聖誕禮物之 二 / 飛利浦 9109

tiggerjason

因為歐洲方面剛轉咗款!? 新款頂級係 8601! 好慘, 新機已變成舊款……
各位師兄若果日後對呢部寸機好有興趣, 咁只有自己去歐洲自行輸入…. SORRY.

小弟及屋企人一向都是飛利浦的”超級 FANS” . 全盛時期, 我地全家有 5部飛利浦電視. 還有其他 Philips AV產品! (AV AMP, BLURAY機, 喇叭….), 我未買之前係用緊飛利浦2009年 46吋 9704 電視. 一向表現良好. 冇病冇痛.   

買呢部機的過程, 其實都巧合. 因為我同我大佬, 都對新款4K電視好有興趣. 但係飛利浦啲新款電視在香港是接近”消聲匿跡”的! 平時只可以上網睇佢啲歐洲網站止住咳. 大慨3個星期前, 我阿哥CALL 我, 佢話有辦法入到飛利浦電視 9109 ! 但一定要3日內決定, 否則時限一過, 便沒有機會. 因為飛利浦電視總部決定, 2016開始 歐洲版9 Series 電視唔會輸出到亞太區.

言歸正傳…. 我呢篇 ”小包膠”. 純粹用家報告. 沒有任何專家數據或用詞. 因我唔識! 請見諒.

1)        跟機配件
-        開箱文中提及之 wireless Sub-woofer. 使用咗個多星期後, 我係 ”完全唔覺”佢係度運作當中! 簡直係失望至極. 又晒位及晒電! 雞肋!
-        搖控, 極之搞鬼. 因為搖控背面有實體 “QWETY” 鍵! 同時, 搖控包括 “聲控” 及 “箭咀操控 – 近似我地常用之 MOUSE – POINTER” 功能. 相信如果日後趺爛咗, 要買番應該要成千銀! 所以我”拿拿聲”上咗網買咗個簡化版代用!

-        3D 眼鏡, 跟機得兩副. 主動式結構, 要入 “餅電”. 但好輕! 本來想買多兩副, 但向零件部訂太貴, 好似要 AROUND $500 一副, 所以打消了這個念頭.
-        駁線, 原裝跟兩條 電源線, 一條英式頭, 另外一條係兩腳頭. 但問題係, wireless Sub-woofer 也要用電源線! 要自己換頭!
-        底座, 由於上牆, 所以未試…..


2)         主機
-        ANALOG 接收, 基本野. 不詳述
-        數碼接收器, 由於歐洲數碼制式是 DVB-T, S, 但不幸地, 跟大陸之 DMTB不兼容, 有很多特別數碼接收器功能, 所以係香港係廢既! 晒料!! 所以我用 Magic TV 做接收! 2TB HDD 容量無痛錄影! 仲好!

-        衛星接收器, 同樣, 由於香港制式不同, 用唔著!!!
-        ANDRIOD 功能, 呢個功能, 可以話係呢一代, 其中一大特式, 由於呢一代上市時間係 2014年11月. 所以預載版本你 4.2.2 Jelly Bean. 但由於內置memory 只有 1.6GB. 所以我唔敵下載太多野.
-        APPS, 呢一個相信好多師兄最有興趣的 Features, 直接上 Play Store 係DL唔到 My TV App 的! 這是由於 APP 原先是設計給手提裝置用. 所以不支援!!! Angry Bird 係……… 唔得嘅! 因為APP 原先是設計給touch screen 裝置用….. OMG!
-        NETFLEX, 哈哈, 香港要遲啲先有. 遲啲才可以試.

-        USB 有3個PORT, 基本市上 9成的檔案格式都支援. 播 MKV檔案冇難度! YEAH!!          
-        HDMI, 若果要行 4K (輸入), 只得一個PORT. 就係 HDMI 1, 呢個係支援 HDMI 2.2 VER. 其餘3個係 HDMI 2.0.

