《悍戰太平洋2：起義時空》

freestylemen

先評分，整體絕對可以一睇，如果是喜歡機械人大戰的，更加必要入場。
我喜歡但不是狂熱機械人片。內容唔講喇，要估唔太難，及有點似曾相識，但這套節奏絕對快，有些位甚至快過龍，不過寧願佢係咁，所以成套好快過，唔會悶，格鬥場面正，煲碟一流，連我本身唔太喜佢的機體設計，睇完都有點心動，最難得是有頭有尾，我一直諗部機仔點出場，都有點驚喜。我唔同上集比了，只覺今集更正


本片除了狂轟之外，都有帶出訊息，不要默守成規是例牌菜，非常時期用非常手段，我覺得本片最想講的是人工智能、無人駕駛和自動化，或多或少是因爲咁而攪出大頭佛。除此之外，針無兩頭利，節奏快到有些位沒有詳細描述，唔夠深刻，唔夠touching ，所以感覺唔到小女孩的存在價值，其實無左佢都可以貫通成套戲，只係少左一個枝節

機械人方面就好難避免同變形金剛來比較，反而呢度做得出果種重量咁，硬橋硬馬，每個動作都是機械式的硬崩崩，個人覺得好有feel，睇膩了英雄片，這套是值得捧場

Hon

無可能唔同第1集做對比, 因為佢係第2集之餘, 故事上都係由上集帶落黎, 即使唔想比但都唔得.

其他就....


總括黎講, 我覺得呢集唔多掂.

radhk

真係快過頭, 睇完我連邊個揸邊個機械人都唔記得.

funny1

Hon 發表於 2018-3-31 19:53
無可能唔同第1集做對比, 因為佢係第2集之餘, 故事上都係由上集帶落黎, 即使唔想比但都唔得.

其他就....

我都有呢種感覺

freestylemen

Hon 發表於 2018-3-31 19:53
無可能唔同第1集做對比, 因為佢係第2集之餘, 故事上都係由上集帶落黎, 即使唔想比但都唔得.

其他就....

Ching講得都有道理，呢套擺明是爆米花，上集的確是劇情豐富很多，但個人覺得太口水多過茶，唔夠爽，連打鬥都打得拖泥帶水，我都怕我忘記，重溫無記重播都係這種唔耐煩的感覺，唯一可取是看維港被破壞，但我諗只有香港人有同感吧？就是覺得取向不同，所以我話唔比較了，其實你無睇第一集都可當佢獨立來看，裹面都有提及返，全部輕輕帶過，今次取向可以說是簡易得多，可以說是兒童向

freestylemen

radhk 發表於 2018-3-31 22:20
真係快過頭, 睇完我連邊個揸邊個機械人都唔記得.

Yes無晒上集的特色，各國自行研製，無啦啦變班學員揸，劇情快到好多野都無交待。其實我覺得故事大有發揮，今集真係唔夠盡，如果黎一招各國研製戰勝了怪獸後卻各自加大力度開發自家機體，變各國混戰，咁樣就大把野講了

alleelarry

十分同意太緊湊，其實小女孩還有很多故事可以講，會唔會刻意留番D之後講就唔知啦！但幾乎可以肯定佢既出場是食番上一集 MAKO 既身世去處理

alleelarry

freestylemen 發表於 2018-4-4 12:14
Ching講得都有道理，呢套擺明是爆米花，上集的確是劇情豐富很多，但個人覺得太口水多過茶，唔夠爽，連打 ...

獨立觀看的確是可以，但入場前有重溫會睇得更投入！

USA2010

講起英雄片,最尾隻boss出黎果陣我就諗"復仇者聯盟"應該輕鬆搞掂