|
|
如果想睇到更多76師兄嘅分享，快啲登入成為會員啦！
您需要 登入 收看或下載更多內容。還未成為會員？成為會員
x
本帖最後由 ikkjr 於 2015-11-22 09:14 編輯
計劃編
四人(2 pairs) 6天行程 2015.11.7 - 11.12
香港 > 福岡 > 耶馬渓 > 別府 > 由布院 > 熊本市 > 福岡 > 香港
行程重點: 食, 睇紅葉, 浸温泉
五晚嘅洒店:
1. 福岡 - Grand Hyatt
2. 別府 - 晴海
3. 由布院 - 山城屋
4. 熊本市 - Dormy Inn
5. 福岡 - 日航
九州 11 月天氣
後記: 去咗 6 日, 4 日都間中落細雨.
而天色在下午六點天巳經黑到似香港晚上九點.
不過如果想睇 '紅葉'靚景, 11 月是好時間.
真係針冇兩頭利, 要自己取捨
租車 + ETC card
今次租車有些經驗想同各位分享.
睇中部 Nissan X-Trial, 上網揾到一間叫 RentalCars 嘅公司, 話同日本各大租車公司聯營. 佢報價 6 天 + zero excess insurance = HK$4000, 會由"Nissan Rent-A-Car"提供汽車. 反而在"Nissan Rent-A-Car"網頁上直接報價就 $5000.
嘅然架車同保險條款一樣, 當然選擇平個間啦.
去到日本 Nissan 先知原來最大分別在於保險. 如果同 Nissan 直接租, 有乜損傷就由佢地負責.
而同 RentalCars 租, 架車有乜損傷要先付錢俾 Nissan, 之後自已再向 RentalCars 索償!
Nissan 職員話如一般交通意外而引至架車有損傷, 要付約 YEN150000-200000. 嚴重損壞另計!!
RentalCars 嘅服務態度亦有問題, 俾錢前就有問必答, 俾錢後就有問必唔答
另外日本租車記得租埋張 ETC card (Nissan 費用約 YEN350), 以便行走各條收費道路. 還車時租車公司先同你計數, 十分方便.
今年三月時到日本京都,大阪 自駕遊就忘記租 ETC card, 結果相當麻煩. 因有些收費道路出口是用收費機, 沒有人員當值. 你如果不懂操作, 閘門是不會開放的! 真係搞到頭都大埋. 後車可能巳經講緊粗口
Tips (後記):
日本福岡和週邊城市有些道路和停車場超窄, 如不用帶大件行李, 租細車比較方面.
在11月份, 一到晚上六時左右, 巳經天黑, 有些高速公路街燈很暗, 對頭車多數會用高燈, 揸車比較費神.
亦盡量不要天黑在山區駕車, 一來沒有街燈, 二來很多山路超窄又多急灣!
日本駕車跟香港一樣右軚, 交通規則有點不同, 見到綠燈左轉或右轉時, 要留意行人/單車, 因行人路那邊的燈號也有機會是綠色的, 在日本永遠行人優先! 一見有行人應立刻停定, 不要試圖慢車跟行人爭路, 切記! 
小型停車場泊車
室外小型停車場多數用自助機. 當你泊完架車後, 車下會有鐵片自動升起, 以防你未俾錢就走人.
當要離開時. 先在自助機輸入你的泊車位置編號 > 再按"精算" > 入錢 > 鐵片便會自動降下. That's it.
多層停車場泊車
入車時在入閘機取 '泊車票'.
取車時在自助機放入 '泊車票' > 按"精算" > 入錢 > 取回 '泊車票' 以便出閘時用.
租車費用
今次行程共行了約 500KM, 入油約 YEN10000, ETC 費約 YEN6200,
泊車約YEN10000 (洒店 car park 一般 YEN1500/night),
加埋租車費, 租車支出共約HK$5600 for 6 days. 都幾抵玩. 
日本 電話 Data Card
買咗日本富士卡, 3G 7日任用, $110,
係福岡同週邊城市都收得幾好, Check 下 email, whatsapp 一流.
平, 靚 , 正.
港龍 Business Class
港龍用於 short-haul (少於三小時) 之客機, B-Class 是沒有筒型座位. 換言之, 座椅不能調節至完全平坦, 不可能平瞓.
國泰短途客機就有機會有筒型座位. 瞓番三幾個鐘先落機. 舒服好多架
Day 1
今早交通非常暢通, 九點巳到機場, 去The Wing食番個免費早餐.
上次食過 雲吞 同 擔擔麵, 都幾好食, 今次一於再食過.
雲吞 + 擔擔麵 = 雲吞擔擔麵
早餐都有雪糕食
飛到日本啦, 出咗福岡機場, 國際綫要坐免費shuttle bus去 Terminal 2 對面嘅 Nissan 攞車.