3)        4K 畫面
-        4K HDMI 線, 由於想行盡4K 功能. 所以我買咗條 飛利浦 4K HDMI CABLE. 冇錯又係飛利浦! Hehehe…. 由於我套影音系統已經大幅度簡化, 變成為 飛利浦 HTB9550/98 5.1. 而佢內置4K升頻功能. 所以我一開始將絛線駁 Magic TV. 睇下會點.
-        MAGIC TV, 駁了線後. 開始覺得幾過癮. 因為 4K升頻後, sharp 到啲人面上所有用化妝 COVER 嘅問題都 “效大”咗. 但睇咗兩日後, 開始覺得好怪, 好核突. 連老婆都投訴. 所以……
-        將個條4K線轉俾套 HTB9550/98 5.1 用, 睇吓會點. 結果成件事唔同晒. 黑位結實咗, 細節多咗. 同立體咗. 但同時 MPEG NOISE 變得明顯咗. 但呢個問題, 可以電視內的 PICTURE NOISE REDUCTION 功能去減少. 但會令畫面出現 “油畫化”的情況. 無計!
-        一貫 Pixel Plus畫面 quality, 睇慣咗, 你會好喜歡, 細節唔會好似 ”三叔” 過分咗, 睇得多隻眼會累. 唔慣嘅話, 會話唔佢唔自然.
-        色彩一貫歐洲風格. 比較 ”淡”. SETTING佢裡面有 ISF 顏色及 GAMMA調校. 但我唔識, 所以唔搞咁多.          
-        由於畫面大咗, 所以畫面光度輸出好勁. 有點 OVER 咗. 我有啲擔心我個 B女會”近視”!?
-        個PMR 1000hz 畫面刷新率, 係咪咁勁? 哈哈哈…. 呢個只不過係一個數字遊戲. 大家不須太Serious. 但肯定俾我之前 9704 係強的! 睇英超唔窒啦!! YEAH!
         
            
4)        3D畫面
-        我用阿凡達試. 簡直無械可擊! 堅!! 好過癮!
-        另外, 佢個 3D 眼鏡有一個附加功能, 係支援 雙打功能. 即係, 帶咗個 3D 眼鏡後. 每個玩家只會睇到自己專屬畫面. 我唔打機. 所以冇用!
5)        聲音
-        講老實, 我係極度失望的. 諗住有外置拾仔會勁啲. 點知仲差過以前!?
-        9704. 我諗要CALL 飛利浦 C FU上黎研究下, 究竟發生乜野問題….. FXXK!
-        部機可以用藍芽接連屋內藍芽喇叭發聲. 或經 Easylink 用5.1機出聲.
-        由於原裝個外置拾仔, 實在不濟, 所以我膽粗粗, 去訂咗個小米藍芽外置拾仔返來. 試下得唔得! 待續…..
  
6)        操作流暢度
-        呢樣野係我老婆最不滿的地方. 因為每次開機到進入Magic TV 畫面. 要等成分鐘. 我老婆個性急躁. 呢一分鐘太長了! 唔知日後 firmware update 可唔可以改???

7)        Ambilight
-        呢個機背燈光系統, 用來晚上睇戲就最正!!
-        部機有一個幾搞野功能, 就係電視可以用 WIFI接連飛利涌 HUE LED 燈膽, 一齊變色! 但我冇買呢套野, 因為都幾貴!!!

8)        其他功能
-        內置鏡頭, 可以 SKYPE 通話同 “手控” 程式. 但“手控”極難控制. 已放棄!
-        聲控, 未試!  
-        畫面分享功能, 可以將電視之畫面經 WIFI 分享至另外一部有 WIFI接連之電視. 房用緊大陸CHEAP CHEAP電視. 冇 WIFI 冇得試!

9)        總結
-        跟2009年之9704比, 相差了5年的畫面質素. 分別大唔大? 絕對明顯.
-        太多工能, 多到自己有點怕. 但這是現在市場的特色.
-        ANDRIOD , 呢個 function 係電視未來的方向.
-        CP 值, 呢部機的 CP值不高. 因為超過 2萬元的價格. 但對比KOREA/JAPAN 機的頂級機佢又唔算貴.
-        對於我呢啲 Philips Hard Core Fans, 呢部機是值得擁有的.

   

tiggerjason

由於部機的 Android 只係4.2 Jellybean. 同時冇 Hevc decode. 所以要睇 4K Netflix, 要買 Nvidia Shield TV 解決。
(Post76 Android 手機版送出)

tiggerjason

其實我收到有啲師兄問點樣可以買到.
由於據悉, 飛利浦電視總部已決定, 停止再輸出頂級歐系機到亞太區.
所以我亦都可以講得!
其實我係直接同香港總代理買的. 所以有齊所有行貨保養同免運費!