2對喇叭線唔會增加推力，如果擴音機推力唔夠，或想推盡喇叭高音低音單元，就Bi-amp用2對喇叭線接喇叭。我諗，會唔會Bi -amp先至可以真正發揮Bi- Wire設計。其實我ge疑問係，一對大型座地喇叭需要多於一部擴音機推動，所以需要Bi-wire甚至Tri-Wire設計。但一對小型座地或小型書架喇叭，一部擴音機就足夠，真的需要Bi-wire設計嗎？

art911

路西華 發表於 2022-1-11 08:00
我想表達ge係: 一對喇叭線另加Jumper線、2對喇叭線(或1對2入4出喇叭線)，都係擴音機接駁Bi-wire喇叭ge方法 ...

早安！师兄 思路清晰、有条有理，值得敬佩！小弟不才，也提出些愚见。
Bi -amp、Bi-wire、过机线、喇叭线、电源线…等，都是一种玩法而已。这些玩法是因为现有的两声道的音响，存在着缺陷而衍生出来的。
高、中、低三单元，各有承受不同的功率。但只供同一个功率给三单元，那就做成三频不均，出来的声音也不协调。商人也不会买一些一步就到位的产品给大衆，要不是没有人換机了，影响消受。也衍生了音响周边的产品出现了，使到人们用尽各种方法去调音。
从上是小弟的愚见。见谅！见谅！谢谢！