架車非常新, 只行咗 6200KM.
第一晚住Grand Hyatt, 友人話到福岡要試下屋台 (大排檔), 咁第一餐晚飯就屋台啦.
由洒店行去中州只需 10 分鐘.
福岡的「中洲」(中洲川端站)便是罕有地集合了全日本中最多路邊檔的地方)
去到「中洲」, 用民間智慧, 食最多人排隊個檔.
今晚食關東煮, 串燒, 拉麵 .
眼闊肚窄, 樣樣都想試,
就同店家講話'關東煮'樣樣都要
串燒 每樣就打孖上, 再加 拉麵 x4.
結果係........食晒嘅! 不過就非常.....非常....飽.
埋單多謝 YEN20880.
以大排檔計, 每人HK$350, 都唔平喎!
食飽飽, 行街街, 可能是落雨, 條街相當靜.
再行埋洒店接連嘅 Canal City 商場, 當做運動.
行完都够鐘瞓啦. 明天見
Day 2
食完早餐, 係 Grand Hyatt 附近行下.
Day2-Hotel Nearby
繼而揸車去城市中之花園-大濠公園, 車程約15分鐘.
朝早行下公園, 原來幾好feel .
Day2-大濠公園
行完公園, 向太宰府天滿宮出發, 車程約30分鐘.
泊好車, 沿途見有蛋餅, 買嚟試下, 估唔到又幾好食喎.
太宰府入口, 右下角間Starbuck 門口裝修幾特別
day2 太宰府入口
太宰府有一樣好出名嘅小食-梅枝餅 
沿途起碼有十幾二十間鋪賣.
小弟一行四人試咗幾間.
day2 梅枝餅1
最好食都係下面E間, 亦係最多人排隊.
小弟覺得幾香, 如果可以少d甜就滿分啦
day2 梅枝餅2
向太宰府天滿宮途中
day2
日本人去太宰府天滿宮是求學業,
所以沿途都見好多'學生哥'.
day2
day2
周圍嘅紅葉都幾靚
day2
太宰府內食店選擇不多, 是但揾間, 味道都可以啦.
正宗食梅枝餅方法: 綠荼配梅枝餅
day2
告別太宰府, 向耶馬渓競秀峰出發. 車程 1hr 45 mins.
目的地係 '一目八景' 睇紅葉.
到達耶馬渓, 未去到 '一目八景',
巳見到周邊景色超靚
一於泊低架車影下相.
影完一輪相, 口乾乾, 係下午荼時間啦.
見到間特色 cafe, 入去試下.
結果係喜出望外.
Home made cafe 香濃,
Home made chocolate cake 又軟又香滑,
居然連 '厚多士' 都非常鬆軟好味 
由 Cafe 去 '一目八景' 只需 20 分鐘車程.
泊低架車係入口處停車場.
嘩! 連停車場都咁靚.
係 '一目八景' 嘅景色係360度全景, 如詩似畫.
小弟影相技術非常麻麻, 完全表達唔到實景 
原本耶馬渓競秀峰附近仲有幾個景點想去,
不過巳經唔够時間 
下次有機會真係要預留多些時間在競秀峰!
要趕去下一站, 別府市. 車程約一個多少時,
途經山路: 又暗, 又窄, 又多灣 
今晚酒店住 別府市-晴海
如果想住晴海, 一定要早d預定, 睇落去就知點解.............
今次訂個兩間房係 全海景 + 房內私人温泉,
房內向哂海嘅私人温泉
全海景露台
洒店晚上望出去嘅海景
如果想熱鬧, 當然可以去酒店嘅露天温泉啦.
晴海 仲有一樣好出名:
就係佢嘅洒店日式海鮮餐廳
當晚食飯時撞見其它香港遊客,
佢地話 book 唔到係晴海住, 都要專登坐車過嚟食 
晚餐叫咗乜.....?
基本上叫 captain 有乜好食就攞嚟, 唔使煩.
結果................我地今晚食咗....................
兩碟captain 特別介紹嘅魚刺身, 每碟都有個名牌插係道喎.
不過唔明佢寫乜!
活魚刺身成條上 + 豐後牛
大好味, 掛著食, 都唔知有冇影漏....
係香港五星酒店咁食法, 基本上每人花費都要幾千,
某些酒店嘅高級日本餐廳可能仲貴.
食飽飽, 到埋單啦
任你估, 都估唔到幾錢............................
多謝 YEN20000.
你冇睇錯. 小弟都冇打錯.
如果食多幾餐, 真係專登坐飛機嚟食都抵 
Tips: 記得訂房時訂埋位. 就咁walk-in, 餐廳未必有位咖
多謝收看 
|
評分
-
查看全部評分
|
發表於 2015-11-13 20:48
發表於 2015-11-14 03:02
樓主
，老闆睇完3日2夜要求出年去坐火車搵市長
